كـل ٍ على طبعه يجيبـه حليـبه .. لمشعل دهيم ..

[عزيز الفوزان]

السـلام عليكم ورحمة الله وبركاته

بعد التحيـة


مشعل دهيم ..

هذا الفنـان الذي يملك براعة في توصيـل المعنى لإذن المتلقي مع القائه الهادئ وإسلوبه السـلس ..
لاأجد شـي ابلغ من وصـف هذا الرجل سوى أنه مشعل دهيم ..


[ كل ٍ على طبعه يجيـبه حليبـه ]

اخليــكم معهــا

يالله تعديها على خيـر وتصيـب=مـن حدنـى اكتـب خمالـه وعيبـه
يبغي الصراحه مابهـا شـك او ريـب= اقولهـا والنـاس كل ٍ وطيبـه
الحـر ما ينفـع بليـا مخاليـب = والعقـل للرجـال زينـه وهيـبـه
والسالفه ماهى بلحيـه مواجيـب = كل ٍعلـى طبعـه يجيبـه حليبـه
بعض المنابت للمراجل عذاريب=وبعـض المنابـت للمراجـل خصيبـه
رجل ٍ يبي طاريه عند الاشانيب =ورجل ٍ يبـي طاريـه عنـد الحبيبـه
ورجل ٍ يـودي بالسواليـف ويجيـب = ورجل ٍ سواليفه لفعلـه تجيبـه
ورجل ٍ يغض الطرف عن جارت صحيب = ورجل ٍ عيونه في محارم صحيبه
ورجل ٍ تسد بغيبتـه يومـه يغيـب =ورجل ٍ ولا تقـدر تسـد مغيبـه
ورجل ٍ يغيب ويفقدونه هل الطيب = ورجل ٍ اليا من غاب محـدن دريبـه
ورجل ٍ تشوف بخوته لك مكاسيب = ورجل ٍ تشوف بخوتـه لـك غليبـه
ورجل ٍ اذا اخطا يرى نفسه مصيب = ورجل ٍ اذا اخطـا يراهـا مصيبـه
قلت الصراحه مابها شك او ريب =كل ٍ علـى طبعـه يجيبـه حليبـه
باأهلك ماوالله انا لاقي ٍ عيب = تاج ٍ على روس المراجل وهيبه
اشره وشره كان تبغي المواجيب = عط حق تاخذ حق مابه معيبه

إهــداء إلى قلـــوبكم ..

[فــلاح]

ياسلاام ســّلم


حكــم على أفــاا من يشيـــل صــح الســان ابن دهيـم


ولاهنــت يا عزيز على النقــلأ المميــّز

[عزيز الفوزان]

المشاركة الأصلية كتبت بواسطة طويــــق

ياسلاام ســّلم


حكــم على أفــاا من يشيـــل صــح الســان ابن دهيـم


ولاهنــت يا عزيز على النقــلأ المميــّز

اهلا ً طـويق ..


حضــورك شـــرف ..


أتمنى إنـي أستطعت بهذا النص أن اروي بعض ذائقتك ..


شكرا ً لك

[علي أل فطيح]

عزيز الفوزان الله لايهينك
وصح لسان الشاعر مشعل دهيم

[عزيز الفوزان]

ولايشيـنك ..

اخـي ألـ فطيـح


شكرا ً لحضورك ..

[فلاح بن ملبز]

ورجـل ٍ اذا اخطـا يــرى نفـسـه مصـيـب=ورجــــل ٍ اذا اخــطــا يــراهــا مـصـيـبـه

ارحب يا عزيز

وصح لسانك ولسان شاعرها

ويعطيك العافيه على هالنقل الجزل

ولاهنت

[عزيز الفوزان]

فـلاح بن ملبـز ..

تألقك ونشـاطك واضح جدا ً ..


شكرا ً لتواجدك .. يابعدي

[الاحرش]

صح لسانك ولسان شعارها

ويعطيك العافيه على هالنقل الطيب

[عزيز الفوزان]

المشاركة الأصلية كتبت بواسطة الاحرش

صح لسانك ولسان شعارها

ويعطيك العافيه على هالنقل الطيب

اهلا ً بك اخـي الأحرش ..

صح بدنك ياعزيزي ..

شكرا ً لحضورك ..

[عزيز الفوزان]

للـــرفع ..


للـرفع ..


حتى يأخذ النـص حقه

من المتابعه