أخشومنا تكرم ولا إبن امّه يحـاول فركهـا .!! لــ شبيب

[محمد بن سعود]

[move=up]تـــواصـل :/ [/move]

يا ابو علي ماعاد فيها لا خطا ولا صـواب=السالفه وصلت على مسك الخشوم وفركها


سيّرت اسولف لك معاناة الهوى مع الشباب=بس أنت لا تنسى دلالك جر جمرك وأركها


العام علّمتك عن اللي تغيض تلعات الرقاب=لها جديلِ لا انتقض ينتـلّ لأسفـل وركهـا


عشقتها والعشق معناه الغلا قبـل العـذاب=اكره حياتي دونها واعشق لهايـب دركهـا


واليا طرت لي ليلةِ توصلني لحد السحـاب=قلـت الله الله ليلـةِ فيهـا كـذا يابركـهـا


واليوم جيت وفي عيوني ألف هم من الغياب=وأصد عنّك والعيون تلومني فـي عركهـا


ياليت قلبي يوم خلاّها قبـل عاميـن تـاب=لكن قلبي حـر والصيـده يـدوّر شركهـا


يا ابو علي وأنا رفيقك منزلي فوق الهضاب=والحاجه اللي في عيون الناس ياجب تركها


والسالفه مهما تكون أمّا خطا والا صـواب=أخشومنا تكرم ولا إبن امّه يحـاول فركهـا

لـ الشاعر / شبيب بن شبنان

[ناصر بن فالح]

كفوو كفوو


صح لسااانه شاعر كبير وجزل

ولاهنت يا ابوو سعوود على النقل

[mr.3jmi]

صح لسان شاعرها

ولاهنت يابو الاكراني على النقل

[آلغرور]

يآليت قلبي يوم خلاّها قبـل عآميـن تـآب

لكن قلبي حــر وآلصيـده يــدوّر شركهــآ ,,,


قصيــدة رووعــه ,,,

صــح لســآن شبيــب ,,,

وسلمـــت يمينــك عآلنقــل لآهنــت ,,,

تقبــل مــروري ,,,

,,,,,,,,,,,,,,,,,,,,,,,,,,,,,

["..عـَـذْبـًة الأطْـبـَآآآآع.."]

الله الله ..


قصيده رائعه وقويه ..

صح لسآن ابن شبنآن وتسلم يمنآك ياشآعرنآ ..
على نقلك الجميــل ...




لك احترآمي ..