كذاب لو قلت لك :أقدر على بعدك = وحبل الكذب يا حبيبي دايم قصيّر
أمر بيتك ..وأغني من كثر شوقي =" واقف على بابكم ولهان ومسيّر "
أقول يمكن تمر صدفة وتلمحني =ويرق لي قلبك اللي خــابره خيّر
ملامحي في غيابك تكسر الخاطر =حزين، مكسور، ذايب قلب ، متحيّر
ادري بأني غلطت كثير في حقك =لـــــــكن قلبك كبير وذنبي صغيّر
حدتني ظروف وقتي ابتعد عنك =لكن قلبي حشى ماهوب متغيّر
ما كنت ابي تشوف حزني في وسط عيني =ولا كنت ابي تشوفني في وضعٍ يحيّر
اسرجت خيل الغياب وغبت عن عينك=وماني لـــ / هــالبُعد والهجران متخيّر
تكفى طلبتك ترد الماء للمجرى =ترى ذبحني الهجر ..ملعون ابو الخيّر
وان طولت غيبتك عني ..بتلقاني =" واقف على بابكم ولهان ومسيّر "
لـــ/ عبدالرحمن الخالدي
* واقف على بابكم ولهان ومسيّر ( مطلع اغنية مشهورة كتبها الشيخ عيسى بن راشد آل خليفة )
21-06-2008, 07:38 PM
العرض المتطور
