باكرمسافر بس مدري على وين..

[الوانيت*]

بسم الله الرحمن الرحيم
--------------------------------------------------------------------------------

الشاعر محمد بن سرور الديحانى .يترك محبوبته ويتجه للصمان
إليا غدى الصمان مثل البساتين=وأقفى خريف الصلب وأقبل ربيعه
هذي القصيدة أنقلها لكم قرأتها فى أحدى منتديات الشعر و اتمنى تعجبكم!!









باكر مسافر بس مدري على ويـن
..............قبـل الـوداع اذكــرك بالوديـعـه
بإلله لأطريت السفـر لا تضيقيـن
................اخاف لا ضقتـي تضيـق الوسيعـه
وانا السفر عندي مثـل ماتعرفيـن
...........طبيعـه و مـحـدٍ يغـيـر طبيـعـه
مثل الزعامه في عيون السلاطيـن
............حكـام نجـد مقومـيـن الشريـعـه
ومثل المعزه في نفوس العزيزيـن
.................اخوان جوزا أهـل السلـوم الرفيعـه
ومثل البشاشه في وجيه الجماليـن
..................زحول الرجال أهل النفوس المطيعـه
ومثل التفاخر في طبوع الشعاليـن
................بأمجـاد أهلهـم والحصـون المنيعـه
يعني طلبتـك ياعـذاب المزاييـن
......لا تطلبينـي شـي مــا أستطيـعـه
إليا غدى الصمان مثـل البساتيـن
..........وأقفى خريف الصلب وأقبـل ربيعـه
وكلمت ابوتركي طليق الحجاجيـن
.........وقال الوعـد روضٍ شمـال الرفيعـه
سريت من دارك على خير هالحين
......هالحيـن لا باكـر ولا هـو تبيـعـه
وأليا غدى في عيني الليـل ليليـن
وصوت الهوى صوت السباع المجيعه
.....ماعندي إيميـل وبريـد وعناويـن
إلا الصحـاري والخطـوط السريعـه
....وإليا زملت اذكر فعول الدياحيـن
وأرضى ببعض اللي مضى عن جميعه
....يطري علي لافي وهزاع وحسيـن
أخـر رمـوز معنـزيـن النزيـعـه
الدار موحش والجماعـه مقيميـن
والحـر مايرضـى بغيـر الطليعـه
وأنتي مطاليبك على الراس والعين
.............ما أرضى علي ولا عليـك الهزيعـه
الغدر ماهو من طبوع الأصيليـن
...........والله يـا منـي ماتجيـك الخديـعـه
بس السفر كانـك بديتـي تلحيـن
............يمكـن يجـي بينـي وبينـك قطيعـه
ودامك عشقتيني على الزين والشين
..................قولي كذا إن ما طاعك الوقت طيعـه
وإليا زعلتي والله إنك لـترضيـن
.................لأن من شـرى قلبـي يحـرم يبيعـه
وانا بـأقول وسوي اللي تسويـن
............غيـر جبـال ولا تغـيـر طبيـعـه




الشاعر:

محمد بن سرور الديحاني



منقول....///

[سهوم بقعهـ]

:

وإليا زعلتي والله إنك لـترضيـن
.................لأن من شـرى قلبـي يحـرم يبيعـه
وانا بـأقول وسوي اللي تسويـن
............غيـر جبـال ولا تغـيـر طبيـعـه

:

اخويّ الوانيت* طبتّ و طآب نقلكـ

/و/ ..صح الله لسآن شاعرهآ

تحيــــــــــــــاآتي ــيّّ

[دوسري يحب العجمان]

الدار موحش والجماعـه مقيميـن
والحـر مايرضـى بغيـر الطليعـه

وأنتي مطاليبك على الراس والعين
.............ما أرضى علي ولا عليـك الهزيعـه

تسلم اخوي الوانيت على هذه الابيات الرائعه

تحياتي لك ...

[جطلي بن فهد]

السلام عليكم ورحمة الله وبركاته


الله الله


الله يرزقنا بالمطر والغيث نبي نشوف الصمان مثل البساتين مانبيه دشه



الونيت صح لسانك ولاهنت على النقل