قصيده في سباق فرسان العجمان

[عبدالله المفلحي]

....السلام عليكم ورحمة الله وبركاته....القصيده هذي كنت
بشارك فيها مع اخواني في سباق فرسان العجمان لكن الظروف
الي جات من فوق منعت القصايد فالحفل......وإليكم المتواضعه..



سلام ياربعي سلام تحيتن حسب الأصول=وقصيدتي بصوغها لعيون من يوحونها

ربعي هل السيف الحدب لاجات قرعات الطبول=شاشو على حذف الغتر والكايده ياهونها

وان صاح صياح وزهم راحة رجاحات العقول=الكايده ياطونها والنايفه يرقونها

وان فرعة بنت الحسب بنت النسب بنت الزحول=الموت نارد جمته لعيونها لعيونها

ناتي على قب الفرس والا على ظهر الذلول=والخيل ياتي فوقها خيالها مجنونها

وصغيرنا وقت اللزم شيال لثقال الحمول=ايشيلها وينوبها اليا اختلف مضمونها

عجمان والماضي شهد يشهد لنا عرضن بطول=ماجاتنا متربعين الا بحد اسنونها

مبطي على ظهر الخيول شيوخ ونصول ونجول=الخيل نتعب جهدها وسيوفنا من دونها

واليوم في حفل السعد في حفلة سباق الخيول=تقدير للورث القديم انعزها ونصونها

تسابقو ياهل الخيول على منصات الوصول=والي تفوز بشوطها ترا الفخر عربونها

والحفله الي وافقة عيدالله وعيد الرسول=يالله تبارك ليلها وتعز من يرعونها

وسلام ياربعي سلام تحيتن حسب الأصول=وقصيدتي قد قلتها لعيون من يوحونها
اخيكم..عبدالله بن سعيد المفلحي

[كرباج]

عبدالله
بيّض الله وجهك قصيده جزله

صح السانك منا الى ماله مدى

[مناحي الصميل]

الله الله


يا سلام عليك يا عبدالله


صح الله لسانك على ذا الجزله


كتبت فأجدت لله درّك



لا هنت يالذيب

[البرنس1]

صح السانك ياعبدالله على القصيدة الجزلة ولاهنت ياغالي لاهنت ....

[فــلاح]

الله الله

قصيـده جزلـه يـ المفلحــي وبيـض الله وجهـك


تحيــاتي
طويـــق

[عبدالله بن باتل]

المفلحي صح لسانك ولاهنت


تقبل مروري

[عبدالله المفلحي]

كرباج,,,,,,,,
,,,,,,,,,,,,,,,,صح بدنك طال عمرك
والله لايهينك على المرور الي اسعدني

[صـــبـــــــــا]

وان فرعة بنت الحسب بنت النسب بنت الزحول=المـوت نـارد جمتـه لعيونـهـا لعيونـهـا

صــح لسانك أخوي عبدالله لاهنت على ذالأبيات الرائعه
لاهنت عليها ويعطيك العافيه
صــبــــــآ

[عبدالله المفلحي]

الصميل,,,,,,
صح بدنك والله لايهينك على المرور الطيب

[نـاصـر]

صح لسانك ياعبدالله

قصيده جزله وتطلق الوجه