ياوجودي لاتهزع مع رفاع ومع طمانـي...وجد من طشه زمانه في برستيج بدويـه

ملكعه · #1 25-10-2009, 04:41 AM

السلام عليكم جميعاً اخواني

امل ان تستمتعو بهذه المشاركه........

هذااا مما راااق لي..
.
.
.

راكب اللي لا نخيته حطم اجـزاء الثوانـي
مثل شيخٍ حضروه القوم لطقوس الحميـه
جيب لكزس كن لونه خلطةٍ من زعفرانـي
أشقرٍ عودي على اصفر الوكاد أنه كذيـه
صب لونه وسط قنينة ذهب والعلم جانـي
ارسلوه لطوكيو ثم جاب ميه فـوق ميـه
راحو يساقون بديه واطلعو في لون قانـي
ثم أعادو مره أخرى لين صار افتح شويه
واتركوه اليوم كله وارجعو له وقت ثانـي
وجاك لونه مثل لون الشمس حزة مغربيه
وفرشوه بزل نادر أجود أنـواع الايرانـي
والمراتب هولويز وبالمقابض جلـد حيـه
وركبو له شمعتينٍ تكسح سهيل اليمانـي
كن شاشاته حفل شيخٍ قصاصه صار ديـه
وصمم الديكور عودٍ مفتقد بعض الحنانـي
عود واستشرق شبابه في شواط اللاذقيـه
هو صحيح أنه يهودي لا خصال ولا معاني
ولاتذكر مامضاله عند ذيـك وعنـد ذيّـه
شب غليونه وولـع كالبواخـر فالموانـي
ودار مكنون الخيال المنغمس بالنرجسيـه
جاب من فندق جميرا ودمجه مع جو كاني
وحط من جفن الغياب اللي نعس في ماربيه
وين مالديت عيني طاري الفرقـا طوانـي
صب فيه من الحنان الى الامور العاطفيـه
ايه شاعر وادري أن الوصف هذا مارواني
داخليه بيت واحد بـس يوصـف داخليـه
داخليه عيـن بنـتٍ ساهـره للامتحانـي
من الفلاحه ورطوها بالفصول المدرسيـه
وطمعو الطبلون عاج وقحويان وسنديانـي
وصبو الكمبود راسـا بالتـروس الاوليـه
كل ماجارو عليه يفوح عـود وقحويانـي
فوح عطارٍ جرحني وسط سوق العقربيـه
كن زوله زول شيخٍ معتلي صهوة حصاني
وكن شبكه صدر قيس اليا نهت بالعامريه
نوع خاص من السفاره ما يشيك بالمواني
سجلوه الدبلوماسي واختمو لـه فالهويـه
الوكاد أنه غريب ولو لحق ماض الزماني
كل شيخٍ يعتزيبـه لاعـرف ذمـة خويـه
وسط جوفه قاري الاقراص لاهل القرآنـي
يكفي الله شر من نفسه على الحاجه دنيـه
ياصديقي دق سلفه يوم وجه الصبح بانـي
ولاتعبث بالازره خـص هالاحمـر هذّيـه
خوفي أنك لاضغطته يقلـع لـدار اليبانـي
لانه احيانا يحن أحنـان خلـجٍ دوسريـه
سم بالله وتوكل واربـط أحـزام الامانـي
سج طبلون على أخر روووح والنيه مطيه
هاك خارطة الطريق وهاك خارطة المباني
وانتبه للنقطه اللي من هنيّـه لـي هنيّـه
ياوجودي لاتهزع مع رفاع ومع طمانـي
وجد من طشه زمانه في برستيج بدويـه
سعد عينه يوم قالت أنت راع الاشقرانـي
وابتسم بسمة عزيزٍ خابر أحوالـه رديـه
يستر فجوج الزمان اللي عليهم شقلبانـي
ولد ناسٍ راح عمره في هوى بنتٍ غنيـه
اورثت ورثٍ عظيم وغردت ياليـل دانـي
واسكنت حي العليا عقب حـي الناصريـه
واشترت جيبين لكزس راهيه والعمر فاني
كل ماجيت اتميلح راحـت اتكشـخ عليّـه
وكل مافاح الربيع من الزهر والارجوانـي
طقت مخيم لاهلها في طعـوس العاذريـه[/color]

وسلامتكمـ[/color][/color]

تحيااتي لكم**[/size][/font]

**عافكـ الخاطر** · #2 25-10-2009, 04:55 AM

لاهنتي على النقل

وصح الله لسانش

مرتاح أحبك · #3 26-10-2009, 11:30 AM

الله على هالوصف
صح لسان شاعرها
وصح لسانج يا ختي على هالنقل الرائع

تركي الميموني · #4 26-10-2009, 04:56 PM

هو صحيح أنه يهودي لا خصال ولا معاني
ولاتذكر مامضاله عند ذيـك وعنـد ذيّـه

شب غليونه وولـع كالبواخـر فالموانـي
ودار مكنون الخيال المنغمس بالنرجسيـه

جاب من فندق جميرا ودمجه مع جو كاني
وحط من جفن الغياب اللي نعس في ماربيه

صح لسان شاعرها

وما الومه على الوصف

تسلم ايدك يا ملكعه على النقل

ابدعتي وبانتظار جديد حروفك

تقبلي مروري

mr.3jmi · #5 26-10-2009, 06:17 PM

العاذريه

الله الله

صح لسانش ولسان شاعرها..

ولأ هنتي على حسن اختيارش للقصيده

الرائعه وفـ نفس الوقت ممتعه..

وشكرأأ

محمد الـ:ـ:ـ:ـامري · #6 26-10-2009, 08:22 PM

صح لسانش
وصح لسان شاعرها
والله يعطيش العافيه
وبنتظار جديـدش

dont play with me · #7 26-10-2009, 10:17 PM

وكل مافاح الربيع من الزهر والارجوانـي
طقت مخيم لاهلها في طعـوس العاذريـه

يالبيييه

العاذريه !!!!!

دوسريه ملكعه

ابداع من نوع رائع وخاص

ولي على اختيارش تحفظ ..

صح لسان الشاعر وصح انتي ايضا ً

ودّي

ملكعه · #8 28-10-2009, 11:43 PM

((قناااص يام))

ومن قال ما يهان يا اخوي..

وصح بدنك...

ولاهنت على مرورك**

ملكعه · #9 28-10-2009, 11:45 PM

((مرتاح احبك))

تسلم اخووووي ...وصح بدنك

ولاهنت على مرورك الذي اسعدني..

ملكعه · #10 28-10-2009, 11:47 PM

((تركي الميموني))

صح بدنك اخوووووي,,

ومن قال سالم..

لاهنت على مرورك