مزاج بنات !!!

الـــصـــعــــب · #1 03-06-2004, 05:06 AM

السلام عليكم

اخواني وخواتي شلونكم عساكم بخير

فيه موضوع ودي اطرحه عليكم ونتناقش فيه لانه جزء من يومياتنا وزمننا الجديد

واتمنى من البنات بالأخص الأجابه والمناقشه على هذا الموضوع

أغلب شبابنا اليوم (الرياجيل) يشتكون من مزاج البنات وعدم اهتمامهم

هناك شخص يحب بنت ويكلمها عبر الانترنت ومن ثم عبر الجوال والعلاقه تطورت الى حد ما ولكن هناك مايشتكون منه الشباب وهو ان البنت (تلعب) يعني تكلم أكثر من واحد (شنو السبب) اذا الرجال شاريها ويحبها ومايفكر بغيرها

البنات مو سوى كلهم بس الأغلبيه وخاصه اللى اتكلم ليش تلف واتدور والرجال صريح معاها ؟؟

اللى حنا نعرفه ان البنت تبي رجل صادق وصريح ويهتم بها ويحبها ويراعيها

شنو اللى يخلي البنات مزاجيات (يعني مايهمها الا انها تلعب وبس )

اتمنى انكم تتفاعلون معاي

تحياتي

المتميز

سبيع الغلبا · #2 03-06-2004, 05:28 AM

اسال البنات انا ليس لي دخل

راكان اليامي · #3 03-06-2004, 07:15 AM

هلا بالمتميز
لو تلاحظ ذالشي
حتى الشباب نفس الشي
<<بيفزع مع البنات

بعض الشباب وده يمتلك البنت ويبيها تعبده ويصير هو الامر الناهي

هذا اللي اشوفه

واصابعك مهيب سوى

وفيه بنات مثل ماقلت اتدور المصلحه من الرجال او مالقت الشاب اللي يجيب راسها ولا عنده اسلوب فااتوقع البنت الحين تهتم بالاسلوب اكثر من الشكل

فانشاءالله تلاقي بنت الحلال اللي تقدرك وتقدرها

تحياتي لك

عباااير · #4 03-06-2004, 09:41 AM

السالفه كلها لعب حتى من الشباب
ونادر ماتلقى اللي يصدق..وهذا فراغ عاطفي يحاول يملها بي شكل
وصدقني البنت كلها مشاعر لكن في بالها انه بعد يلعب وكذاب لان اللي يصدق قليل...وشافت الدعوه خاربه لكن الله يهديها ولو البنت تتاكد انه يحبها راح تبدله الشعور او انها منصدمه من احد تحبه وفقدت الثقه في الناس....

(والي يحب جد يدق باب اهلها ليه يلف ويدور)

كويتيه · #5 03-06-2004, 02:40 PM

يعطيك العافيه المميز..

اول شي انا اقولك من وجهه نظري اوكي

والله المتميز صراحه صعب انك تلقى واحد بالنت يكون صاج بكلامه.. ياما وعدواا و يخلفوون.. و هم اهوو بنفس الوقت تلقاه من يمل منهاا شاف غيرهاا و ماقام يعطيهاا ويه ويتهرب منهاا.. و لا اول شي يصير اوي بعدين بزي بعدين بلوك و بعدين بلوك و دليت لوول.. فهالحركه مو بس من البنات من الشبااب بعد.. فيالله خلهاا تلعب .. اذا اغلب شباب النت مايعترفون بعلاقه النت.. و يقولون كله خرابيط و مستحيل انه يرتبط في بنت من النت شكو تعطيه ويه عيل؟؟؟؟؟؟

لك تحياتي

هند · #6 03-06-2004, 05:25 PM

مرحبا بالأخ ( المتميز )

العلاقة بين الجنسين والتى تبدأ بالإعجاب وتتطور للمحادثات الهاتفية الشبه يومية ،
لاتتصف فقط بالمزاجية أو أنها متقلبة بين المد والجزر ، أو أنها تفتقد للصدق إلا أنها غير مجدية وماهي إلا علاقات مؤقتة عابرة ماقامت إلا من أجل التسلية وشغل أوقات الفراغ ، وعند الجد ترى أحد الأطراف يختلق الحجج لينجو بنفسه من علاقة لايثق على إثرها بالطرف الآخـــر ،
كثيرة هي القصص التي سمعناها عن فتيات إنجرفن لعواطفهن فالعواطف عواصف إن لم تلجم بلجام التقوى ، وكانت العاقبة وخيمة كما سمعنا أن هناك شباب كثر وثقوا بالحبيبة وماهى إلا أيام حتى تبخرت كما لم يكن لها وجود وبقى هو يعانى الهجر والحرمان ،

لك تقديري
السؤدد

غــ الديارــريب · #7 03-06-2004, 05:54 PM

ابو ندا · #8 03-06-2004, 10:26 PM

المتميز انت متميز في مقالاتك عن المراه
وشكر لك
8888888888888888888
ما راح تغلبني لو الحب غلاب
من حضرتك عشان قلبي تذله

الـــصـــعــــب · #9 04-06-2004, 10:13 AM

سبيع الغلبا , راكان اليامي , عباير , كويتيه , السؤود , غريب الدار , هايف السفراني

أشكركم على مروركم الكريم وتفاعلكم مع الموضوع وردودكم

ياجماعه الخير بنات وشباب

الموضوع هذا ماهو يخص شاب ام بنت هذا يشمل شبابنا بنات وشباب في جيلنا العولمي ولو لاحظتوا في ايامنا هذى صعب تلقى شخص يناسبك حتى لو تكون معاه صريح وتعطيه قلبك وبالأخير تنصدم منه عموما كانت صداقه ام غيرها

والله انا وجهة نظري اللى اشوفه هالايام ان البنات يلعبون أكثر من الشباب واعتقد هالشىء ماهو كلام لا شىء ملموس ونشوفه بالظاهر روح افتر بدول العرب كلها وشوف شلون افسخوا الحياء عموما (ليس الكل ) وانما الأغلبيه

وجهة نظري في البنات اغلبهم والى انا احس انهم يتلاعبون (مالهم معنى بالحياه)

واشكركم جميعكم على تفاعلكم معاي

تقبلوا تحياتي

المتميز

على فكره انا مااكره الجنس اللطيف بس لاحول ولاقوه الا بالله

اللى يلعبون أكثروا ومادري ليش وشنو الهدف

ابوتركى · #10 04-06-2004, 12:56 PM

اخى المتميز مابنى على باطل فهو باطل

تحياتى لك