الـتـوجـاد مع بـارود (((( حمد بن قريان ال خويطر ))))

الصنفره · #1 23-07-2007, 05:13 PM

السلام عليكم ورحمة الله وبركاته

أسعد الله جميع أوقاتكم بكل خير وسـعاده

انقل لكم هذه " التوجدات " الرائعه / الـنـادره

لـ الشاعر الكبير " حمد بن قريان الخويطري " ((( بــارود )))

عسى أن تنال على اعجابكم وأرضاكم :

وجودي وجد اللي تراكم عليه الدين = حدوه المقرّد لين حرّج على بيته
يبي طرحت ديونن تعدّت على الميتين = ولا وفّت البيعه وكمّل بوانيته
وقالوا تشيل أغراض بيتك قبل يومين = تباكو وراعينه وكثرت تناهيته
على اللي حياتي دونها ما سوت قرشين = تباطا القصيد ويحسبنّي تناسيته

وجودي وجود اللي حلاله غدا بالموج = طبع محمله وأقفا على لوح شلمانه
تقذبض بلوحه وأزرق اليم ساجه سوج = تذكّر عجوزه وأخزنه صغر غلمانه
على واحدن كل المداخيل دونه عوج = ظلمه الزمان ولا أتجرّا بظلمانه

وجودي وجود اللي حبيسن ورا الشباك = تذارف دموعه كل ما شاف شيبانه
عليه الحكم صادر بمرسوم من "ذولاك" = ترقّب قصاصه والوساطات تعبانه
على واحدن لامر صاب الضمير ارباك = أسلّم عليه ويستمع ورع جيرانه

وجودي وجود اللي على أوّل مفز صباه = يتيمن وإخيه ملاحظن كل ماجوبه
وقف عند لمّة حادثن ما درا بأقصاه = تفكّر وإلى سيارة إخيه مقلوبه
كشف منّه لحافه وصوّت ولاحاكاه = درا إنّه توفّا وإعتزا ثم مزع ثوبه
وجودي وجوده والحشا فيه ما كفّاه = على واحدن شدّو عربهم وقفوبه

وجودي وجود اللي طمع والطمع منحوس = تراكم عليه الدين قرضن وسيّاره
دفع في "هبتكو " كل ما جمّع من فلوس = على نيّته والناس تنصب وعيّاره
خذا عقدن مزوّر والعبو عليه هيوس = غدا المصري بحقّه وهويطرد أخباره
عقب ما أعلنو الاقلاس كثرت عليه هجوس = فلا يبغي النشده ولو جات من جاره
وجودي وجوده يا عرب موجة "المنكوس" = على واحدن عيني ليمّته سبّاره
قتلني قتله الله وجرّح حشاي بموس = ترا أن مت ياربعي فالاسباب من (....)