يامحمد أخلص لاتطولهـا وهـات المختصـر ..!!

محمد بن سعود · #1 15-06-2007, 07:46 AM

قصيده لا تقل ابداعاً مما عودنا عليه الشاعر

اترككم مع الشاعر / حمدان المري

يامحمد أخلص لاتطولهـا وهـات المختصـر=لاتنشد الا من ميـاه النيـل وبـرج القاهـره
لاعاد تسألني وش اللي مبطي" بي في مصـر=ليت العيون النايمه سـوت سـوات الساهـره
البارحه عند العصر ما كن حن عند العصـر=غشى سواد الليل عين اللـي زمانـه قاهـره
من يوم شفت أم العيون السود ضامرة الخصر=وانا اتحاشـى شوفهـا والا عيونـي جاهـره
علي الحرام ان كنها تعصر معاليقـي عصـر=إلى استمال عويدها اللي كن ربـي صاهـره
لو ان ماهي تستاهل ان زين الملا فيها حصر=ماكان حتى عروقها من خلف يديها ضاهـره
قامت وقام الناس ومن جاء بيتعدهـا قصـر=حسبي عليها ان كنها علـى التغنـج ماهـره
خلت جماهير الهلال اتشلشل أعـلام النصـر=نادي النصر من لبسها شهر وربـي شاهـره
لو اني معها في عريش أخير من بيت وقصر=منزالها يسمو علـى كـل البيـوت الباهـره
هذي مصر وإذا بغيت تعرف وش معنى مصر=أشرب ميـاه النيـل والا ذب بـرج القاهـره

ناصر بن فالح · #2 15-06-2007, 09:33 AM

صح لساااانه ولسانك

اختيار رائع ولاهنت يامحمد

mangr · #3 15-06-2007, 01:12 PM

بسم الله الرحمن الرحيم

صح السانك والسانه والله لا يهينكم

الجامحه! · #4 15-06-2007, 01:40 PM

صـــــــــح ـــح لســــــانك ولســـــاان الشــــاعر حمدان المــرري ..

اهنيــك ع اخـــتياارك وذاائــقتك الراائــعه.!

لاهنت عالنـــقل الطــيب !!

м8ąĐїṜ · #5 15-06-2007, 02:06 PM

الله الله

صح لسانك يامحمد وصح لسان حمدان المري

والله لايهينك على النقل

تحياتي