يلعنك يا ليل غدا صبحه فــراق ..وشعـاد نفـسي في الهـوى ما لحقها

[@الشيــــــــــــنه@]

باح الدفين وهلّلت بيــض الأوراق
......................واستســـلمت سود الحروف لورقها
راحت تسابق فالورق خيل الأشواق
......................مــن قيـدهـا جمع القوافي عتقها
يبرا لها فكر من العام مــا راق
......................يشـــكي من هموم الفراق وغلقها
فكر على ما فات من عمر تــواق
......................مــع جـادل سبحـان رب خلقــها
بنت خذت من فتنة الحسن مــا لاق
......................ومــن النسب بذّت خفا من طرقها
الجادل اللي عقبها خاطري ضــاق
......................كــف القدر من شوف عيني سرقـها
يلعنك يا ليل غدا صبحه فــراق
......................وشعـاد نفـسي في الهـوى ما لحقها
لا طابت جروح ولا بلّت ارمــــاق
......................طــال الضما كل الجروح وفتقـها
كن الحزن طير على الصيد سبـــاق
......................وكـن المشاعـر صيدة له صفقـهـا
لا ملّ من صيد ولا هوب ينعــــاق
......................طرايـده مافيـهن اللي فهقــها
لو لايمي ذاق الــذي خافقـي ذاق
......................ما كـان كلـمات الملامة نطقـهـا
لولايمي منها شكــى حــر الأشواق
......................ما كـان دمعـات الحسايف خنقـها
بنت لها طبع البــدو بيت ورواق
......................ماش مـــن اطباع الحضارة محقـها
ما دوّجت مع غيرهــا بين الأسـواق
......................ولا تـــباهى عقدها مع حلقهــا
لا خصّرت ثوب ولا بيّنــت ســــاق
......................ولا مشت متخصّره مــن عشقــــها
يفدا هواها من طويــلات الأعناق
......................مـن لا حياها ردها عن عوّقـــها
اللي يحسبن الهوى ضــمّ وعنــــاق
......................و وجوههن ما قد تصبّب عرقـــها
هذيك ما مرّت على بــال مشتـاق
......................متـذريه في ســتر رب رزقــهـــا
والله فلا من عقبها اهتــزّ خفّـاق
......................دام القلوب اللّه خلقها وفرقها
لعيونها حــرفي بكى فـوق الأوراق
......................بوداع شمس ما بقا إلا شفقهــــا

صح لســانـ شاعرهـا : فالح ال تواه الهـاجـري

[سالم الرزقي]

صح لسان الشاعر

وصحت يدك

على النقل الجميل

[المارد الشعري]

ما دوّجت مع غيرهــا بين الأسـواق
......................ولا تـــباهى عقدها مع حلقهــا

صح السان الهاجري

ولاهنتي على النقل الرائع

تحياتي لك

المارد الشعري

[الــحـشـاشـــه]

روووعــه

صح لـسان شاعرهـأ

وسلمت يمينتس يا الزيـنه على النقل الطيب والاختيار الرائـع ..!

تقبلي تـحياتي

[شرس]

صح السان الشاعر فالح الهاجري


الشينه

تسلمين

على الاختيار الرائع

ولك الشكر والتقدير

[الجامحه!]

صــح ـح لســــانـــك ولســـان شـــاعــرهــا ...!!

قصيده رووعـــه

الله يعطيـــــــك الــعـــــافيــــــه ...

[gravity]

صــح السان شاعرها المبدع / فالح ال تواه الهـاجـري




قصيده معبره صورة لنا عذاب الفراق وحر الاشواق ..

اختيار رائع يالجيكره

والله يعطيج ألف عافيــه ..

ننتظر المزيد ..

[عزتي تسوى قبايل]

صح لسان شاعرها اختي
وتسلم يمينش على هالنقل الطيب

تحياتي لش

[@الشيــــــــــــنه@]

المشاركة الأصلية كتبت بواسطة سالم الرزقي

صح لسان الشاعر

وصحت يدك

على النقل الجميل

هلا بك

صح بدنك


ولاهنت ع المرور

[@الشيــــــــــــنه@]

المشاركة الأصلية كتبت بواسطة المارد الشعري

ما دوّجت مع غيرهــا بين الأسـواق
......................ولا تـــباهى عقدها مع حلقهــا

صح السان الهاجري

ولاهنتي على النقل الرائع

تحياتي لك

المارد الشعري

يامرحبا بك يالمارد

صح بدنك يالشيخ