الرجاء التصويت من المشرفين والاعضاء والله يستر

[سالم الرزقي]

رواد منتدى العجمان الافاضل
السلام عليكم ورحمه الله وبركاته


فيه مشكله عندنا وهي عدم وجود نقد للقصائد في منتدى( صـدى المشاعر )

الزين والشين كله صح لسانك ولاهنت وبيض الله وجهك

ولا تبطي علينا والقرم ...الخ
زبــــــده الـــهــرج

(1)انا اطلب من كل واحد يشوف في نفسه الكفاءه ان يدخل

ولا يستحي الا من الله


(2) اطلب من كل واحد يدخل ان يرشح من يراه مناسب



وســـــــــــــــــــــــــــــلا مــــــــــــــــتكم

[المارد الشعري]

لي عوده لان الموضوع اعجبني



تحياتي

[المارد الشعري]

الاخ سالم يعطيك العافيه
على طرح الموضوع


بالنسبه لي انا والله استغرب بعض الردود على بعض القصايد

احيانا القصيده ماتسوى مرورك عليها

وتلقى من التمجيد لشاعرها اللي تخلي الشاعر يقول ياليتني شاركت في شاعر المليون

وياخذ في نفسه مقلب وهو من جنبها



ولكن المجامله لها دور

بالنسبه للنقد
الظاهر لو فيه نقد انه قليل اللي بيكتب
لكن صدقني ان وجود الناقد فيه فائده للشعراء

من اسباب كثرة القصائد الركيكه

1- المجامله
2- (قص لصق) صح السانك وجزل لكثرة عدد المشاركات
3- الخوف من زعل الاعضاء
فكلمة جزله مثل كلمة والنعم صارت تطلق غلى اي شخص



بالنسبه للترشيح فانا ماراح ارشح لك اسما نقاد
برشح اعضاء ذويقين والذويق اكيد انه يميز الغث والسمين


1- عيد بن شدقان
2-فلاح ال مليز
3- مناحي الصميل
4-النقال
5-بندر
6- اشهب اللال
7- السولعيه
8- الحشاشه
9-الشينه

10- الغائب الحاضر (منسم على ددسن)الله يذكره بالخير
انقطع فجاه بالرغم انه عضو اقسم بالله يشعلل المنتدى

شاكر لك طرحك المميز

وبعدين ليش مايوضع تحت لقبك شاعر؟

[سالم الرزقي]

الله يعطيك العافيه يالمارد الشعري

والله انك صادق ان كلمه

صح لسانك والقصيده الجزله

انها نفس كلمه( ونعم ) تقال حتى للبنقال



بالنسبه لقب شاعر والله اني فلا ادري بالمح لهم بعد ما انقل

[الراعي الرسمي]

الرزقي يسعدلي كل اوقاتك بكل خير

الشي الثاني صح لسانك وعز الله انك صادق

والبعض منهم ينقل قصيده لشاعر معين ومشهوده له الشاعر بالكفائه

والاخ الناقل يجينا بها مكسره او انه ينسبها الى الشاعر اللي هو معروف والقصيده للناقل بس يبي يعرف وش رد الشباب هههههههه وهم بيوهقونه

والشباب من يوم يقرون الاسم صح لسانك ولسان شاعرها ولا قروا القصيده ولادروا وش القصد منها
والموضوع الله لا يهينك على الفكره وموضوع يستحق الرد عليه من جميع الاعضاء

تقبل تحياتي

[سالم الرزقي]

الراعي الرسمي الله لايهينك

بس ودي ان اعيد على موضوع النقد

وهو ان يكون بس في منتدى (صدى المشاعر )

وذلك تجنب الاساءه او التجريح لشعراء ليس متواجدين بالمنتدى

[الخيال الحر]

كلام جميل وهذا الشي لزم يصير .... ونرجوا من المشرفون انا يختارون الناس الذين يرون انهم قد المسؤليه ...... هذا راي .... والسلام

[bomeshal12]

سالم الرزقى
كلامك كله صح
بس وين اللى ينفذ
صارت الدعوى مجامله
لاهنت

[عبير]

وعليكم السلام ورحمة الله

النقد أبواب واسعه يا أخي

ليس كل شاعر ناقد ولا كل ناقد شاعر

النقد تحصيل دراسي

وهنا يوجد عدد لا بأس به من الأخوه الأكفاء

أعان الله الجميع

لك الشكر والامتنان