الا يا حمام الورق يلي تجر اللحان ... يحس الغريب أبنوح صوتك بتغريبه؟

[(هاوي قصيد)]

هذه احدى قصائدي وانا في غربه
خارج الوطن ,,,,

الا يا حمام الورق يالي تجر اللحان = يحس الغريب إبنوح صوتك بتغريبه

انا وجد حالي شوف بدوٍ على المقطان = وقاعٍ كساه العشب والخير واللي به

وابتبع شفا ذودٍ تبارا لها الحيران = واسج القدم في خايعٍ عاوين ذيبه

وجمعت بني عمي على العز والصفطان = وهذا نرحبه وهذا نهليبه

فلو كان لقياهم يجي مع مرور ازمان = كما شايبٍ يبغا الشبب من بعد شيبه!

وياراكب اللي صمموها لها جنحان = تفج الغيوم وتقصر البعد وتجيبه

عليها مسيحي خالف الشرع والاديان = هبوط اضطراري مايحسب محاسيبه

شلعها ونطحها صفا الجو ولا شان = ولا دب في قلبه من الشك والريبه

وياصل هل الدوحه وينصا هل الريان = ويعطي مناديبي وياخذ مناديبه

لبو راشد اللي مدي الحق فالميزان = علوم المراجل زاهي إبها وتزهيبه

إفقله صحيبك ضايق الصدر مما كان = وهمومٍ تقبل به؟ والاخرى تقفيبه؟

اخايل ولا حولي سوى الباب والحيطان = وفكرٍ بدا من حيث منهج اساليبه

غريبٍ حداه الوقت ثم غادر الاوطان = وعنده لزومٍ خارج الدار يقضيبه

والا ويش بندق دون محزم ولا نيشان = والا ويش صبيٍ ماظهر للعرب طيبه

والا ويش قومٍ دون شيخٍ ولا فرسان = والا ويش ذيبٍ دون سطوا مخاليبه

والا ويش قلبٍ دون حبٍ ولا خلان = نهار الموادع يوم قفوا اصاحيبه

لذا؟؟ يا حمام الورق لا تزعج الالحان = ولا ترهق المهموم وتزيد تعذيبه

وسلامتكم

[هـــ رعشه ـــدب]

صـــح الله اللسانك

أخـــــــــــــوي :: الهاجري ::

وربي لا هانـــك على هذه القصيدة

الــــــغــــــــاويـــــــــــــــــه

تقبـــــــــــل مــــروري المتواضــــــــــــع

أختك هـــ رعشه ـــدب

[شاعرها]

الهاجري










ابدااااااااااااااااااااااااااع وقمه













صح لساااااااانك مدد ماهيب عدد











لاهنت

[(هاوي قصيد)]

رعشة هدب ,,,
صح الله بدنك , ولانتي
لاهنتي على المرور الكريم

[(هاوي قصيد)]

شاعرها ,,
صح الله بدنك يالسنافي , وتسلم على الاطراء الطيب
لاهنت على المرور طال عمرك

[مناحي الصميل]

وياراكب اللي صمموها لهـا جنحـان
تفج الغيـوم وتقصـر البعـد وتجيبـه

عليها مسيحي خالف الشرع والاديـان
هبوط اضطراري مايحسب محاسيبـه

شلعها ونطحها صفا الجـو ولا شـان
ولا دب في قلبه مـن الشـك والريبـه

وياصل هل الدوحه وينصا هل الريان
ويعطـي مناديبـي وياخـذ مناديبـه



الله الله


صح الله لساااانك يالضيغمي

عز الله انها جزله من راسك يالجزل


ابداع كما تعودنا


لا هنت لاهنت

[الــحـشـاشـــه]

صح لـسانك ..

رووعــه ماشاالله ..

استمعت بقراءه القصيـده ..

موفق انشااالله ..

وبإنتـظــار مزيـد من إبداعاتـك ..

تـــقبـلي تــحياتـي

[نـاصـر]

الشاعر الخلوق والجزل صح لسانك واعتلا شانك

لله درك يالهاجري

[حمود بن فطيس]

الاخ الهاجري


حيه وحي ماجاب


صح السانك مدد بلا عدد يالسنافي


لاهنت وبيض الله وجهك



تقبل تحيات مودعك


حمود بن فطيس

[سالم الرتيبان]

الهاجري صح لسانك ابداع جميل
ورررررررررروعــــه
تقبل تحياتي
اخيك سالم الرتيبان