وش اسوي

[طفلة الحرمان]

قررت وبعد تفكير طويل اني اروح اعيش عند جدي بمليجة واكمل دراستي هناك جدي يحبني حيل وكان دايما يلح علي ويقول انا بموت وانتي للحين ما جيتيني طبعا انا ودي اقعد بالكويت لانة فرق كبير بين الكويت ومليجة مليجة قرية وما فيها من التطور شي وانا بعد احب جدي ومحتارة بينة وبين اهلي:؟فأهديتة هذي القصيدة واتمنى تعجبة وتعجبكم:

سلام يوصلك يا شيخ كل البرية
يابو فهد يا قول وفعايل
ياراعي الوصل ياراعي النفس التقية
انت صاحب الجود يا فخر القبايل
تحية توصلك مع الهبوب الجنوبية
وتعدى ارض العجمان وكل الحمايل
يا بو فهد البعد ماني بقد غرابيلة
في بعدك شفت الارض تحتي تهايل
احمد الله جعلني بنتك بدت كل البرية
احمد الله بزية رجال يسوالة قبايل
افتخر وقول جدي (....)واضربولي التحية
ماهو مثل الي تقول انا بنت العوايل
يا بنت محد يكلم بنت الشيخ الجودية
الطيب معروف بين الي يعرفون الجمايل
لو بعرف عن نفسي تسكت الحروف الابجدية
خلي كل منا يسكت والناس ابخص ببنت الحمايل



وانتوا وش رايكم وش اسوي؟؟؟؟؟؟؟؟؟؟

[هـــ رعشه ـــدب]

مشاءالله عليج اختي

الصراحه القصيده وايد غاويه

والجد او الجده مب دوووم

بيتمون عندنا في الدنيا ..

لا بد بيجيهم يوم ويرحلون ..

فإذا كان هو اللي مربنج ..

فواجب عليج انج تكونين قريبه منه

وإذا ماقدرتي حـــاولي تكونين بين الكويت ومليجه

لكِ منــــي عاااااطـــر التحايااا

[أحلاهم]

اختي ( طفلة الحرمان )


القصيدة رائعة ولكن نصيحتي ان تستخيري رب العباد وليس عباده

والله يكتب دائما الخير لعبيده



تحياتي ،،،،،،،،

[فتى مليجة]

اختي طفلة والله شوفي الي يريحك

وتوكلي على الله وتقبلي مروري

[المـــحتار]

اختي طفلة


استخيري ربك والله يهدي للي فيه خير

[سهم الليل]

السلام عليكم ورحمة الله وبركاته

ياشاعره مليجه هجره وفيها وناسه لانها حيه لاكن حكره في نفس الوقت لانج بترابطين عند الجد

المهم اذا انتي تبين المستقبل وحياتج ودراستج هنا بالكويت

واذا هناك راح تكاسلين من كل شي لاكن اذا الجد يهمج قوليله تعال عندنا

واذا عيا قولي ياجد انا العطله كلها راح اكون عندك ووقت الدراسه بالكويت

خلي نج هنا ونصج الثاني هناك

وقت العطل هناك والدراسه هنا

والدينج لهم حق عليج بعد

حاولي تصيرين بالنص هنا وهناك

وسلامتج والراي الاول والاخير لج يالشاعره

[bomeshal12]

انا عندى راى خلى جدك يسكن معكم فى الكويت والله الله فيه لاتخليه احفظى الوصاه وانا اخيش

[kou]

الله يجمعش انتي وجدش على خير


لكن سوات ربي ابرك


والعميه تدحم الضميانه


وانشالله انش بتشوفين جدش



والله يعطيش الف عافيه على القصيده


وكفوا يابنت الحمايل

تحياتي

[@ولد شيوخ@]

صح لسانش مثل ماقالت الاخت احلاهم استخيري وطلبي رب العباد وليس العباد .. وتقبلي احترامي