أعلنت: منهو يحب الجزل يقراني !!

[بادي ابن جريعان]

السلام عليكم ورحمه الله وبركاته...

يا مرحبا يا هجـوس الجـزل يـا حيـه = أنـا أتمنـاك يــوم انــك تمنـانـي
اسكن بصـدري لـك القلـب ومحانيـه = والراس يفـداك لامـن جيتنـي عانـي
ولامن سكنت وغـدت الأبيـات عفويـه = أعلنـت منهـو يحـب الجـزل يقرانـي
من لطلسي.. للخليـج ..الـى شواطيـه = (ضيدان منصور) هو الاول وانا الثانـي
استغفـر الله مـن الكـبـر ومـواريـه = لكن سعاطيـري ايـلا ششـت تشعانـي
تدرون.. احسن لي انـي اغيـر النيـه = وين انت ياللي سكنت القلـب وحدانـي؟
شفني لفيتك وانـا بأقصـى السعوديـه = " كنت أحسب انك ورى الخفجي تحراني "
احلـم بشوفتـك لـو كنتـي حيـاويـه = القلب عطشان لك.. والصوت ما ارواني
اقبلـت لـك كلـي اشـواق ومحنـيـه = فـي ذمتـي ذمـه ان الحـب سرانـي
وطفا علـي موتـري واكملـت عبريـه = هذا الدليـل ان صوتـك هـز وجدانـي
حتـى فهقـت الـجـوازات الكويتـيـه = جيت أسألك.. وابغي تجـاوب علشانـي
وين أنت يومك مواعدني علـى الجيـه؟ = لاتقولـي: أعتذر..ماهـوب بأمكـانـي
العـذر مـا يشفـي جـروح الهواويـه = ولو تعتذر عادني مـن جرحـك أعانـي
صدك ضربنـي علـى قلبـي سواسيـه = وأنا ادري أني لو ابي امنعك ما أمدانـي
أيَـه.. بعانـي لمـن خليتنـي.. أيَــه = وياني من أسباب صـدك بنجـرح يانـي
لكـن لا زلَ لــي عــام وحـراويـه = مصير الأشواق تطفي.. والعمـر فانـي
أخذيـه مـن راسـي المطنـوخ يابنيـه = والله مـا يتبـع المقفيـن (عرجـانـي)
من راح خله وتلقى فـي البشر زيـه = قد قالها اللـي علـى الطـولات ربانـي
مـن يكـرم الضيـف ويعـز الجلاويـه = لاقلت أنا مـن عوالـه يرتفـع شانـي
يهـون الكايـدات.. ويـدفـع السـيـه = ويسهـل المعضلـه.. ويزبـن الجانـي
وينـوخ الفاسـق اللـي زاد فـي غيـه = ويستر على الجار.. ويحامي على الداني
(ولو مات في ذمتي مـا مـات طاريـه) = يقولها الناس.. ماهـي هرجـة لسانـي

وسلامتكم.

[هداج تيما]

بادي صح لسانك
ولا هنت وجزل وقريته

[محمد المحلكم]

صح لسانك قصيده في القمه

[ابو صالح]

السلام عليكم قصيده راعه وصح لسانك

[عـزام]

الشاعر المبدع بادى بن جريعان

اررررررررررررحب تراحيب المطر يالقرم

اولا الله يحييك فى محلك بين ربعك واخوانك.

وقصيده جزله من راس جزل تدل على قدوم شاعر متمكن وجزل

صح السانك مدد وليس عدد

ودام ابداعك

وسجل اعجابى ومتابعتى

[سالم بن جخير]

ااااارررررررحب
مرحبا من طبخة القهوه لسنام القعود

اررررررررررررررررررحب

حي ذالعين من القصيد وحي ذالعين من ربعنا الله يكثرهم في الساحه يعاوننونا على الشعار

وانت شااااعر مبدع واللي يعجبني فيك انك بايعهااا وانا احب اللي كذا وهو بعيد وش لون لاصار من ربعي هذا فخر لي وله



من لطلسي.. للخليـج ..الـى شواطيـه===(ضيدان منصور) هو الاول وانا الثانـي
استغفـر الله مـن الكـبـر ومـواريـه=== لكن سعاطيـري ايـلا ششـت تشعانـي



كفوووووووووو كفوووووووووووو




لاهنت ياذيبان

ودعتك الله

[فلاح بن ملبز]

بادي

قصيدة في المرتبة الأولى

صح لسانك

ولاهنت

[بادي ابن جريعان]

صح بدنك يا هداج تيما

ولاهنت على المرور

[عيد بن شدقان]

الشاعر /بادي بن جريعان
قصيده جزله من شاعر جزل

صح السانك واعتلا شانك

ولاهنت

[النـــادر]

الله الله الله

صح لسااااانك ملايين شاعرنا المبدع بادي , قصيده في قمة الروعه والتميز , عز الله انها جزله من شاعر ما يصعب عليه الجزل

ولامن سكنت وغـدت الأبيـات عفويـه***أعلنـت منهـو يحـب الجـــــــــزل يقرانـي
من لطلسي.. للخليـج ..الـى شواطيه***(ضيدان منصور)هو الاول وانا الثاني

كفو كفو عز الله ..

ابو محسن لاهنت على ما خطت اناملك من ابيات جميله وبإنتظار جديدك .