اكره البعارين واحب الدجاج

حــره ودرهـ · #1 22-01-2007, 08:59 PM

مرحبا
الناس يذاكرون وانا مابقى ولا موضوع الا وطار براسي
وبما ان المشرف فتى البزابيز بجيه الظغط من المواضيع المنقوله وقرع من كثر مايسحب بشعره كل مامسح موضوع مكرر
قلت يالله يابنت اجبري بخاطره وامحطي موضوع هونا
ومنها اطلع شي بخاطري
ياناس انا اكرررررررررررره البعارين <<ماعندها وقت للمقدمات
وادعي كل يوم ان ابوي يكرهها
وانا من هذا المنبر اطلب منكم بعد تدعون انه يكرهها
اقولكم ليش قبل لاحد يسوي فيها قوي ويهزء >>>ترى اعرف ارد<<بدا الشر
قبل 3 سنوات قرر ابوي يشتري بعارين كان الموضوع عادي توقعت 2 او 10 او 50 مو اكثر
ولاني جاهله باسعرها صوعقت بالمبلع الي اندفع عشان ناقه !!!
ودي اعرف وش عليه كل ذا
واللي انقهر منه لما اشوف ابوي او أي شخص يشتري ناقه ب 300,000 او 400,000واحيان ملايين
ليش طيب وش زودها عن ام 3000 والله لو اطلب مهري 400,000 عنست في بيت اهلي وش معنى ناقه ؟؟؟؟
واللي يبط الكبد يوم اعتب على ابوي لانه يهتم فيها قال ايش من غلا عيالي
لااااااااااااااا انتحر انا
انا والناقه صرنا اخوان
ولا اذا تعبت الناقه يروح لها ولايرجع لين تطيب طيب وانا مالي رب بنت الشارع!!!!!!!
صار عندي مرض نفسي اسمه لا للناقات نعم للدجاج
يعني نفسي افهم وش المتعه هناك ؟؟
قلت يالله يابنت روحي شوفي اكيد فيه شي ممتع ولا خاف ابوي عاشق بدويه هناك ويتعذر بالناقات ولا من متى ابوي راعي بر>>اقصى همومها
رحت والله لايوريكم
واااااااااااااع طفش عاد ابوي يبي يسوي لي جو ويعوضني عن جحداته
قال تعالي اعرفك عليهم ((وجه كله علامات استفهام ))
واختاري لك وحده
ولاني انسانه مجامله لابعد حد قلت يالله وناسه
وهاتك يااسماء والله انها اطلق من اسماء بناتنا
بس سؤال كان يدوربراسي :وش لون فرق بينهم كلهم بيض ولهم رقبه و4 رجول ؟؟
بس خذيت خبره ان فيه شي اسمه رحول هو اللي الناقات تمشي وراه
والفحل اللي هوالرجال ودائم مزبد الله يحوم كبده ويكون بالاغلب واحد والباقي حريم
وجاء دور اني اختار
قلت بختار احسن اسم بما اني ماافرق بينهم
اخترت 0000 لانها كانت حبوبه وتلحقنا صحيح اني كنت خايفه منها وودي انها تبعد بس اشوى ابوي معي وقلت يالله كود انها تجيب سعر باسرع وقت وابيعها واشتري فيها شنطه ولاساعه >>>ابووووووووك يالتفكير
وقررت اني احط لها شريطه عشان اميزها بس ابوي الله يهديه قام يتمصخر علي ومابقى احد من جماعتنا الا وقاله وراح اسمي 00000شريطه
عاد ماقدرت اجيب لكم صور لان السكنر خربان بسبت البعارين لاتقولون وش دخلها
من شراها ابوي وكل طلباتي مركونه صار لها 6 شهور
من هنا اطلب واحتج واعرف انه بيجي الرياض ويقرا موضوعي
يبا كم بنت عندك وحده وسافهها
كم لي ماطلعت معك ولاتعشينا مع بعض تدري من سنتين
يبا ماعاد سالتني كيف جامعتي ولا كيف امتحاناتي
وامس لما دقيت علي ولمحتلك عن اختباري سالتني عن الجو ولا سالت عن اختباري
يبا من لي غيرك
كل مره اقوم الصباح وانت مو موجود اقعد اضحك على الفطور اللي اسويه لك وكيف كنت ازعجك وكل لقمه اسالك هاه حلو قل والله >>>حقنه
ومانسى المتعه وانا افطر معك
ولما كنت تحط على قناة الحر ونعلق عليهم وعلى برامجهم اللي كلها عن العجمان وماغير 3 برامج تنعاد كل يوم وانت تقهرني وتحط عليها
بابا 00اشتقت لما اناديك فيها وتقولي ايوا ياحبيبتي ((ياكثر مانعلق على جيرانا اللي بجده))
بابا00انت اكثر شخص احبه في الدنيا
و تراك صرت اسمر من الشموس وصرت خشن

برايفت :
شوفتك وانت مبسوط وتغني لها نساني حزني على غيبتك

الله لايحرمني منك

™ عبد الله ™ · #2 22-01-2007, 09:12 PM

ههههههههههههههههههههههههههههههههه

اما ناقاااااااااااااااات
ومزبـّــد الله يحوم كبده
هههههههههههههههههههه

موضــــــــوع وســـرد عفـــــووي وممتــــــــع ومبـهـّـر بـشويـّـة ملح من انتاج شركة دجـّـوا

والله يا حرّه ودرّه يا موضوعك هذا مع احترامي للمواضيع المنقوله انه يسوى الكثير بنظري الشخصي
اول شيء موضوع خاص فيك .. ثاني شيء بدت تطلع الاشياء المكبوته
ثالث شيء .. انا اعتبره موضوع ساخر وهادف في نفس الوقت
لانه فعلا البدو طغوا الله لا يعاقبنا .. حيوانات صارت اغلى من روس البشر ومن عماير وشركات ..
رابع شيء .. الحين بدا يثبت الشعر في راسي بعد ما كان يتساقط بشكل رهيب لدرجه اني حسيت اني بصير انسان عبقري من كثر ما صلــّعت

حــرّه ودرّه ... يسلمووووو عالموضوع الفلـّـه والتعبير اللي يجنن

وعسى الله يخلي لك ابوووك ويخلي له ناقاته (على قولة بعض الـبـيـبـول ) ويحط البركه في الناقه ام شباصه

حــره ودرهـ · #3 22-01-2007, 09:19 PM

اقتباس:

ثالث شيء .. انا اعتبره موضوع ساخر وهادف في نفس الوقت
لانه فعلا البدو طغوا الله لا يعاقبنا .. حيوانات صارت اغلى من روس البشر ومن عماير وشركات ..

اقتباس:

رابع شيء .. الحين بدا يثبت الشعر في راسي بعد ما كان يتساقط بشكل رهيب لدرجه اني حسيت اني بصير انسان عبقري من كثر ما صلــّعت

هههههههههههههههههههه
وهذا الاهم

اقتباس:

ويحط البركه في الناقه ام شباصه

ماتقصدني هاه

اقتباس:

حــرّه ودرّه ... يسلمووووو عالموضوع الفلـّـه والتعبير اللي يجنن

شكرا على رفع المعنويات
شرفني مرورك

نسل الطويل · #4 30-01-2007, 05:34 PM

اقتباس:

وادعي كل يوم ان ابوي يكرهها
وانا من هذا المنبر اطلب منكم بعد تدعون انه يكرهها

لا والله جعله يحبها
والله يخليها له

اقتباس:

واللي انقهر منه لما اشوف ابوي او أي شخص يشتري ناقه ب 300,000 او 400,000واحيان ملايين
ليش طيب وش زودها عن ام 3000 والله لو اطلب مهري 400,000 عنست في بيت اهلي وش معنى ناقه ؟؟؟؟
واللي يبط الكبد يوم اعتب على ابوي لانه يهتم فيها قال ايش من غلا عيالي
لااااااااااااااا انتحر انا
انا والناقه صرنا اخوان

مهوب حقها الملايين حقها مزانيه دول
اجل تشبهين نفسش فناقه وش جاب الجاب

سمالله ع الناقه منش

اقتباس:

يعني نفسي افهم وش المتعه هناك ؟؟

ولا انتي بفاهمه
اساليني

اقتباس:

بس سؤال كان يدوربراسي :وش لون فرق بينهم كلهم بيض ولهم رقبه و4 رجول ؟؟
بس خذيت خبره ان فيه شي اسمه رحول هو اللي الناقات تمشي وراه
والفحل اللي هوالرجال ودائم مزبد الله يحوم كبده ويكون بالاغلب واحد والباقي حريم

انتي الحين ما تميزين بين الناس كلهم نفس الشكل وكلهم لهم رجلين ويدين

الله يا الخبره الحين ..رحول , وفحل .. طيب عرفتي المقاهير

اقتباس:

من هنا اطلب واحتج واعرف انه بيجي الرياض ويقرا موضوعي

وارجوا انه يشوف ردي وتكفى لا تخليها

اقتباس:

بابا00انت اكثر شخص احبه في الدنيا
و تراك صرت اسمر من الشموس وصرت خشن

الله يخليه لش ولا يحرمش منه
بس الرجال لا زم يصير خشن واذا عن السمار الحين شتاء ما فيه شمس

اقتباس:

شوفتك وانت مبسوط وتغني لها نساني حزني على غيبتك

الله لايحرمني منك

اسمها يهوبل مهوب يغني

امين والله يخليه لش

اسف اختي حره ع الاطاله
بس حبيت اعلق ع موضوعش الي شدني
واعجبني اسلوبش في الكتابه

تقبلي تحياتي

الغـرو · #5 31-01-2007, 10:31 PM

لووووووووووووووووووووووووووووووووووووووووووووووووو وووووووووووووووووووول

والله يا حره ان موضووعش هذااا كان في باالي,,, والبل ليه غاليه كان سؤال محيرني ؟!!!!!
يعني على شنوووو مادري <<= بتجيها كفخه من نسل لانه شكل نفس ابو حره خخخخخخ

المهم ما شالله عليش على هالاسلووب وجد عفوي ومشوق

الله يخلي الواالد ويطول بعمره ويخليكي له ,, ولا يحرمكم من بعض ,, بس شتسويين ,, هذي صاارت هواايه للشيباان ولازم نحترمهااا ,,

انا مره صععععقت بسعر ( حوار ) مو ناقه ولا بعير بعد ,, قلت يباا اجل لو تبيعني كم بجيب خخخخخخخخخخخخخخخ

تسلم ديااتك يا عسووووله ولا هنتي

وانا بعد احب الدجااج
<<= خوات بالدجااج
اختك :-
رعبوبة العجماان

سمـــوم · #6 01-02-2007, 01:33 AM

ههههههههههههههههههههه

يازيـــن الابل تجــــنن

لا خيرش ابيش مرهـ ثانيه اختاري اللي سنامها طويل ورقبتها طويله وبراطمها تدلا <<<يعني خبرهـ

وعندي خطط عشان اطفشين الوالد الله يطول بعمرهــ <<اسألي مجرب

1- لاشفتي ابيش مقبل من بعيد جيبي رشاش الماي ورشي على الناقات يعننش جيدهـ قدامه..ولا خانقش سوي نفسش بريئه قولي بابا قاعدهـ اسبحهم
وبكذا ممكن يحوشهم البرد والبقا براسش

2- بعد الزف اكيد مالش وجه تقربين من النوق عشان كذا اعزلي ناقتش اللي اخترتي ودلليها .. طلعي الروج واصبغي براطمها ولا قال شي قول ناقتي كيفي

3- بعد هذا انطري يومين لين ترجع العلاقات الطيبه بينش وبين الوالد وبعدين جيبي الستريو وحاولي تقربين اكثر من الشبك وشغلي اغنية روك وطولي اخر شي لين تمرج البل <<وحاولي تبعدين ناقتش عن الــ camel party عشان لافكرتي تبيعينها بعدين تكون بكامل قواها العقليه ولا قالش شي ابيش عصبي وقولي جزاي ابي اسوي لها جو

وبكذا اذا ما اباع ابله ممكن انه يبيعش يبيعش انتي

هذا وقد انقضى الــــرد

والله يوفقش ويخلي لش البابا