قصة البنت ميسوووون ,,, عفوااا عمشااء :)

[عـ100ـج]

كل البشر في الاتصالات يخطون ** يخطون وأخطي وعذرنا هاتف فلان؟؟
ومن عادتي ما أهتم باللي يقولون ** من غلط في رقمي لقى الرد غلطان
الين جاء في يوم ودق التيلفون ** شفت الرقم .. لقيته أشكال والوان
فتحت جوالي ابعفر من يكون ** سمعت صوت فيه بحه وفتان
قالت لي : أنت سعود؟؟ قلت ايه بالعون ** لعيونك أصير سعود لو كان ضيدان
قالت : تظني مخطئه؟ قلت : وشلون؟ ** قلبي توقف مانبض فيه شريان
بالهون يابنت الاجاويد بالهون ** من عاده الانسان يرتاح لانسان
تسمعي يابنت وابليس ملعون ** أخذي كلام مصدره صدق وجدان
ماني بقايل لك : انا نسان مزيون! ** أطرق ولا له شبه بالانس والجان
انا محمد .. وافي الهرج موزون ** أوزن كلامي .. قبل أقوله بميزان
وانا الذي لاحب لايمكن يخون ** مخلص مدامه حي ويموت ماخان
وانا اذ حبيت .. حبيت بجنون ** حبي يفجر داخلي الف بركان
وانا اللذي ماطرد ورى من يقفون ** من صد عني عمد .. بجزيه حقران
هذي وصوفي وأكثر الناس يشرون ** وانتي عليك اليوم تقدير الاثمان
قالت: أشوفك قمت يامحمد تمون ** تضحك وضحكاتها تقاسيم فنان
قلت: الميانه ماهي بضحكه سنون!! ** أحيان ماتلاقينها بين الاخوان
ترى الميانه شي واضح ومضمون ** اذا اجتمع شخصين في قلب ولسان
قالت: كلامك وافي يا ابن خلدون** احيان احس ان جلستك بين شيبان
يامحمد. أسمع كلمة البنت ميسون ** أسلوبك ووقتك .. مضت دونها أزمان
هذا زمن قدواته أفلام كرتون ** وهذا زمان ارجاله أجساد وابدان
قالت .. وغنت لي على وقتي لحون ** قلت: اسكتي من بعد ما خاطري شان
انا أدري ان الوقت من دون في دون ** لكن فمان الله وانسي اللذي كان
قلته وانا صامل وهي عندها أذون ** لكنها ما صدقت سمع الأذان
ضاقت وخلق الله دايم يضيقون ** وأنا قفلت الخط ضايق وزعلان
ونسيت.. والأجواد في الوقت ينسون ** ما سمي الأنسان الا بنسيان
المشكله بنات حواء ما بينسون ** دقت علي وأنا لها شبه شفقان
قبل آآتكلم قالت: اسمع ولاتهون ** أسمي مهو ميسون.. حان الصدق حان
الاسم عمشاء وآخر الجد مصيون **مهره ولا طوعت بلجام وعنان
قلت: أرحبي مليون تضرب بمليون ** أقولها مليون من قلب والسان
قلت: أرحبي في العين ولحافك جفون ** وظلالك من الشمس بأهداب الاعيان
ياعين حر بالمطاليع مفتون ** حر شراه مولع الصيد طربان

[سمـــوم]

ههههههههههههه

صح لسان شاعرها وسلمت لنا الانامل

[مناحي الصميل]

صح الله لسان قايلها


ولكن وجدت بعض الكسور


مثلا الشطر الثاني من هالبيت

ومن عادتي ما أهتم باللي يقولون ** من غلط في رقمي لقى الرد غلطان

الاحمر مكسور


ايضا في هذا الشطر(( خطأ املائي تسبب في كسر الشطر الثاني ))

تضحك وضحكاتها تقاسيم فنان

هي بالأصل (( ضـحـكـتـهـا )) وليس كما ذكرتي ضحكاتها




شكرا على القصيده

[عـ100ـج]

المشاركة الأصلية كتبت بواسطة سمـــوم

ههههههههههههه

صح لسان شاعرها وسلمت لنا الانامل

صح بدنك

والله لايهينك ع المرور


لكي أجمل تحيه

[عـ100ـج]

المشاركة الأصلية كتبت بواسطة كـاسب الطـيب

صح الله لسان قايلها


ولكن وجدت بعض الكسور


مثلا الشطر الثاني من هالبيت

ومن عادتي ما أهتم باللي يقولون ** من غلط في رقمي لقى الرد غلطان

الاحمر مكسور


ايضا في هذا الشطر(( خطأ املائي تسبب في كسر الشطر الثاني ))

تضحك وضحكاتها تقاسيم فنان

هي بالأصل (( ضـحـكـتـهـا )) وليس كما ذكرتي ضحكاتها




شكرا على القصيده

صح بدنك يا كاسب

والله القصيده وصلتي بزينها وشينها وانا ماغيرت فيها أي شي

لا وحاطتها بصدى المشاعر بالغلط

ما قصر الشاعر امتعنا فيها
مثل ما امتعني مرورك بمتصفحي

لك أجمل تحيه

لك أجمل تحيه

[بن جوفان]

السلام عليكم
صح لسان قايلها ومشكورررررررررر على القصيد
قهرني هالبيت ورحمته
ضاقت وخلق الله دايم يضيقون ** وأنا قفلت الخط ضايق وزعلان
وبرد قلبي هالبيت ودعيت له
المشكله بنات حواء ما بينسون ** دقت علي وأنا لها شبه شفقان
تحياتي للجميع ابو فهد

[المحامي vip]

صح السانك

[محمد المجول]

صح لسان

شاعرها

قصيده جميله بصراحه

عجميه

ألف شكر لج طال عمرج على النقل الجميل

تقبلي مروري وتحياتي

[محمد المحلكم]

صح لساننك ولسانه

[عـ100ـج]

المشاركة الأصلية كتبت بواسطة بن جوفان

السلام عليكم
صح لسان قايلها ومشكورررررررررر على القصيد
قهرني هالبيت ورحمته
ضاقت وخلق الله دايم يضيقون ** وأنا قفلت الخط ضايق وزعلان
وبرد قلبي هالبيت ودعيت له
المشكله بنات حواء ما بينسون ** دقت علي وأنا لها شبه شفقان
تحياتي للجميع ابو فهد

ابن جوفان صح بدنك

وعسااك ماتنقهر ابد

اسعدني مرورك

ولك أجمل تحيه