اعضاء العجمان مجلس الامه

[ذيب^ال شامر]

السلام عليكم ورحمة الله وبركاته

حبيت اطرح لكم موضوع تطرقتو له كثيرا وهو هل للعجمان اعضاء كل مادخلت منتدى الانتخابي القاء الموضوع يتكرر من كذا واحد

كثير من يقول ان عضو من العجمان مانفعه وكثير من يقول انفعه ياجماعه الخير

حط نفسك بمكانه انت ماسك دائرة لازم تنفع كل الي فيها والي جانبها قبيلتك

وانت لما تمسك المنصب هذا تقسم باليمين انك تخدمهم شنو موقفك لازم تلبي حاجات الناس كلهم

وانا واحد من الناس مشوني كذا عضو من العجمان ومرات مايسون شي يعني حالي حالكم

انا مانكر ان العجمان مالهم دور في وصول هذا العضو الي هذا المنصب بس لازم يحقق المساواه

لان الي يراقبه الله عز وجل وبعدين انت ليش ماتراقبه على دوره البرلماني ليش دايما تنظر له

بالمعاملات ان شفت ان العضو هذا مايستاهل انه يكون عضو لاتصوت لها بالفرعيه ترا صوتك امانه

في ناس مانجحت بالفرعيه ولكن دورها فعال عطها الصوت بالانتخابات الجايه وبعدين مجلس الامه

اربع سنين مدة العضو فيه لاتحكم عليه باول المطاف


وبالااخير

تحياتي لكم


ذيب ال شامر

[أمير الدهاء]

السلام عليكم ورحمة الله وبركاته .....

مشكووور ياخوي كلامك كل صح ومزون وعقلاني انا معك في كل شي ,,,,,,,,,,


ترى لي ربع مطران يقلون انه عبدالله عكاش مانفعهم بشيء بس منفعته لعجمان وعتبان واهل الشمال.....
والعتبان يقلون نفس الشيء على سعدون يقلون ماينفع الا المطران والشيعه والحضر والعجمان,,,,

والعوازم يذمون اعضاهم والهواجر ينتقدون بن ذروه,,,,وكلن ينقد من صوب,,,بس حنا العجمان الي ذابح الحكي والتجريح على اعضاءهم ترى العضو كل يوم يروح باكثر من300 معامله ويوقع ياطيبه 60 معامله....

مشكووووور ياخوي...

[MUBARK]

الله يجزاك خير على الكلام الموزون

مثل ماقلت يجب ان يكون نقدك للنائب على حسب أدائه البرلماني

وليس بكم المعاملات

يعني للأمانه احسب كم معامله يبي يخلص ؟؟؟

وبصراحه شديده ارضاء الناس غايه لاتدرك

[الخطيب]

انا بكل صراحه اايد الاخ امير الدهاء علي كلامه


لانه والله بكل صراحه قاعد يصير نفس الشي بجميع الدوانيات اللي امرهم



والمصيبة انه اهل الشمال يقولون محد قاعد يمشيلهم شغل والكل مستاء ترى


الحين مو مثل قبل تكون محصورة علي منطقتين الحين الدعوه عااااااااااامه والحاضر يعلم الغايب وشكرا علي طرح الموضوع

[جــراح]

ارضاء الناس غايه لا تدرك





لاهنت يالذيب

[المهدي]

للأسف أعضاءنا العجمان في مجلس الأمة لاهم نافعين معاملات ولا هم أصحاب مواقف مشرفة على الأقل ,,,,,,,,,, جيدين واللة في مصالحهم الشخصية وتكسب ,,,,,,,,,, ودمتم