انا تراني خابرك من يوم ماعادك بزر // لا تحسب انّا لا تفارقنا كذا دمعي يسيل

[مناحي الصميل]

قديمه نوعا ما


ولكن ليس لها مفرّ من ( صدى المشاعر )

صدّ وخيانه .. كل شيء يهون ياكود الغدر = في وقتنا يا قلّ منهو صادق وخلقه نبيل
انت الذي حطّيت له في داخلي مثل الزبر = ونقشت من فوقه حروف اسمك ولا يمكن تزيل
يا كمّ تمنّيتك معي وأعيش بك طول العمر = يابعد ذيك الأمنيه أظنّ صارت مستحيل
ياما كتبت امن المشاعر مايكفّيها حبر = وأترك لجل عينك هزيل الشعر وأكتب لك جزيل
لكنّ حالتنا توارت ثمّ غطّاها الدهر = وأبعدت عنّي للفضا وأسمعك تنوي بالرحيل
لا صرت ناوي بالهجر روّح وبألقالك عذر = بأنساك وبأعطيك العذر .. بأخلي ليمناك السبيل
انا تراني خابرك من يوم ماعادك ( بزر ) = لا تحسب انّا لا تفارقنا .. كذا دمعي يسيل
وانا تراني عارفٍ والله ما تبعد شبر = ان كان ناوي بالهجر .. والله لي غيرك بديل
سألت نفسي : عن سواته ليه ينوي ( بالهجر ) = ردّت علي : منهو هجرنا نهجره ( يابن الصميل )

وسلامتكم

مناحي بن فهاد الصميل

[فلاح بن ملبز]

حجز اول

[مناحي الصميل]

^
^
^
^


حجزك اوكي طال عمرك

[مشاعر حالمه]

ماشاء الله حجز سريع عند فلاح خخخ

سألت نفسي : عن سواته ليه ينوي ( بالهجـر )
ردّت علي : منهو هجرنا نهجره ( يابن الصميل )

مناحي الصميل

صح السانك رائعه والله رائعه

لاهنت

تحيتي لك / مشاعر حالمه

[مناحي الصميل]

حياش الله اختي العزيزه مشاعر حالمه


صح الله بدنش

مرورش الأروع

[عبير]

الخلاصة أوجزت هنا ..
سألت نفسي : عن سواته ليه ينوي ( بالهجـر )
........ردّت علي : منهو هجرنا نهجره ( يابن الصميل )


لكن سماحة هذا البيت أستوقفني
جميل أن يتم البحث عن الـ70 عذر

لا صرت ناوي بالهجـر روّح وبألقالـك عـذر
.....بأنساك وبأعطيك العذر .. بأخلي ليمناك السبيـل

مناحي

صح مدادك أخي
وأكرم الله متصفحك

[@بنت الشيوخ@]

وانـا ترانـي عـارفٍ والله مـا تبعـد شـبـر
ان كان ناوي بالهجر .. والله لي غيـرك بديـل

قصيده رائعه وجزله من راس جزل
^
^
^
^ تقبل فائق تحياااتي



@بنت الشيوخ@

[حمود بن فطيس]

صح لسانك يالسنافي

ابدعت الله لايهينك يامناحي


تقبل تحيات مودعك


حمود بن فطيس

[مناحي الصميل]

عبير حياش الله اختي العزيزه

نورت الصفحه !!


صح الله بدنش ولا هنتي على مرورش يالشيخه

[سالم الرتيبان]

صح لسانك واعتلى شانك مبدع يابو فهاد كعادتك
اخيك سالم الرتيبان