محاوره بين علي بن بلال وبعض الشعراء.

أبن معوض · #1 05-11-2006, 03:13 PM

مع شليويح بن شلاح المطيري.
يقول شليويح:
يا هل الملعبة كلن يصفي حسابه
من يقف دونها ونقـول لله دره
كم صبي ولو يتعب ويشعب ركابه
لا بقايد جمال ولا بقصاص جره

علي بن بلال:
يا شليويح حنـا محتميـن المهابـة
وقت خذ هات ما تفـرح بمثقـال ذره
الجمل يا أحمر العينين نحمي عقابـه
والدواء في عيون ابليس الاعور نذره

شليويح:
لا تعدى على خندف وتشتم شبابـه
ثم تجيك العلوم علوم حلوه ومـره
ما يعرف المساري غير ذيب الذيابه
لا تجي في طريق الذيب يلحقك شره

علي بن بلال:
يا ابن شلاح ما بيني وبينك طلابـه
ما أنت مرجع لخندف خل عنك المغره
انت شيخ على المرحان يربط كلابـه
اصبح الصبح ما شفناك بالعين مـره
----------------------------------------------------------------------------------------------------------------------------------
هذي محاورة كانت بينه وبين الشاعر المرحوم مطلق الثبيتي يقول فيها:

ابن بلال:
سلام الله سلام يشبه العنبر ودهـن العـود
عد وبل المزون المستهلة مـن مناشيهـا
يقوله شاعر يسبح على سبع البحور السود
أنا ويا الثبيتي والسفينـه ملـك راعيهـا

مطلق:
الا يا مرحبا في مرحبا في حلـة ابـن سعـود
بناها الله علـى العـزا وطـوّل فـي مبانيهـا
يا هل نجران يا أهل الخيل واهل الملح والبارود
ليا ثارت وغارت مـن قبلكـم مـن يباريهـا

ابن بلال:
يدوم لك البقا يا معترف لهل الوفاء والجود
رجال يشهـد التاريـخ لأولهـا وتاليهـا
وأهل نجران يا مطلق رجال ولا عليكم زود
كما قال المثل ما لابـه الا قسمهـا فيهـا

مطلق:
نبي نشوف المدينة والمدينـة دربهـا مسـدود
ألا يـا ليتنـا بكـره إنصابحهـا ونمسيـهـا
سحاب الصيف يمطر والمطر يمطر بدون ارعود
واهل سبع الاراضي تطلـب الرحمـن يسقيهـا

ابن بلال:
ليا زرت المدينه بيع واشتر والبراء مردود
على وضح النقا من يم بايعهـا وشاريهـا
عليك الغيث يمطر لين تعرف ربك المعبود
توض وصل وان طافت صلاتك لا تصليها

مطلق:
تصير الملعبة حمراء وغبراء والعدو مقـرود
لعلك تبتعـد عـن نـار طابخهـا وشاويهـا
أنا مدري عن الطارد وأنا مدري عن المطرود
صديقك من يقاضي كان خصم الناس قاضيها

ابن بلال:
انا اقوى منك واكبر حجتي حجة ومعي شهود
ولا أوكل علـى دنيـاي حاميهـا حراميهـا
تمنا وانت ما تقـدر تعـدا حـدك المحـدود
بدون اقصور فالعتبان حاضرها وما ضيهـا

مطلق:
اجل ما من قلوب الناس قلب إلا وهو ملهـود
والانظاء تكسر الحوض القوي والقيض حاديها