العوازم وجمعية الرقه لتصويت

[الصقران]

السلام عليكم ورحمة الله وبركاته اخواني وابناء عمومتي

الموضوع العوازم ومافعلوه بمجلس الامه حيث انهم لم يصوتوا لربعنا
ولو صوتوا لربعنا ماكان هذي ارقامهم ( والقبايل كثيره وكلن يرحب بنا )
وبما تقتضيه علينا عزتنا ارجوا التصويت
هل نتحالف معهم بجمعية الرقه او لا ( اترك هذا الموضوع لكم لكي تصوتوا عليه وننقله للدواوين )
الخير يجزا بالحسان . والشر تنطح الوجيه الشريره ؟؟؟
بدون تفاصيل ( اريد الاجابه بنعم = او لا )
ولكلنا لدينا غيره ونغره من مافعلوه
وتفضلوا لتصويت ؟؟؟؟

[الفهد10]

السلام عليكم ورحمة الله وبركاته _
وانا اضم صوتي لصوتك _ الرقه مو كلها عوازم _ نبي تغير _
اتمنا التغير باي قبيله ثانيه _

[يامي 2000]

هذا الكلام غير منطقي ، فأنت مضايق العوازم في دوائرهم بنزول ما له معنى ، يضرك ولا ينفعك ثم تلوم العوازم في موقفهم في الرقة ، ثم هل انت متأكد ان موقف العوازم كان ضدك ، اللي يعرفه اي شخص لديه ذرة من الفهم السياسي إن تحالف العازمي مع العنزي ساهم مساهمة كبيرة في سقوط الكندري ، وإلا لو العوازم كلهم معطين الكندري لودعنا حتى الكرسي الثاني !
فلا داعي لهذه المواضيع الجاهلية التي تضر أول ما تضر ربعنا على المدى البعيد ، وقبل لا تشره على العوازم اشره على ربعك اللي تخلفوا عن التصويت ترى اعدادهم(فقط المتخلفين) أكثر من أعداد جميع العوازم في الدائرة .
ثم أن عاديت جميع القبائل فأنت تحرضهم على عمل تحالف قوي ضدك يهددك حتى في الوصول للجمعية
فقليل من التمهل والتعقل .

[ميثاق]

تحالفم مع مطير او الكنادرة...

[الرااااااسي]

السلام عليكم ورحمة الله وبركاته

انا ضد هذا الكلام وتصويتي لااااااااااا كبيرة بعد يا اخوان كافي حقد من القبايل هي ناقصه بعد

العوازم والله والنعم فيهم جيرانا واخوانا ولا شفنا منهم الا الزين وفي ذمتي انهم لاعطو كلمه

اوفو بها بس بقولكم شي عن الاجواد العوازم امانه الصباحيه كلكم تعرفون انها للعوازم لو صار تحالفات القبايل كلها وهي معقل العوازم ومع ذلك نزل عليهم شارع وهذا من حقه ولا قالو اي شي وحنا اذا نزل عندنا في الرقه عازمي قلبنا الدنيا وقعدناها ليش كذا ؟؟؟؟؟؟

انا بقول كلمه عساها تنفعكم ابن شرفان والبرغش راحو للعوازم وقالو لهم لكم سكرتاريه

وكل سنه عوازم اثنين يدخلون الضباط عن طريقنا ومعاملاتكم عن طريقنا

رحبو العوازم وقالو هذي الساعه المباركه بس خرب عليهم العازمي اللي نزل وهددهم بيفضحهم بالجرايد اذا مادعموة الى درجه انه يهددهم بالسلاح حاولو يقنعونه بس لا حياة لمن تنادي فما كان منهم الا ان يرضون بالواقع واكبر دليل شوفو التصويت للعازمي كلهم مايبونه وتخفلو الكثير عن الانتخابات وكانو مستائين من العازمي اللي نزل

في النهايه العوازم جيران واخوان ويستاهلون الخير

تقبلو تحياتي الرااااااسي

[جنرال ال شامر]

أتــمنى يمشي الموضوع على خير

والصراحه أنا مع أخواني الراسي واليامي

واتمنى دعمهم


تحياتي لكم

[Q8710]

وأنا مع أخواني الراسي واليامي وجنرال ال شامر

العوازم يستاهلون كل خير وماقصروا وشارع نزل بالصباحيه ولاقالوا حاجه

خلونا اكبر من كذا لمتى وحنا كذا

العوازم اخوانا وجيرانا

فراشة الكويت

[Faris]

غريبه الحين بيضيقون على العجمان عشان نزل عليهم شارع
ولا ضاقو على مطير يوم نزل عليهم بدر !؟

[الفهد10]

السلام عليكم ورحمة الله وبركاته
مساك الله بالخير _ اول شي العوازم عددهم 1250 وصبوا على الكندري وعكاش _ ولو ماصبوا هذي مو ارقامهم _ ولو صبوا علينا كان طرحناهم _ مع العلم العازمي المرشح ماجاه شي _ وثاني شي اطلبو من المرشحين يموم جاوهم 2 ضباط كل سنه ياخي العجمان يالله العضو يدخل ضباط 2 كل سنه _ واطبلوا 2 عوازم يترشحون للجمعيه وواحد عجمي _ والسنه الجايه 2 عجمان وعازمي _ يبونها نفس الضاحيه وام الهيمان _ واطلبوا كل عضو يحط سكرتير ومندوب _ قالوا مرشحينا هذي نقدر عليها _ ام الاولات لا مانقدر _ هذا شي للعجمان _ طيب بضاحيه عددكم الف وحنا الف _ طيب ام الهيمان نفس الشي _ طيب الرقه عددنا الفين وانتم 600 _ وتبون نفس الشي _ فرضه ومساومه _ لاكن فوق هذا ربعنا ارفضوا ووافقوا على سكرتير ومندوب _ والعوازم كبوا على الكندري وعكاش وكيفهم هم حرين بصواتهم _ لاكن يالربع الضعف مايعطيكم شي _ فيه عضوا قال للعازمي انت حنا منجحينك قال انا منجحيني العاوازم _ جحدنا قال ابديكم على ربعي _ المهم يربع _
ينجرد كشف الذنوب ويحسب المذنوب بذنوبه _ ماكتبت الشعر راجين من نطحني بالله الله
هذا رايي _ خذينا الشمري وطلعاناه الاول ونجحوا اخويانا _ يالعجمان انتم كلن يتمناكم _
خلوا منكم ضعف النفس _ والله لو ننزل ثلاثه عجمان _ ونصقط ثلاثه على عز وكلامه _ ولا ننجح ثلاثه على عز وكرامه _ انا بغير بغير بغير

[بترولي]

ونعم في أخوانا العوازم ولكن موقفهم في منطقة الرقه سلبي للغايه

وما إستفاد منهم العجمان نهائياً

بل هم المستفيدين من العجمان في الجمعيه

وكان بودنا لو أنهم وقفوا وقفه طيبه مع العجمان لكي يحثوا العجمان للإلتزام بهم في الجمعيه

ولكن يبدو أن الإنتخابات هي ( القشه التي قصمت ظهر البعير )

وانهت تحالفنا مع العوازم لغير رجعه

وللعلم أن العوازم أصواتهم كانت لعكاش والكندري

الكندري المنطقه كلها ماتبيه واللي رفع أصواته العوازم

ومن رأيي أن نتحالف مع العتبان والهواجر

وأن يكون سنه أثنين من العجمان

واللي بعدها واحد فقط من العجمان

هذا وتقبلوا تحياتي