السلام عليكم ورحمة الله وبركاته
مما لاشك فيه أن الشعر هو ديوان العرب ( غايه وليس وسيله ) وبأن الشاعر لسان القبيله .
وفي الآونه الأخيره شاهدنا وسمعنا الكثير من الشعار الذين تحمل قصائدهم الغث والسمين ، إلا من رحم الله .
ولكن (
عبدالله بن عماره ) شاعر متمكن من جميـع أدوات الشعر يجيد الحبك والسبك يتميز بإسلوب خاص منفرد عن باقي الأساليب غير مشابه لما قبله سهل ممتنع لدرجة السلاسه ، مبدع في إختيار المفرده والقاف والبحر وفي توظيف الفكره وتجزيئها في الأبيات .
أحيا الشاعر
عبدالله بن عماره أمسية الهيلتون ،
برعاية الشاعر سعد بن صيّاح ، وكان عريف الأمسية الأستاذ القدير
صالح الشمري, وقد لاقت هذي الأمسيه التفاعل والحماس من الجمهور الذي سحره إبن عماره بما ألقى من قصائد ، ومما يستوجب علينا الإشادة به بأن هذه الأمسيه ليست كغيرها من الأمسيات ، أي أن هذه الأمسيه أحياها شاعر واحد فقط ألا وهو (
عبدالله بن عماره ) ، وكانت الأمسيه على مرحلتين ويتوسط هذه المرحلتين إستراحه للجمهور .
وإنفردت شبكة قبيلة العجمان بتغطيه شامله لهذه الأمسيه وبتسجيل صوتي حصري للأمسية على هذا الرابط
http://www.alajman.net/dewansound/
بدأت الأمسيه في تمام الساعه 8,30 مساءاً
وكانت أول قطره تقطر من سحابة هذه الأمسيه ( المعلقه الوطنيه )
ومما أنشده عبدالله في هذه القصيده :
تاريخنا ماهوب قصه من قلم طه حسين = تشهد ثلاث إمية سنه والسيف والبيرق شهد
الدار موسومه عليها البرثن البرثن يبين = وسم الصباحي فوقها لوّح نقا صافي رشد
وسم الصباح من العتوب آلاد سالم عاربين = بين العزاوي معتزاهم كالرهيف المنجرد
عبدالله اثناء القاء إحدى قصائده وبجانبه عريف الحفل الأستاذ صالح الشمري
ثم ألقى بعدها قصيدة ( العقيم) ومنها ماقال :
مثل العقيم اللي رزقه الله بأحلامه غلام = من فرحته مافارقت راس الغلام أنامله
ماتمت الفرحه وراحت روحه بسن الفطام = الله عطا والله خذا فرحه ولاهي كامله
ثم ألقى بعدها قصيدة (القمه ) ومنها ماقال :
أنتي على بال المولع كل ليله يالهنوف = لكن بأدب قوم سنّت لي طوال سنونها
إن كان حبش لي يجي ويروح من حسب الظروف = حبي لش أكبر من ظروف الوقت فوق حصونها
ثم ألقى بعد ذالك قصيدة (الحد السعودي) ومنها ماقال :
أصون الغاليه وأحفظ وعودي = وأصدقها ولو بارت وعدها
حداني دونها الحد السعودي = ضريبة موسم تغادر بلدها
وحداني صوبها بيحة سدودي = حلاوة روحها مدري جسدها
عبدالله منفعل مع القصيدة
ومن بعد ( الحد السعوي ) ألقى قصيدة ( سوق الفحيحيل ) ومنها :
يفدا دكاكينك ياسوق الفحيحيل = سوق المرينا ، سوق شرق وفناره
اللي يدوجه لابسين البناطيل = واللي عليه شماغ جاته عياره
نادوه ياكرتون مالك معاديل = وينك ووين مشيدين الحضاره
هذا خطا يحتاج منا لتعديل = ياللي على الطرقي تسوق العباره
أمك ورى أهواز العرب غشت الكيل = وابوك ياطبزه مورد حجاره
ومن بعدها ألقى قصيدة ( الزير ) ومنها ماقال :
أهاوي الخثرات ، عاصوفي شديد = طب الحصان العبث عبثات الفلا
خل القوافي يالمهاوي تستفيد = البير تسقي والمدايح للدلا
لابس عتيق الصوف يالقطن الجديد = عليه لو قيل الدهر شرب وكلا
مافاد ترديد الحكي ليته يفيد = ماكان فاسلاف البدو روس اجهلا
إلى أن قال :
العشق عايش فالحشا والعشق سيد = عبدين تحت أمره حفا ويا غلا
اثنينهم خانوا بقلبي والوريد = ( لايبرح العبدان حتى يقتلا )
ومن بعدها ألقى قصيدة (الفرس )
القصايد ماتجيب المرجله قوله وقيله = كم وكم من شاعرٍ قد قال انا عنتر زماني
وان نشدته وين فعلك ؟ وش طلع ناتج حصيله ؟ = قال مدري مامداني ، هته ! مدري مامداني
إلى أن قال :
موجز النشره قضى لكن بعد باقي بديله = باقي التفصيل والتحليل ثم أعلن بياني
راكب اللي كنها الحفاق في راس الطويله = من بنات الريح خمريه حوافرها متاني
وختمها قائلا :
يمكن ألقى مودماني شخص يسوى له قبيله = بس مألقى لي قبيله كامله في مودماني
ماخمل راسي ولايخمل ولاحولي خميله = دام يوجد شخص من ربعي عريبين المجاني
وكانت قصيدة الفرس ختام المرحله الأولى من الأمسيه .
،
بعدها بدأت المرحله الثانيه من الأمسيه
ومن خلال الإستراحه طلب منه قصائد كثيره متنوعه ولكنه بدأ الفتره الثانيه بقصيدة طلبت منه بإلحاح وكانت تتضمن الموعضه والتذكره بالقبر .
وكان سبب هذه القصيده كما قال عبدالله للجمهور ، أنه في أحد محافل الرياض طلب منه أن ينشد قصيده تتضمن الموعضه وكان صاحب هذا الطلب ( الأمير خالد بن طلال بن عبدالعزيز )
بديت البسمله بالسمله بسم الله الرحمن = بابديها بذكر الله يوفقني وانهيها
جزيل المد ماله ند سبحانه رفيع الشان = احد ماله ولد حي ٍ صمد والميت يحيها
الى ان قال :
ليا جيت اللحد مافيه لاصاحب ولاعدوان = وصرت تراب وسط تراب جثه وين باغيها
ضلوعي في ضلوعي داخلت ياصيحة الضلعان = سمعت الناس من قبري تعجل في خطاويها
وصحت فلان والا فلان والا فلان والا فلان = اناديها ولكن لاحياة لمن تناديها
تناسوني وخلوني وعشت بكوكب النسيان = وجودي في وجودي من وجودي كيف اداويها
وقابلني نكير ومنكر مقابل على برهان = واعد اعلومي اللي بينه واللي مخفّيها
الى ان قال :
تحققت الحقيقه والحقيقه بغض البهتان = ترى شمس الحقيقه ساطعه ماشي يغشيها
اصدق كلمة المقي واكذب كلمة الغلطان = اميز في عقول القول مقديها ومخطيها
واذا قلت القصيده بس ماكشت لها الادبان = احرام الدم لاتركها ماعاد اقرب قوافيها
الى ان قال خاتما:
وصلى الله على محمد ، وانا واحد من العجمان = وهليت القصيده والا انا ماني براعيها
غفيت البارحه غفوة منام وزارني عبلان = عطانيها وجيت اهلها يومه عطانيها
وبعد قصيدة (القبر) ألقى قصيده إجتماعيه ملبياً رغبة الجمهور :
بنت الشوارع تحتها رزريز = شيبة بدو ينفخ على جمسه
قال افتحي لي درب ، قالت قيز = وان فك حلقه غيبت شمسه
صرنا لملاك الدراهم بيز = واخشومنا فالدين منغمسه
وبعدها قصيدة (العشماوي) ومنها ماقال :
ياعذابي من فراق اللي ذبحني حبه = الضمار يحوف سرجوفه وعوده راوي
كني اللي ثار جاشه والهبوب تهبه = حيلة اوراقه من القاضي على الطنطاوي
عشموه بدافع الديه على المرزبه = ينتظر باب الفرج ثم صبحه عشماوي
وبعدها ألقى قصيدة (غزليه ذات طابع فكاهي ) ومنها ماقال :
يوم قالوا ياجحا وشله تصيح ؟ = قال اصيح وخايفٍ من الانقلابه
واشهد اني صحت ولساني فصيح = بس انا ماني جحا ذاك الزلابه
الى ان قال :
اسمعي يابنت حوا من نصيح = باعتذر لش من خطاش ابلا ارتكابه
في يديني عقد ماس وعقد شيح = جبتها لش من خفوقي بالنيابه
اشبحي واختاري اللي له مديح = لاتردين بسؤال ابغي الاجابه
سلهمت واستهلمت كلمة ( ياويح ) = رمشها يقوى على زيزوم لابه
وفي الختام ، كانت رغبة الجمهور ومطلبه أن يختم عبدالله الأمسيه ( بشلّه ) ولبّى لهم ذالك
وأنشد قائلا :
راكب اللي على بابه السيفين = بينها نخلة الهجر مبنيّه
والشله موجوده حصرياً في صوتيات شبكة العجمان في ديوان الشاعر عبدالله بن عماره
من اليمين فيصل بن حجرف والشاعر عبدالله بن عماره والشاعر سعد بن صياح
من اليمين فارس الأمسية عبدالله بن عماره وفيصل بن حجرف وجالس بن مبارك
وهكذا إنتهت أمسية الأبداع عند هذه الشله وخرج الجمهور من القاعه يردد أبيات إبن عماره ، مع العلم أن القصائد التي قالها الشاعر في الأمسيه ( 19 قصيده ) بما فيها الشله .
23-11-2005, 06:56 AM
تغطية الشبكه لأمسية الشاعر عبدالله بن عماره
العرض المتطور
