سبع القبايل فرقتهم قبيلة

[(( المري ))]

كان الشاعر الفارس نغيمش بن هادي الشولاني وهو من قبيلة العجمان، مع قبيلة آل مره وكان محل احترام وتقدير وقد شارك مع آل مره في معركة بينهم وبين عدة قبائل مجتمعة كانت تنوي إبادة قبيلة آل مره والغنيمة بالأبل والخيل. والتى كانت عند آل مره بكثرة ، قل ان توجد عند غيرهم من القبائل . وكان لا يوجد مقارنه بين جمع آل مره وسبع القبائل، كما قال الشاعر . وكتب الله النصر لآل مره، وكثر القتل والاصابات بين الطرفين . وقد أبلوا آل مره بلاء حسنا ، وكسروا الجموع المعادية، فأرسل الشاعر الفارس نغيمش بن هادي الشولاني هذه القصيدة لضيدان وسلطان وهم من كبار العجمان ويمدح فيها الامير لاهوم بن شريم شيخ آل مره آنذاك ويبشرهم بالنصر..

يا راكب اللي كنها فـرد غـزلان0000000000لا صاعها من يمة الريـح زيلـه
تياسرت مع يمـة الجـدي لابـان0000000000هجـن عليهـا بالمسـاري دليلـه
فاذا لفيتوا شيّعـوا ذكـر ضيـدان0000000000اللي تعـدى الجيـل الاول وجيلـه
قولوا سلام الحرص يا طير حوران0000000000بحفوةٍ يـا اللـي علومـك جميلـة
انـا بشيـر للمعـادي بـخـذلان00000000000عز للرأسـك يـا ذعـار الدبيلـة
من هازنا زرناه بخشوم الاضعان0000000000ومرو بعات في المنـازل ظليلـة
يبرى لها من يمة الخوف فرسـان0000000000ومالٍ إلى نـوّخ يشيبـك عويلـه
تراوحت صم الحوافـر بفرسـان00000000000وتخالفوا ضرب اليديـن الطويلـة
سرنا عليهم والسفر ما بعـد بـان0000000000فعل الله الماضي على كـل حيلـة
ياميّه في حومـة السـوء ظفـران0000000000ياما ذهب في وردهم مـن قبيلـة
يا من يبشر بالخبر ابـن سلطـان0000000000سبـع القبائـل فرقتهـم قبيـلـة
يا ليتكـم شفتـوا طلقـي الايمـان0000000000تنخاهم نساهـم وراحـوا سحيلـة
حنا انتصرنا والمعـادي بخـذلان0000000000ولا يأمن الاحكام راعـي دغيلـة
زيزومنا هو بو راشد ذيب الاقران0000000000حييت يـا شيـخ علومـك مهيلـه
شيخ ليام إلى امتلى الجـو دخـان0000000000لا هـوم شيّـال الحمـول الثقيلـه
يتلاه طوابيـر وخيـل وفرسـان0000000000ويقود نمرا مثل وصـف المخيلـه
الى اقبلت غادي رعدها له تحنحان0000000000الموت اللي فـي نحرهـا تشيلـه

ملاحظه:
الأمير لاهوم بن راشد كان اسمه قبل هذي المعركه علي ولكن لقّب فيها بــ لاهوم عندما قال يا الربع ويقصد ربعه وكان يأشر على السبع القبائل فقال لهم:
هؤلاء قوم ؟
قالوا نعم طال عمرك
قال وهؤلاء قوم؟
قالوا نعم طال عمرك..الخ
فقال بعدها
هو يستاهل حبة الطامع اللي ينزل ويلهم هالقوم كلهم ؟
قالوا لا لا لا طال عمرك
قال انا اللي استاهلها وانا اخو صافيه ونزل بهم وتبعوه فرسانه الأبطال وحقق الله له النصرررر الله يرحمه ويسكنه الجنه ويرحم جميع الأموات اللهم امين.

تحياتي للجميع

[اخومحماس]

اذا تكرمتوا ودي أعرف سبع القبايل من هي

[أبـــوسعـــــود]

الأخ المري

لاهنت على السالفه والقصيده

وهي معروف عندنا ونلعبها في المناسبات

ولاخلا ولاعدم يالمري

[والله ماكان الفراق اختياري]

لا هنت اخوي
على هالموضوع
طبعا دايم عوال يام والنصر معه

[صاحب السمو والفخامه]

لاهنت يا المري على ذي السالفه ولاهو بغريب النصر على ال مره والعجمان ويام
ودي طال عمرك اتقول ذي القبايل السبع منهي؟على اساس ان السالفه اتكون واضحه لنا,ووش اسم ذي المعركه؟ووين صارت؟وشكرا

[المحق]

(( المري )) الله يطول بعمرك وذي القصة فيض من غيض

مشكور يالسنافي

[ولد ال صالح]

كفوووووووووو



لاهنت

يالذيب العاوي

موضوع وقصيد وشخصيه وكاتب طيبين


تقبل

سلاااااااااااااامي

[طـــــارق]

بسم الله الرحمن الرحيم
السلام عليكم ورحمة الله وبركاته
ياولد قشط علي جسمي وهلة دمعة العين روح ربي يوفقك
واحد من أعيال الجمع الرزين

[تركي المري]

الأخوان

أخومحماس و صاحب السمو والفخامه

للأجابه على أسئلتكم فيه موضوع في نفس المنتدى التاريخي بأسم الملحمه (المبرنس)

وأن شاء تحصلون الأجابه.

[المطلقي]

لاهنت يالمري على هذا الموضوع وطرحه ونعم فى ربعنا ال مره وفعايلهم معروفه