بسم الله الرحمن الرحيم
في 13/4/1906م توفي الامير عبدالعزيز المتعب الرشيد (( الجنازه)) ومن منا لا يعرف هذا الاسم .. هو الذي قال عنه المستشرق الانجليزي (( هذا الرجل لم تلد ولن تلد الجزيره العربيه مثله)) هذا الرجل الذي قال فيه الشعر
مثلك ولد والله فلا جابته بنت= لاشك عيّن يمهلنك سنينك
وهانحن اليوم يرجع بنا التاريخ الي ذالك الحدث الكبير .. يوم وفاة الامير عبدالعزيز المتعب الرشيد ....
وبالامس القريب هو تاريخ 13/4/2006 م كمّل مائة عام على وفاته .... رحمه الله
فمن حقه علينا ان لا ننسى ذكره ماحيينا ... فكتبت هذه المرثيه لعلها تفي ببعض ماقدمه لنا ذاك الصرح ....
واعزي بها كل شمري واعزي بها الدنيا كله
يعيد الزمـن نفسـه ويشعـل خاطـري ذكـراك
على مية سنـه فاتـت علـى ذكـراك وسنينـك
يعيد ويرجع الماضي بنغمـات الحـزن طـرّاك
ألا يا اليوم وش جابك ؟! ألا لا عادت بك سنينـك
قبل مية سنه فاتـت مثـل هاليـوم مـا ننسـاك
ألا يا كيف ابي انسى حـدث هاليـوم يـا شينـك
ألا يا ( روضة مهنا ) ابنشد عن زمان(ن) جـاك
على عز(ن) وطا ارضك ومات براحـة ايدينـك
تهنى وانت في قبرك ولو دار الزمن مـا انسـاك
وربي ما نسيـت اسمـك ولا هالنـاس ناسينـك
ألا يا كيف ابي انسى ( اخو رثعا ) ابد ما انسـاك
يعجز الزمـن يطـوي علـى صفحـة عناوينـك
ذكرك السيف والميدان وصهيل الخيل ما ينسـاك
بكاك الـدم والدمعـة وتـرى الرايـات باكينـك
ذكرك الوقت في عسرة.. تفكة ساعة(ن) ينخـاك
يخاف الخوف من اسمك جبل ترسـي بموازينـك
تبيد البيّد في ركضك .. تدك جبال مـا تعصـاك
اعاصير الفنا تسلك دروب(ن) غير عـن عينـك
تعسف الخيل بجموعه تكف جيـوش مـا تعّـداك
يعجز العجز عن عجزك يهـون ويعجـز يهينـك
على عسر الدهر ثابت .. وترسي شامخ بمرسـاك
جبل ترسي بشموخ العز.. جمعت العـز بيدينـك
ياكم سال الوغى دم(ن)بفعل السيـف فـي يمنـاك
و كم فك اللهب سيف(ن) لصق في قبضت ايدينك
و كم بادت جموع الضد ... تبيد جموع من عاداك
وكـم ذل(ن) تبـدل عـز ألا يـا عـز ناخينـك
يرف البيرق بنصره اذا يمشـي علـى ممشـاك
وتنكّس بيرق(ن) ضدك وتنكِـس كـل عدوينـك
وكم سطر لـك التاريـخ بالـدم الحمـر عـلاك
وكم سطـر بطولاتـك كمـا تـاج(ن) متوجينـك
اعدد ويش ابي اعدد ولـو عـدّدت مـا اوفـاك
تروح اجيال بدال اجيال ولا يخلـق مثـل طينـك
يعود الوقت لأيامك .. وتدفـن والزمـن خـلاك
نبي نبكيك يا يـوم(ن) خذيـت أغلـى محبينـك
مضت مية سنه ساكـت علامـك شوفنـا نتنـاك
نصيح الجنازة وين ارضك؟؟ .. ولا نسمع مجيبينك
طلبتك لو تبي عيونـي لـك الله والعمـر يفـداك
ابي ترجـع.. خـذ ايامـي فـداك وزود سنينـك
بقينا نبكي ايامـك.. واعـزي الشمـري فرقـاك
واعزي العمر .. والدنيا علـى فرقـاك وسنينـك
وأعزي السيف في موتك وأعزي البيرق بفرقـاك
واعزي الصريـف اللـي بهـا ذلـت عدوينـك
واعزي الطنا كلة .. وجبل سلمـى وأجـا ينعـاك
واعزي حمود ابو ماجد واعـزي كـل ميادينـك
واعزي القلم والشعر .. واعزي فزعت(ن) ترجاك
واعزي الزمن كلـه مـن سنينـي إلـى سنينـك
قدر مكتوب وامر الله على الدنيا وعلـى الأفـلاك
رجيت الرب يغفر لك تـرى يـاااارب راجينـك
عسى يغفر لـك ذنوبـك وجناتـه بهـا يجـزاك
ويكسـي عفـوه اعمالـك ويثقللـك موازيـنـك
تأكد وانت في قبرك ولو دار الزمن مـا انسـاك
وربي ما نسيـت اسمـك ولا هالنـاس ناسينـك
يعيد الزمـن نفسـه ويشعـل خاطـري ذكـراك
على مية سنـه فاتـت علـى ذكـراك وسنينـك
سلامي وانت في قبرك..عسى عطف الولي يغشاك
سلام لذكـرك الشامـخ مـن الهامـه لرجلينـك
للشاعر علي بن حمدان الوهبي الشمري
2006/4/13
26-04-2006, 05:15 PM
العرض العادي
