مرثيه

[فارس الكلمه]

هذي القصيده صحيح ان لها خصوصيته ولكن بعد طلب احد الاخوه في نشرها في المنتدى فهذي القصيده مرثيه في فهد الشامر العجمي الله يرحمه

عزي لعين وسطها النـار مشتبـه=
في ليلة فيها خبـر شيـن بكانـي

الاياوجودي وجد مسجون بلا سبه=
حكم عليه اعدام من دون برهانـي

اوهو وجود اغليمن مافادبـه طبـه=
احلام عمره تلاشت والعمر فانـي

على رفيقن تسهر العينين من عقبه=
مابه مروات كيف الذيـب خلانـي

انا خواله وقاصي الربـع يفخربـه=
من ربع قوم تطول الطيب عجماني

لاوالله الاموت فهـد علـي نكبـه=
لاوالله الي راح واقفـى كحيلانـي

لاحدن يلوم العين ماها لـو تصبـه=
من حر ماتونس ترى الحال تعباني

ياليتهم احفرولي قبـر مـن جنبـه=
ولافقدته جعل من فقد معـه ثانـي

وياجعل جنات السعد يابوفهد دربـه=
في جنت يرزقبها حـور الاعيانـي

[فلاح ال مخلص]

الله يرحمه



صح لسانك

[والله ماكان الفراق اختياري]

صح لسان شاعرهااا

لسانك يالغلااا


والله يرحمة فهد الشامري
حمد العجمي

[عـزام]

فارس الكلمه

مرثيه رائعه

الله يرحم فهد الشامرى

وصح السانك واعتلا شانك

[المها]

مشكور عليها لانها كلمات رائعة ومعبرة صحيح الله يرحمه فهد الشامر العجمي ويسكنه فسيح جناته ولا تحرمنا من هذه المرثيات الرائعة لجدانا وصح السانك ولك مني اجمل واطيب تحية

[فارس الكلمه]

اخواني اشكركم على المرور العطر


واختي عجمية الشرقيه المرثيه ماتكتب الا على غالي وانتي تقولين لاتحرمنا من المرثيات




يالله عساني مافقد غالي



اخوكم/فارس الكلمه

[مهرة الصمان]

فارس الكلمة صح لسانك وابيات حزينة دمت ودام ابداعك

انشالله انها اخر مرثية والموت حق علينا وفراق الغالين صعب

لاهنت ورحم الله فهد رحمة واسعة والمسلمين اجمعين

تقبل تحياااااتي

[المها]

السلام عليكم ورحمة الله وبركاته
هلا فيك اخوي فارس الكلمة انا والله كنت فاهمة غلط ضنيتك مقتبسها من احد او ماخذها من لسان احد او من الكتب المهتمه بالمرثيات اقدم لك اسفي والله توني افهم الموضوع والله لايفقدنا ولا يفقدك غالي وان شاء الله تكون اخر مرثية الله يطول في عمرك وعمرك حبايبك في كل مايحبه الله ويرضاه

[فارس الكلمه]

اختي العجميه عذر ك مقبول


والله ادري بانك غلطانه او يخونك التعبير وعلى العموم اخوان ان شالله والا حصل الا الخير



تحياتي/فارس الكلمه

[فارس الكلمه]

مرحبا اختي مهرة الصمان

واشكرك مهرة الصمان على مرورك العطر


تحياتي/فارس الكلمه