|
مختارات من بعض قصائد راكان بن حثلين
السلام عليكم ورحمة الله وبركاته
هذا بعض القصائد للشيخ راكان بن حثلين
وان شاء الله ينالوا على اعجابكم .. تفضلـــوا ..
بعض من شعر راكان بن حثلين ...
( 1 )
ذكر الشيخ محمد منديل الفهيد ، مناسبة هذه القصيدة فقال :
إن الشيخ راكان بن فلاح بن حثلين سمع رجلاً من جماعته ، يدعى أبا معارف يتغزل
بقصيدة منها هذه الأبيات :
اليوم ما شفنا مـن الحـي مخلـوق= ما شفت من كنه ظبي البيـاح
يا من شعب قلبي إلى أقبل مع السوق= عليه من دل الهوى والمـزاح
السحر بعيونـه إلى لجلجـن فـوق =ومبيسم فيه الشـراب القـراح
فرد عليه الشيخ راكان بن فلاح بن حثلين بهذه القصيدة :
يا أبو معارف هضتني وأنت مطفوق= قَزْيِتْ عن عيني لذيذ المـراح
إن كان هوهمك من الناس مخلوق= ما همني لو كان زينه فضـاح
الهم واللـه لابـه سَنّـدوا فـوق= دونك منازلهم عفتهـا الريـاح
يا زينهم لااستجنبوا كـل صعفـوق= يتلوت بـرّاق ورا الصلـب لاح
لا صاح صيح ورا طـارف النـوق= تركب على حيل حداها الصياح
إلى لحقنـا لا أول الخيل مفهـوق =يا طن شخانيب الـوعر والسماح
نطعن لعين اللي زهاعنقها وسبوق =كاسٍ نواحيهـا سبـوق الجنـاح
تلقى الحمرفي مقدم العود مرشوق =مغطي مقاديـم الغلـب والنواحـي
-------------
قال الشيخ راكان بن فلاح بن حثلين هذه القصيدة ، في إحدى بنات القبيلة ، قبل أن
يتزوجها :
الله من قلـب غدا فيـه تفريـق= يتلـى ظعـون مبعديـن المناحـي
قسـم بتغريـب وقسم بتشريـق= والقسم الآخر مـا درى ويـن راح
لي صاحب ما فتق البيت بيويـق= ولا عذبه طرد الهوى والـطـمـاح
و الله لولا أفاهق الصبر تفهيق =وأرجي عسى دربه يجي له سمـاح
يا أبوي يا زين العياد المشافيـق =لا رفـعـوا لقـطيـهـن الســلاح
راعـي دلال كنهـن الغـرانيق= فيها العـويـدي وأشقـر البـن فـاح
وحامي حدور الخيل وقت التزاهيق= وكريم سَبْـلاَ فـي لِيـال شـحـاح
يا زين هجن قديـت بالمساويـق= تلقـى لهـا قـدم المنـارة مـراح
والحيل عنده علقـت بالمشانيـق =مـا يذبـح إلا مـن سمـان اللقـاح
سوقوا بها شقح الأبكار الملاهيـق =مثل القنوف اللي بهـا البـرق لاح
ترى لها رجالٍ قـروم مطـاليـق =كسـابـة العليـا طيـور الـفـلاح
------------
هذه القصيدة قالها الشيخ راكان بن فلاح بن حثلين ، بمناسبة انتصاره على الدرويش
:
يا راكب من عندنا فوق شقـران =سواج مواج بـعـيـد الـمـراح
ينشر من القرعا على قـد الآذان= والعصر تشرف له خشوم وضـاح
كز القعود للشيخ من نسل وطبان= زيزوم علـوي مبعديـن المناحـي
الذم مـا يهفـي للجواد ميـزان= والمدح مـا يرفـع ردي المشاحـي
بشر ليا جيته بكبش من الـضان= ودلال فيـهـن أشقـر البـن فـاح
يمشي وينشد عن منازل فنيسـان= يبغـي بداري قامـة وانـبـطـاح
الدار حاميها الولي رافـع الشان= من حمد ربـي سـدنا مـا يـبـاح
الـدار نحماها بخيـل وفـرسان= يا أهـل القنازع دايثين الـمـلاح
بالله عليك أمسيت يا نسل وطبان= تصبح عليـك من الهواشم صبـاح
مخيلة تأتيك من صـوب نجـران= مشروبـهـا سـم ذبـوح ذحـاح
أول مطرها رشة الخيل بأكـوان= ترمي العشـا للطيـر رفض الجنـاح
خليت عشب الصلب يومي بالأردان= تلعب بريضانـه هبـوب الـريـاح
يا ما حدينا عند حلـوات الألبـان= ويا ما كسرنا قفوهـا من الرمـاح
لا ما ركبنا فوق طوعات الأرسان= عدونا يبطي وهـو مـا اسـتـراح
-----------
هذه القصيدة قالها الشيخ راكان بن فلاح بن حثلين وهو في المنفى ، أو ربما قالها
وهو في السجن ، وحمزة ربما يكون زميلاً تركياً للشيخ راكان ، أو يكون من المجاهدين
معه في حروب البلقان :
أخيل يا حـمـزة سنـا نـوض بـارق =يفري من الظلما حناديس سودها
على ديرتي رفرف لها مرهش النـشـا =وتقفاه من دهم السحايب حشودها
فبالله يا المطلوب يـا قـايـد الـرجـا= يا عالم نفسي رداهـا وجودهـا
إنك توفقها علـى الحـق والـهـدى= ما دام خضرا ما بعد هاف عودها
وابـدل لهـا عسـر الليالي بيسرهـا= وجل المشاكل فل عنها عقـودهـا
وابرج لعيـن لا أقبـل الليـل كـنـها =رمدا وذارفها تغشـى خـدودهـا
وكبد من أسقام الليالـي مـريـضـة =عليها من جمر اللهايب وقـودهـا
تقطعت الأرمـاس عـنـا ولا بـقـي =إلا ودود دايـم فـي وجـودهـا
حبيبي ومقصودي لعبده إلـى عـطي =وهايب فضله ما تقيس مـدودهـا
فيا حافظ من ذعذع على خشمه الهوى= وتنشى من أوراق الخزاما فنودهـا
وتيمم الصمان إلـى نشـف الـثرى= من الطف وإلا حادر من نفـودهـا
معا وجه سـلفـان إلـى لاح بـارق= نحت له ولو هو نازح من حدودهـا
يا يمه هم مشعل الحـرب إلى دنـا =حريب ورفت للملاقـي بـنـودهـا
حريبنـا نسقيـه كاس من الصـدا =والحبة الزرقا لـكبـده بـرودهـا
وإن زرنـا سـبـع يدور لـغـرة= كفوفه دروع من فجايا صيـودهـا
عبينا لزوارته قراها إلى أقـبلـت= وخطرنا على زيرومها اللي يقودهـا
وعقب الطمع ترجع سراياه كنـها= غيا جملة صفت عليهـا فهـودهـا
وتـغشـى قطـي الخيل دم لـكنـه= تزيعج دلا أولاد عطاشى ورودهـا
وان ثقل اللي في اللقـا يروي القنا= اللي لونيـات السبايـا سنـودهـا
زعجنـاه بأقـارب المطارق رادته= عرجا دوام للـجرايـر تـرودهـا
فإن جر حربـي علينـا جـريـرة =صبرنا عليه ايلين نقـوى ردودهـا
فلا قوينـا الرد نجـزيـه مـزنـة= حمرا تزلزل في رهقهـا رعودهـا
رعدها القهر ومصبب الدرج ويلهـا =وحدب مقابيس البلا فـي حدودهـا
بمذلقـات الهنـد والشلـف كـنها= السن سلاقـي متعبتهـا طرودهـا
كما مزنة نشت على الجوف وأسلبت= غثا سيلها يملا الخفن من نفودهـا
والأخرى على جوده غثاهـا لكنـه= صرايم زرع فـي ليالـي حصودهـا
وراهن يـوم يقصـر الظـن دونه =حظوظ من الله وافقتهـا سعـودهـا
غزو على البرة تذلهب بنا الـرشـا= وتـقـطعـت عنـا ملفـق جرودهـا
وخشوم طويق فوقنا كـن وصفهـا =صقيل السيوف اللي تجدد جـرودهـا
تولف علينا الذيب والفهد والـنمـر= سـبـاع عليهـا ولفتهـا أسـودهـا
جمعهم لنا ليث على الدرب جابهـم= فلا عاد نقـوى لـو بغينـا ردودهـا
كفانا بهم رب لـه الحمـد والثنـا =علينا مدوده ليـس تحصـى عدودهـا
لك الحمد يا معبود والشكر والثنـا= وجيه على البيدا نسـاوي سـجودهـا
ومر يكفوني مـذاريـب ربـعـي= وأتاجر بنفسـي واتنومـس بـزودهـا
إلا إلى شفنا عليهـم هـزيـعـة= من دونهم حمـر الـمنايـا نـذودهـا
عسا جواد ما تعرج يصيـبـهـا سبا =مطرق يقطـع ملاقـى عضودهـا
وأنا ذخيرتهم إليا دبـرت بـهـم= شعت النواصـي والنشامـى شهودهـا
وملفي مسايير إلى جوا عيـنـوا= قريشيـة يعبـا معـا الهيـل عودهـا
مع منسف وحايل إليـا أقـبـلوا= لا عـلقـت مـا يحتملهـا عمودهـا
وإلا ردوم من ورا الحجز نيـهـا= تداوي بها الربـع النشامـى كبودهـا
وننثر عليها السمن زود وتعمـد= لـشوارب تروي القنـا فـي هدودهـا
وإلى لفانا مجرم ضده النـيـا =كـنـه بـعيـطـا نابـيـات حيودهـا
إلى ضد حمله في متونه وزارنـا= نسفناه عنـه ايليـن تبـرا لـهودهـا
وبالجاه نرخص غالي المال دونه= ووراه سيوف مرهفات حدودهـا
نقلـط للعقـال بالعقـل مثلهـا= ونعيا لعيلات المقرد قـرودهـا
ومن دور العليا نجازيه بالرضـا= ومن دور القصيا نلقيه كودهـا
لينه يبدل زجرة الهـدر بالرغـا =وقومه تكثر لطمها في خدودهـا
هذي عوايدنا لهـا ذي ومثلهـا =الفتى لابدها من لحودهـا
ولا هيب فعل من يدينـا بديعـه =سوالف رجال خلفتهـا جدودهـا
وصلوا على خير البرايامـحمـد =ما لعلع القمرى وما هب نودهـا
-------------
يقال أن هذه القصيدة أرسلها الشيخ راكان بن فلاح بن حثلين إلى الشيخ محمد بن
خليفة في البحرين :
ما قال عبد الله إرتقى ذيـك الأرواس= بين الدلم وخشوم قصر البجـادي
حول الضبيعة من ورا ذيك الأطمـاس= بين الخشـوم النايفـة والحمـاد
والبارحة ما اغضت العيـن بنعـاس= إلا علـى خدي مطرهـا حشـاد
قلبـي كما بـن يحـرق بمحمـاس= عليـه صالـي لاهـب النـار زاد
فيا الله يا قايد مـن النـود نسنـاس= يا معتنـي يـارزاق كـل العبـاد
اللـي الي نامـوا خلييـن الأونـاس =قمنا ونطلبـك الهـدى والـرشـاد
إنك تبوح الهـم عقـب التعومـاس =وتفتح لنا من باب عرشـا منـادي
وخلاف ذا يـا راكـب فـوق نساس =مـقـدم شـداده نابـه للـشـداد
رباع قطـاع الـفيافـي بالأمراس =يطـوي بذرعانـه بعيـد الريـادي
يشدي ظليم رايعـه صوت رجاس =مثلـوث دافـوه الرمـاة العـوادي
بدل إلى جيت الجزيرة علـى الـراس= بقطاع موجـات خفيـف السنـاد
رز الشراع وهب له ضـد الأكـواس= بيهـوم للنجـم اليمانـي قـصـاد
ملفاك دار اللي لهـا الـرب حـراس= ديرة مرويـن السيـوف الهنـادي
ملفاك شيخ من شيوخ علـى سـاس= أبو خليفـة سقـم عيـن المعـادي
حرسنـا عينـه كمـا نـور مقبـاس= أشقـر كبيـدي عريـض الثنـادي
شبر لبانـه لا بـرق الريـش نكـاس= يفـرح بـه القنـاص حـل الهـداد
سور البلد صعب على روس الانجـاس= وحظه باخوه مساعده فـي السـداد
سعد الرفيق اللي به الخيـل محتـاس =مشاهـده يجـلا همـوم الـفـواد
يا شيخ عيلات الدهـر تقلـب الـراس= يا ما جرى في الكون من عصر عاد
أفكـر وبـرق فـي معانيـك بقيـاس =عسى لسلطانك من الـرب هـادي
من اللي ضفى حكمة على ذيك الأجناس= وسخر بساط الريـح لـه بالركـاد
صارت حكاياهـم تواريـخ وارمـاس= وشي سوى المولـى مـداه النفـاد
يوم الجد فاللـي جدانـا مـن النـاس= عدالـة الميـزان بيـن البـوادي
زدنا وعدينـا ورا الحـق بـقـيـاس =وعشنا بحد السيف فـي كـل وادي
وكم واحد نرميـه والعـج غـطـاس =والآخر اللـي فـوق كبـده جـداد
يا طول ما صدنا على عوج الأطـراس= وصيور من صـاد النشامـى يصـاد
وما رازنا الا نـور قصـر ابـن دواس =اللي جنوده مثـل وصـف الجـراد
ودار جفت ربـع عمايمهـم الـطاس= لا حل بأطـراف الجهامـة منـادي
والله لـو أعطـى بهـا مـال عبـاس= فراشـي الديـبـاج والشكـر زادي
من عقب مجفاها حمى دون الأفـراس= من عقب ذولا ما بهـا لـي قـعـاد
وصلاح ربـي عـد ماهـب نسنـاس= على شفيـع الخلـق يـوم التنـادي
============
منقول
وتحياتي للجميع
معاليــق الحشــى
__________________
التعديل الأخير تم بواسطة عيد بن شدقان ; 20-01-2006 الساعة 01:16 AM
|
19-01-2006, 09:42 PM
العرض المتطور
