جاني بطرق الثوب ناسي عباته

[الجـــــــــادل]

ساعة ركبنا فوقهنّه مقفيّن= جاني بطرق الثوب ناسي عباته

رد السلام ومدّ لي كفّه الزين= يحوز عني ما بدا من صفاته

الوجه كنّه والنحر والذراعين= لون الحليب اليا انعزل عن رغاته

وجدي لو ان الوجد ماله براهين= ان ما تهيّت للبنادم مناته

وجود راعي هجمة ٍ حاله شين= ردّنه الأشوار دون اشهواته

يبا الربيع ومشغلينه هل الضين= لين ان ذوده شان والوسم فاته

على عشيرن خابره في اول الحين= يمدي مقاسيمه من الله جاته

أمّا رمنّه في قصور وبساتين= وألاّ عليه الوقت دارت رحاته

طرشّت له وارد ثمان وثمانين= سوّاه من سوّاه واحسن سواته

البهبهاني ما اشتغل غير تمرين= اللي حدود المملكه مانعاته

فوقه من العتبان من يقضي الدين= قرم ٍ تسدّك فزعته عن وصاته

اليا كفخ له كنّ حس القزوزين= هدير هرشن في مراح أمّهاته

ملفاه ما ينعاق ربعن مسميّن= فراج ولاّ عند مقحم مباته

رجالهم تلقاه في العسر واللين= ما سال عن فقره ولا عن غناته

ممتاز في الدنيا وممتاز في الدين= وأخير ما عند البنادم صلاته

تحرّ مردود الرساله نهارين= والثالث أخذ العلم منهم وهاته

وان كان ما يدرون عن داعج العين= راحوا محابيس الهوى مع قضاته

وهي للشاعر بندر العتيبي

[عيد بن شدقان]

صح السانش والسان الشاعر


ولا هنتي على القصيده الرائعه

[تركي]

السلام عليكم ورحمة الله وبركاته,,

اختي الكريمه الجادل

مشكووره على النقل الموفق للشاعر بندر بن سرور ولا هنتي ...


تقبلي تحيااااااتي

[سياتل]

مشكوره الجادل على الاضافه الرائعه

بس اسمحيلي عدلت فبها شوي و حطيتها بالشكل الي تشوفينه

تحياتي
سياتل

[عمهوج]

السلام عليكم

لاهنتي يا اخت الجــادل : وصـح لسانتس ولسان شاعرها

ومشكوره على النقل الرائع

تحياتي

عمهـــــوج

[الجـــــــــادل]

اشكر مرووركم الكريم

ولاهنت اخي ستايل على التعديل

[اطياف الماضي]

صـــــــح لسانك ولسان الشاعر اختي

يعطيك العافية على الاختيار

تحياتي ,,

[أبو الوليد]

صح لسانك أختاه ولسان الشاعر

قصيده رائعه وأنتي أروع

تحياتي

[الجـــــــــادل]

لاهنت على المروور الكريم

[عبدالله المعيضي]

[light=FFFFFF]

تسلم ايد ش الجادل

والله يرحم الشاعر بندر بن سرور



* احتراماتي

[/light]