كيف تكون تاجر

ابوتركى · #1 27-03-2004, 07:05 PM

نحن نعيش فى مجتمع يلزمك ويجبرك ان تحتاج لاخذ القروض

اما لقضاء حاجيات ضروريه كالزواج او بناء بيت او تأثيث

منزلك او لحاجيات غير ضروريه

مثل شراء سياره فارهه او اخذ قرض لكى تتمكن من السفر

الى دول العالم للسياحه او قضاؤها فى كماليات اخرى

وكل هذا على دخل معين من الدوله الا وهو المعاش بحيث

لايتعدى الشىء الفلانى

فاذا كنت تريد ان تسلم من الدين وعماة العين وتكوين راس

مال لابأس فيه فعليك باتباع الشروط الاتيه ومع مرور الزمن

بعد تكوينك لثروتك سوف تقوم بلا شعور بجمع المال والمحافظه

عليه وحبه اكثر واكثر حيث ان المال لايحبه اكثر سوى الشبعان

واقول هذا من رؤيتى لشخص معى بالعمل فى الاربعينات من

عمره ويعمل كاتب براتب 700 دينار ويملك مصنع للبسكويت

ولدى ابوه المتوفى مجمعات مؤجره على شركات كبرى و

سألته عن ثروته وقال حوالى 2 مليون دينار والشخص من

عائله معروفه بالعربى (عم حليمه بولند) المهم شكله لايوحى

بالثراء ملابسه اقل من العاديه سيارته قوطى (قولف) المهم

نرجع للشروط التى تمكنك من الثراء البسيط

1- ابتعد عن الاقساط

2-لاتطلع بطاقة ماستر كارد

3- ابتعد عن الاجتماعات

4-لاتخالط الناس وكن انطواءى حتى لاتلزمك المناسبات الاجتماعيه

5-اذا كان عندك عيال ودهم القهوه الشعبيه الالعاب بلاش
عندهم

6-اشتر سياره على قدك يعنى مرسيدس خنزيره والا كولت المهم سياره مشى

7-فصل بالسنه دشداشتين ولاتروح البلوكات روح للجليب يفصلون على اربع

دنانير

8- دش جمعيه مع مصاروه بالعمل وخلك اخر واحد

9- اذا بغيت تحلق احلق على الزيرو يبيلك سنه على مايطلع الشعر

10- اغراض البيت والاثاث من سوق الجمعه

11- مستلزمات البيت والماجله من التموين واذا نقص شى روح الميره

12-اذا عندك عيال كثار خل الصغير يلبس دشداشة الكبير

13- الملابس الداخليه عليك بالمباركيه واشتر فنايل ابو بقره الاصليه المصوفره

بالاساس

14- اذا رحت الدوام خذ وياك خبزه وزعتر وقطعة اجبينه عشان تفتك من طلبات المطاعم

15- لاتشترى موبايل خذلك خط هوائى على خط البيت اللى مداه 3 كيلو

واحسن نوعيه السناو (مايحتاج ديرتنا صغيره)

16- مستلزمات المره اما من سوق الحريم والا سوق الصباح

وانشالله بعد الشروط هاذى بخمس سنين بتكون كون لك ثروه

تحياتى

كويتيه · #2 27-03-2004, 08:12 PM

لووووووووووووووووووول بو تركي.. والله شروك عجيييييييييييييبه .. تبي الصغير يلبس دشداشه الكبير و منو يرضى الحين.. والله مايرضون لو تطلع روحك.. اسال مجرب.. بس والله تبي الصج.. والله اتييب فايده هالشروط.. خلاص انا ابي اتبعهاا واشوف ثروتي جم اتوصل..

يعطيك ا العافيه يا بو تركي