** قصة بنت كانت تطالع واحد بعين قويه**
المهم الرجال طلع شاعر**
وما قصر فيها كم بيت عشان تتأدب**
لكن المفاجأه هي ؟؟؟؟**
وش صار؟؟
تابع القصيدة
يقول:
كل شبر بهالوسيـــــــــــعـه ملـك ربـي تعلميـن**
وأعلم إن اللي خلقني هو خلق لـك هالعيـون**
لكن انتي من جلستي وانتـي فينـي تحدقيـن**
كن ما به ناس غيري بهالكراسـي يجلسـون**
لو سمحتي عاد أسمعي وحتى لو ما تسمحيـن**
المهــــــم اللـي بقــولـه تســـمعينـه و يسمـــعـون**
ع الأقل ليا نظرتك سـوي روحـك تستحيـن**
غضي طرفك مثل غيرك خوف ربعي يلمحون**
الركادة عاد زينة والحـــــياء فـي البنـت زيـن**
وفيـك جآزم لا ركـادة ولا حيـاءٍ يـذكـرون**
تعرفينـي ؟! أعرفـك ؟! ماأذكـر إنــا ملتقـيـن**
لا أعرفك من تكوني و لا تعرفي مـن أكـون**
وإطمأني إن كان قصدك بس فينـي تشبهيـن**
ما هــــــو أنـا إلي تعرفيـه والبشـر يتشابهـون**
مـا دريتـي من التشابـه يخلـق الله أربعيـن**
وأعرف أربع يشبهنك بـس والله يستحـون**
وإن كان قصدك شي ثاني عاد قولي وش تبين**
خايف إنا نصير فرجة وإللي ماشتروا يتفرجـون**
وإذا ببالك عاجبتنـي لا يحوشـك تحلميـن**
صح ربعي من جمالك فيـك صـار يمدحـون**
بس وش لي في حلاتك دام فيهـا ترخصيـن**
حشــــــمة البنـت وحياهـا والكرامـة يلفتـون**
ولو توفر فيك هـذا مـع حلاتـك تبشريـن**
ما هو أنا ألف غيري بـاب بيتـك يطرقـون**
وش علامك رغم كل اللي أقولـه وتسكتيـن**
مو طبيعي هالسكوت وهالبـرود وهالسكـون**
إنتـي خرسـا أسألـك ولا منتي تسمعـــيـن؟؟**
قالوا ربعي ذي كفيفـة قلـت لا لا تمزحـون**
لين شفتك يوم رحتـي يمسكونـك باليديـن**
مــــــا دريت إلا عيونـي أربـع أربـع يذرفـون**
آه ياني منه مشــــــــهـد يـوم شفــــــتـك ترحليـن**
جيت اشوف عيون ربعي لقيت الكـل يدمعـون**
يالكفيفة يالعفيفـة إن قلـت آسـف تقبليـن؟؟**
يغـــــــــفر الله ذنوب عـــــبده ليا خطا وهـل
تغفـرون؟
15-10-2012, 12:17 AM
قــصــيــدهـ مـعـبـرره😔😔
..~
العرض العادي
