لوطالت الغربه ومريت زاير......يبقى غلا نجــران مادامني حي
في داخل عروقي مع الدم ساير......لايوصفه شعري ...ولايشبهه شي
جاير غلاها يابن فتان جاير.....يطوي معاليق الحشــاء ...ياحمد طي
جنة عدن والشوق فيها مغاير.....ماهوب حب جنيف .. والشام .. ودبي
واللي يعايرني بها لايعاير....نجران ضيف .. وحبها حاتم الطـــي
دار القروم مخضبين الشطاير.....كم لابة زادو على جرحها كي
صبيان يام ولو تدور الدوائر....تاريخهم مشرق ولايلحقه في
الله خلقهم مثل طلع البشاير....استغفر الله مابي اقول من ضي
في حبهم مالوم زرق العباير....لوطاحت دموعي على وجنتي زي
غالي فقد غاليه والشوق ثاير....بين الضلوع ومايبي الزاد .. والمي
والبارحه مريت نجران زاير....لكن علي الله ...ومادامني حي
ان الغلا فيني مع الدم ساير.....لايوصفه شعري ... ولايشبهه شي
للشاعر : عبد العزيز اليامي
15-12-2011, 07:22 PM
العرض العادي
