عندي نصيحه و النصايح جليله..

ابو سالم الدويخ · #1 14-11-2011, 12:00 AM

يــــالله يامعطي العطايـا الجزيله
لما نوى مــــــدًات عبده صخابها

عديت من القـــوراء بعيطا طويله
أسقاها من الوسمي رفايا سحابها

حمـــــدنا مسويها جبــــال وحيله
تبــــــنا قهرها عــــلاوي هضابها

تحليت محلـــــــن لمّ شمل القبيله
لـــما إجتمع شيبانهـــا مع شبابها

تشـــل الحمول الـــراسيات الثقيله
وتغطي محاسنها مبــــادي عيابها

أيادي الجود غطت الأيادي البخيله
وعاري السلب يدفيه ضافي ثيابها

عنـــدي نصيحه والنصـــايح جليله
ياللي تبرق فيها الخطا من صوابها

إلى جـــاك محتال(ن) يحايـل بحيله**
شتات شمـــل الجمع يبغـــى خرابها

جنّب طريقـــــه لا يـــــــجيلك دليله
جنّب مـــحابيل الــــــردى وإقترابها

وترى عشير الســــوء يخلف عميله
مالك ومـــــال إللي كثيــــــرٍ نشابها

هـــــذي نصيحة والنصـــــايح جليله
ياللي تبرق فيها الخطا من صوابها**

،،،

العــــديم · #2 14-11-2011, 12:08 AM

إلى جـــاك محتال(ن) يحايـل بحيله
شتات شمـــل الجمع يبغـــى خرابها
جنّب طريقـــــه لا يـــــــجيلك دليله
جنّب مـــحابيل الــــــردى وإقترابها
وترى عشير الســــوء يخلف عميله
مالك ومـــــال إللي كثيــــــرٍ نشابها

صح لسانك ولسان قايلها
قصيده كلها حكم وموعظه

لاهنت ع النقل

ابو سالم الدويخ · #3 15-11-2011, 12:29 AM

اقتباس:

المشاركة الأصلية كتبت بواسطة العـديم

إلى جـــاك محتال(ن) يحايـل بحيله
شتات شمـــل الجمع يبغـــى خرابها
جنّب طريقـــــه لا يـــــــجيلك دليله
جنّب مـــحابيل الــــــردى وإقترابها
وترى عشير الســــوء يخلف عميله
مالك ومـــــال إللي كثيــــــرٍ نشابها

صح لسانك ولسان قايلها
قصيده كلها حكم وموعظه

لاهنت ع النقل