اقدع عسى يقدع على راسك الذيب

[أبـو عبـدالله]

رديه هزلية بين الشاعرين ضيدان العجمي وسعد العجمي ..

قال ضيدان :

جاك المسيّر مالقى منك ترحيب =لا جبت له قهوة ولا من قدوعي
ياليتني دوّرت غيرك معازيب =جيتك جويّع ورحت منك بجوعي
الظاهر إنك ما تعرف المواجيب =أكيد طبعك يختلف عن طبوعي
حنا لا جانا الضيف ننفض له الجيب =ونجيب له من كل شكلٍ ونوعي
عاداتنا والرزق من عالم الغيب =هذا وأنا أبخل واحدٍ من ربوعي

فرد سعد :

اقدع عسى يقدع على راسك الذيب =في خايعٍ ما به من الناس روعي
متعطّل في البر "جبلي" تناجيب =من ليلة الجمعة ليوم الربوعي
ومرّوك ناسٍ غايبٍ عنهم الطيب =وخلّوك وحدك في مكانٍ يروعي
ثم جاك ذيبٍ ما سنونه بتركيب =ذيبٍ ولد ذيبٍ وشرسٍ قطوعي
وسوّى بك ساةٍ على غير ترتيب =يجزع لها قلب الشجاع البتوعي
مرحوم يا عودٍ كسا راسه الشيب =هنديته تذرف عليه الدموعي

سيد العشاق

[لحوول]

الله لا يهينك واختياااار موفق
واتمنا لك اتوفيق
اخيك:لحوول

[سلطان بن جفن]

صح السانك ولاهنت يالغالي على النقل الجميل

وعسى ان نرى منك ماهو اجمل

اخوك سلطان

[عيد بن شدقان]

سيد العشاق
لا هنت وصح السانك والسان الشعار
ضيدان وسعد الله يرحمهم ويسكنهم الجنه