اناشد الجميع بقراءة هالرسالة ،،،،

[الليل 22]

((ماابي غير دعواتكم ان الله يرد نابي بن جايز الهاجري لنا ولامه ولزوجته سالم معافى هذا واحد من اقربائي بالسجون السعوديه صارله ثلاث سنين ونص وهذي القصيدة نشرت قبل سنتين يزهم فيها علي بن حمود وللاسف ماشفنا منه شي قضيته معلقه وتعبنا من الانتظار وامه هالعجوز وزوجته تعبوا من الطريق الطويل كل اسبوعين مره يشوفونه فيه ومكالمه وحده بالاسبوع وعياله اللي تعقدوا وهم يشوفون ابوهم بالحاله .. الرجال وصلنا عنه انه حاليا ماينام الا بحبوب منومه ومريض ووللاسف الشديد انا ناشدنا الكثير من الشيوخ وما لقينا تغيير بالقضيه وللاسف بعد انا ماندري كم عليه ومتى بيطلع ارجوكم ادعوله واللي يقدر يساعدنا لا يتردد ولكم جزيل الشكر والثواب عند رب العالمين ،،
اترككم مع القصيده :


ياهجوسي جاوبيني ودي اكتب لي قصيده = ودي أزهم قايد الميقاف نبراس الحمية





بزهم اللي لا زهمته فار دمه في وريده = شاش راسه واحتفزلي قال تبشر بالحذيه






بزهم اللي في المراجل مرتفع فيها رصيده = راعي الفزعات والوقفات تضرب له تحيه






لا وعد كفو المواعد ما يخالف في وعيده = لا نتهض ليث المواقف وقفته دايم جريه





لا شعامل لا محمد لا هواجر لا عبيده = نسل سلطان العبيدي في الكويت إلك الرعية





أنت قايدنا بحق وكل قوم وله عقيده = ياعقيد العزوة اللي ماتوانا في العطية





يا عقيد العزوة اللي فـاللقا دايم شديدة = وبالرخا تضرب بة الأمثال بالأيد السخية





طالبك تكفا زهمتك ناصيٍ لك يالوليده = طالبك تكفا زهمتك جارت الدنيا عليه





طالبك تلحق على نفسٍ بقاياها شريدة = طالبك تلحق عليها دام باقي لي بقيه





آه يا ظلم الظلام وآه يا نار الوقيدة = تقهر الرجال كثر الغطرسة والعنجهية





نار ظلم لو تجي الاقطاب ذاب بها جليده = ولو تعرضها على كثر البشر تصبح شويه





ما مشت رجلي ردى ودروبها مني بعيده = مؤمن بالله حق وتابعٍ سنة نبيه





و إن حصل بحسابهم مني خطا ولا مكيدة = ليه تحجيم الخطيه وجعلوا منها قضيه





مر عامٍ بين ذل وغبن ويلين الحديدة = والدعاوي في نجية والحقيقة في نحية





لي متى مدري كذا الأوضاع مافيها جديدة = تمشي الأيام يوم بيوم والأوضاع سيّه





آه يامر المفارق آه ياكبر الفقيدة = من ربوع ومن ديارٍ مالي بها مقدرية





آه ياقلب حزين وعين لا ماهي سعيدة = آه ياكبدٍ كواها الهم كيه فوق كيه





والحقيقه مانرد أمر وقع ربي يريدة = وماشكيت من التسخط كاتبه رب البرية





راضيٍ باللي حصل لي جعل ربي مايعيده = و أمر ربي حاصل من خير ولا من بليه





و عارف إن ربي هو الرحمن وارحم من عبيده = ماغفل عن عبده اللي يطلبه صبح وعشية





و الوكاد اللي أعرفه حق وعلوم وكيدة = إن ابن مركوز والله قدها لو هي قويه






ببذل الأسباب عند أهل المروات السديدة = و ماطرالي غير ابن مركوز مشهور الهوية






هاقيٍ بك يا بن عمي عز مجديٍ تستعيده = ما تخيّب هقوتي بك تبدل الحال الشقيه






وخاتمتها للنبي صلوا صلوات مديده = عد ماتشوى على جمر القهر كبدٍ طرية

[(سعد بن محمد)]

الله يفك عوقه

ويصبر اهله

[(بوسالم)]

الله يفرج همه ويرده لأهله سالم غانم انشالله... بس ياليت تفيدنا برقم القضيه

وسبب السجن لعل وعسى ان تحل القضيه اذا وصلناها لأهل الطيب الي يدورون

الأجر والعلم الغانم..............

[مطلق الخالدي]

الله يفرج
همه
ويصبراهله

[مشـخــــــــاوي]

الله يفك عوقه

ويصبر اهله

[saprj]

عسى الله يفك عوقه

و يرده لأهله سالم ...

[المحفوظي711]

عسأ الله يفرج عنه ويصبره على مصيبة ويرد لهله سالم غانم ,,

[من العجمان]

الله يرده لكم ردا جميلا عاجلا غير آجل

[k.n.1984]

الله يرده لهله عاجلأ وليس اجلأ