كلمات حضـــــــــريــــــة تغــــــــــــــــــــث

[المحفووظي]

كثير من الكلمات في لهجة إخواني " الحضر " تجيب لي الضغط والسكري <<<سلامتي

كلمات لا أستطيع هضمها :

- صغير تم إستبدالها ب ( إزغير )

- كلمة إنزين .....ليش ما تقولون زين ..ليش إضافة إنــ !!؟

- استبدال حرف الجيم إلى ياء ...مثل كلمة (يجي ) تستبدل وتصبح ( ييي ) <<<< بالذمة هذي كلمة !!

- كنت أكره المعلق خالد الحربان عندما يقول عن اللاعب السابق بدر (حجي) ويقول بدر (حيي )

- كلمة ( هالشكل ) اصبجت ( جذي ) ومن ثم حولها ( حضر ) المارينا مول إلى ( جي )

- كلمة ( قدام ) وتعني أمام أصبحت ( جدام ) ومع مرور الوقت اصبحت ( يدام )

- كلمة ( قيمة ) اصبحت ( جيمة ) ثم اصبحت ( ييمة )

- كلمة ( قليل الحيا ) اصبحت ( جليل الحيا ) فتغير المعنى كلياً

- كلمة ( البنك ) وهو المصرف أصبح ( البنق ) وينطقونها بتضخيم الباء ( والنون كأنك منشول ) والكاف أصبحت قاف


- ( فلان كله مقابل التلفزيون ) تم إستبدالها بــ ( فلان كله مجابل التلفزيون ) ....طيب ليش إذا صارت عندكم مقابلة معينة كوظيفة مثلا ما تقولون ( عندي مجابلة في الوزارة )


- سيارات أصبحت ( سيايير ) <<<< اهنيكم على الكلمات

وطيارات أصبحت ( طيايير ) ....طيب ليش ( القطارات ) ما تقولون ( قطاطير )




* فلاش *


هذا الموضوع " لتوسعة الصدر " ولا يحتمل أكثر من هذا ...( وبالمقابل في كلمات بدوية تجيب المرض ..بس أنا مشتهي أتحرش باخوانا الحضر )

ويبقى كل الحضر على راسي من فوق ....بس غيروا لهجتكم تكفون

[دااانة البحرين]

السلام عليكم ورحمة الله وبركاته


((المحفوووظي))


>>>> ماسكه الشنطه ولابسها بالطو المحاماه للدفاع عن الحضر


- كنت أكره المعلق خالد الحربان عندما يقول عن اللاعب السابق بدر (حجي) ويقول بدر (حيي )


- كلمة ( قيمة ) اصبحت ( جيمة ) ثم اصبحت ( ييمة )


- كلمة ( قدام ) وتعني أمام أصبحت ( جدام ) ومع مرور الوقت اصبحت ( يدام )

^



حتى أهل المحرق ماسووها





يازين كلامنا
عيل اقول بجي والجاي والجمعه .. بايي والياي واليمعه أحلى بواااايد مو واجد

تسلم يالمحفوظي ويعطيك ألف عافيه

حضر وإلا بدو كلنا أخوان


تقبل مروري أختك داانة البحرين

[لاهنت ياوقت الشقا]

مو كأنه منقوول