قصائد ...بالطير والمقناص

[قناصه]

مقتطفات من أشعار القنص
الشاعر خالد الفيصل

ياصقر




واهنيـك لــك جـنـاح تطـيـرلى طرى لك نزعت وطرت يم الهوا
بين قلبي وبينـك فـرق والله كبيـرلى كفخت انطلقت ولى كفخت التوى
انت حايم وانا بالقاع دوبـي اسيـرفي صحاري زماني ذيب ليلي عوى
فوق جوك سحاب وحدر جوي هجيرالقدم فوق رمضا والخفـوق التـوى
الحذر يا صقر لا يشبكونـك اسيـرويل صقرٍ يتله مربطـه لـى نـوى
برقعته اللّيالي فـوق وكـرٍ قصيـرعقب صفقه جناحه بالهوا لى اهتوى
كل حرٍ الى ضاق انتهـض للمطيـرحومتـه بالسمـا ساعـة لقلبـه دوا
واعذاب الجناح اللّي يجـره كسيـركّلما فزّ مكسور النواهـض هـوى









دار الشمال وسرني يوم دارهبعد البطا وانا اتحرا لهـا دوم
عقب الرطوبه والندا والحرارههب البراد وبشر الوسم بغيوم
في موسم نرجي بشاير اخبارهنفرح ليا جتنا مكاتيب وعلـوم





الشاعر الشيخ عبدالعزيز سعود الصباح






بكره ليا ذعذع براد الصفـاريالقيض راح وقربت هدة الطيـر
قرب هداد مصخرات الحبـارياللي لهن عند اهل الصنف توقير
بأتلى شهر عشره وذيك المحارييا كثرهم دوار بـرق الدواغيـر




الشاعر شبيب المطيري




يا مرحبا بسهيل جتنا لياليـهعسى علينا كل عـام يعـود
وقت نحبه والصقاقير ترجيهونعد له في كل يوم اعدودي




الشاعر سمير الهرشاني






يا زين هد الطير في وسط غابهاما طلوع الشمس والا الطفيليل
ان شاف له جول تدراج عثابهجايع وشفقان على شوفهن حيل



الشاعر سمير الهرشاني
وهذه الأبيات تعبر عن وقت الصيد حاليا واوضاع الصقاقير





يا بو خليفه خل عنك الجماهيـردرب الصقاره والقنص سد ريعه
يا دعيج مافي البر كود الخواضيرهن وام سالـم قوعهـن قطيعـه




الشاعر مرشد البذال






اليوم قل الصيد من كل الاوطانزود على قل الطيور وغلاهـا
آخر زمان ناقل الطيـر تعبـانيبحث خفايا صيدة مـا لقاهـا



الشاعر سمير الهرشاني






يا بو سعد يوم المقانيص والصيدرحنا وجينا والمقانيص حلوات
واليوم منع وقل الصيد وتلايـدقدقلت في ما فات مامن طهامات





الشاعر عايش الجويسري




الشاعر حمد السعيد






يالطلح ما مرك مع الصبح صافيطير غدالي امس والشمس حيـه
اتلا العهد به راح يطرد مقافـيخابريبه اومى في جناحه هنيـه




ردالشاعر الطلح






لا والله إلا مرنا العصر وافيكنه غـلام مستغيـرن بهيـه
اقبل علينا ثم اخذ بإنحرافـييوم الحباري وقعن له سويـه




هدية السامر
شاعرنا حمد السعيد
لم يعثر على طيره وحزن كثيراً لفقدانه وكان كل مايتمناه هو أن يكون ذلك الطير في حالة طيبة وغير جائع ولم يؤثرفيه البرد فانتشرت قصيدة الطلح انتشارا واسعا وسمع بها الجميع ومن ضمنهم سمو الامير عبد العزيز بن سعود((السامر)) وهو من عشاق القنص ومن عشاق طيور الحرار فأحس بمعاناة حمد السعيد وحزنه العميق وهو يناجي شجرة الطلح وينشدها عن طيره فأهدى سموه للشاعر حمد السعيد طيرا من أطيب طيوره عوضا عن ما فقده فكان لابد ان يسجل هذا الموقف لسمو الامير عبد العزيز بن سعود فكانت هذه الابيات التي كتبها الشاعر حمد السعيد وهو يصف طيب سمو الامير عبد العزيز بن سعود مع وصفا دقيقا للصقر حيث يقول




يالبازعي طيري طلع مثل راعيهزولٍ وفعـلٍ والمـواري تشابـه
بالطلع موقف ما لقي من يماريـهعساه يسلم سيـدي يـوم جابـه
له ماكرٍ في بر فارس محاريـهكني اشوفه يوم خاطـوا قطابـه
صفاة وجهه مع شـدوده توديـهضمن الحرار ولا وراها طلابـه
النادر اللي يوم عزمـت اسميـهسميته السامر واشوفـه زهابـه
ليـا قفيتـه شفـت دقٍ محنيـهوليا نطحته مـن عيونـه تهابـه
كن الثريا في قواطـي مواميـهابيض نحر كنه يشع الضوا بـه
هجرٍ قصيرالساق جبـره ثناديـهوله عاتقٍ يعطي شموخ ومهابـه
ليا مسح وجهه ونهض مواطيـهيطري علي اللي عزيـزٍ جنابـه
به من طبوعه مشبع اللي حواليهوماخذ من طبوعه ليان بصلابـه
وجهه ليامن صاد يشبه محاليـهلا بشر بضيفٍ وردد هـلا بـه
لا تل سبقه قلت يـا طيـر لبيـهواقفى وكني كاسبٍ بـه ثوابـه
وجاهن وهو كن المنايـا تباريـهزيزوم قـوم وفزعـوه القرابـه
اللي معه بالطلع ما عـاد يمديـهياصل مطاليعه وهو ما درى بـه
من عادته برق الدواغر مداميـهفي صيدته الطير غمقٍ صوابـه
ليا ضرب ما وافق الضرب يفريهكن بيمينه من سيوف الصحابـه
ينقى كبير العرف ما هو يخليـهمن خيشة قدمـه نهبهـا نهابـه
يا سعد عين اللي قنص عانيٍ فيهطيرٍ وماخذ من طبـوع الذيابـه
لا صارت الدعوى عناد ومشاريهإخذه وكنك ماخـذٍ معـك لابـه
الطير احبه حيل من حب راعيهعبد العزيز اللي عزيـزٍ جنابـه






الطير عساف






البارحه جفني بحلـو الكـرى عـافودموع عيني مثـل وبـل الشخاتيـر
انحاس بالـي يـوم ضيعـت عسـافاللي غـدا يطـرد صفـوق المغاتيـر
اقفت به الربدا على الحـد بأطـرافشمالـي البتـرا بعـرق المظاهـيـر
قمت اجدع الملواح في كل مشـرافباح العـزا منـي ولاجانـي الطيـر
وانا علـى طيـري كثيـر التحسـافاللي يصخر هـارب الربـد تصخيـر
ومن سو حظي ضاع في وقت الأنكافولا عاد من فرصـه نـرد المداويـر




الشاعر سلمان بن دغيم

شقر الحرار




يا زين جمعتنـا علـى شبـة النـارنـارٍ سناهـا لـدلال المباهـيـر
امكرمـات وسطهـن بـن وبهـاروسوالفٍ تطرب سمـوع المناعيـر
ناخذ لنا فالوقـت سجـة ومشـواربين الفياض اللي زهتهـا النواويـر
أرضٍ خلا ما داجها كل دوارغيـرالحبـاري واشقـح الريـم ماذيـر
تلقى جرايرهن مع الـروض عبـارزرق الغلب برق الظهور المخاميـر
هي منوة الي بالصقارة لهـم كـارتشفق ضمايرهم علـى تلـة السيـر
لا حولوا في فيضـة كنهـا الطـاروتكافخن بيـض الدواغـر مياسيـر
ردوا علـى كـن وجـه لـيـا داروجه الغضيب اللي على علم وصغير
ليا انطلق ما كنـه الـى يبـي ثـاريسوق في سوق الخصيـم التباشيـر
أفحج سراويله علـى الكـف نشـارعينه كما وصف الشمالـي سناكيـر
يهوي عليهن مثل قصـاف الاعمـاردابان مـا عنـده مـراود وتأخيـر
إلى انطلق مـا كنـه ألا يبـي ثـاريسوق في شوف الخصيم التباشيـر
شقر الحرار اللي لها أفعال واذكـارمن ساس فـارس وافيـاتٍ مغاتيـر



الشاعر مشعل عوض العتيبي
عند نايف





له سبوع سهيل كـل عيـن تشوفـهجاك حل البراد وراح وقت السمايـم
من يخف الكلايف شايفيـن معروفـهأشقر الريش جاء وقته وقلبي مهايـم
مولع الطير والله ما يطاوع ظروفـهدوم قلبه وعينـه يـم نجـم النعايـم
يذكر الاشقر اللي عايزات وصوفـهومن ذكر ذاك ما اطاوع كثير اللوايم
صافي الريش سرواله مغطي كفوفـهأصبح الوجه صافي الريش ماله وقايم
كن جوهر عيونه في محاجر قحوفـهفضة فصها أسود من حجار كرايـم
لا قفيته تشوف الريش شعل حروفـهذاك عوق الخريش اللي تحب الهزايم
عند نايف اللي الفى فارق حيل نوفـهذاك هبي بشوفـه ياهبـوب النسايـم







الشاعر عبدالرحمن العطاوي
هب البراد




الصبح تلقـى للحبـاري مماشـيومقيضـاتٍ ماثعوهـن صقاقـيـر
وطلعت قرناس بصـدره نقاشـىومجربٍ ماهـو براعـى تناكيـر
لا شاف طلعه زان وجهه وهاشيثم انطلق والكف يرخي له السيـر
وسقنا خلافه مع حروف الدشاشىمتجنبين الروض هـو والعثاميـر
سواقنا ماهـو خطـات الجغاشـيمتعلمٍ للطـرد فـي ديـره الطيـر
حول من اللجه تقل وبـل ناشـيوصاد المخيش واكتنفنا المخاميـر
وثارن عليهم بالمكـن والنواشـيما طار طاح ونومسن راعي الطير
ويازين عقب العصر وقت المعاشيوتعليمنـا لوحوشنـا بالمواكـيـر
هب البراد وصار فيهـا رشاشـيثـم انحرفنـا للـدلال المباهـيـر
في وسط صيوان ملي بالفراشـيفيه النشامـا والوجيـه المسافيـر
رفقه خلا ماهـي بخـوة معاشـيوبين اخويانا مـا تهـم المخاسيـر




الشاعر عيسى النومس
الطير والحبس
هذه سالفة لراعي طير اسمه عبود عنده طير وقد وضعه في شبك في وسط حوش البيت وعنده أطفال صغار دخلوا على الطير داخل الشبك وهو على وكره وكان برقعه مكشوف عنه لأنه كان وقت صيف وقرنسه وصاحبه خايف عليه من الحر فدخلوا عليه الأطفال وهرب عنهم الطير واصطدم بالشبك وجرح الطير فغضب عبود غضبا شديدا وبدأ بالصراخ على الأطفال وكاد أن يضربهم فأتى إليه أخيه الأصغر وهدأ من روعه وغضبه وقال له يجب عليك أن تحافظ على هذا الطير أو سأقوم بإطلاق سراحه فغضب عبود على أخيه وخرج الأصغر وفي الليل أتى إليه حاملا هذه الأبيات






الطير يا عبود يشكي من الحبـسابـوك حـده ساعتيـن ويمـلـه
هاذي ثلاث اسنين ما عانق الشمسوليـا نصحتـه قـال مانتـم هلله
ياعزتي للطير من ضيقة النفـسليا غـدا بالوكـر شـاف المذلـه
الطير يبغى خايع ما بعـد عـسمـا دوجـوا فيـه البـداويـن لله




فرد اخوه الكبير قائلا






وراك يابو النايفه خاطرك عمسوانا احسب انك كل صعب تحلـه
اليوم يا سلطان ماهوب مثل امساخوك ماهوب الزمن صافيٍ لـه
والطير يا سلطان في ماكره ونسحتيش لو ما صاد انا صايـدٍ لـه
عقبت غبات البحور اطرد الخمسوكل ورى شفـه وعقلـه مدلـه



ضيدان وطيره
الشاعر المعروف ضيدان بن قضعان
اشترى طير وكان اسمه عند صاحبه الأول دهام ثم أطلق عليه ضيدان اسما جديدا هو فواز لغرض شخصي وعندما أراد ان يعشي الطير ناداه بأسمه الجديد فواز فواز .... فالتفت إليه الطير وقال






ضيدان أنا أسمي دهام ماهوب فوازأما أدعني يـا دهـام ولا بلاشـي
ماهوب حق تغير أسمي بلا أرمازوأنا عذاب الخرب لا أقبلت حاشي




فرد عليه ضيدان



لعيون بعض الناس سميت فوازأسم يشابه لاسم صعب المناشي
اللي غلاه بثومة القلب حـزازتقبل له طعوني وتقفي عطاشي




فرد الطير





ما أرضى تسميني عليها ولا جازتغيير الإسم إلا بذبـح الكباشـي
إذبح تميمه وأقلب الإسـم فـوازإذا ذبحت الكبش ما صار ماشي




فرد ضيدان






قلت فواز تكفى فكني بالتلعـوازالحل عندي وأسمع العلم كاشـي
لازم تشوف اللي لها القلب ينحازعقبٍ تجي فـواز ولا شلاشـي




فرد الطير





يالله مشينا والعمـر يبغـي إنجـازيا ما نجـز بالهـدي ولا عراشـي
قم جهز اللـي ذاخرينـه وممتـازوعلي الطلاق إن عزبته من معاشي




وعنما وصلا إلى التي سمي الطير عليها شال ضيدان البرقع عن الطير وقال
له هذي اللي سميتك عليها
فقال الطير







أنا أشهد إني يابن قضعـان فـوازواني بعد فـواز جانـي خراشـي
يا حظ قلبك يوم فـي حبهـا حـازكحيلـة مـا عاشـرة كـل لاشـي
يا ليتني رجلٍ لو أمشـي بمعكـازوأنخاك وأنخى مبعديـن المعاشـي
وأنهض لطيف الروح وأجلا لشيرازوأقضي بقايا العمر ما أحتر جاشي
في شرع أبن حنبل بتأكيد ابن بـازمعروف راعي الحب قلبه هشاشـي
وأنا لوصل ملـوع الشيـخ معتـازأعوز من فراق السبوق الرواشـي
أبـا أتمنـى والتمنـي بـه الغـازيا ليت جنحانـي لخلـك فراشـي
أو ليتني بيجر على الورك هـزازوألا قلم بيـن الجسـد والقماشـي



مشهور




يا حمود انـا فـي نقلـت الطيـرمجبوراحب شوفه واستلذ بمطيـره
مـا همنـي العـاذل ولـو كـثـرالشورمن ردني عنه حشى مستشيره
اخذ على شانه لي ايـام وشهـوراعتز فـي نقلـه وفكـت جريـره
لاجاء نهارٍ فيـه قاهـرٍ ومقهـوروكلٍ نقـل طيـره وجهـز نسيـره
وتدارجن ربد الحباري مع الخـوروخذت برقـع مـن يعقـد نظيـره
تل ورقى وسم الولي دوم مذكـوريلحم ويشهـر والصوايـد شطيـره
نشه بمخلابٍ علـى مشـة الـزوروهوا كما تهوي الدلي وسط بيـره
وانسرته المقسوم وعزلت مشهـوروشلته على كفـك ولا لـك بغيـره
ثم شللت ربـدا لهـا بالفضـا دورقد وخذ منها ريـش يالله الستيـره
تل ورقى مالـد للخـرج والسـوروادلى بكفه وحولـت لـه كسيـره
جيته يدوس وخاطرك منه مسرورماتغبط اللـي وسـط بنكـه يديـره





الشاعر بندر بن منصور