زلة صديق

[عيد بن شدقان]

قال الذي يلعب ابيوتن فصيحه=من ضيقته يلعب حسينات الامثال
يالقلب انا بهدي عليك النصيحه=هرج القفا بالك تحطه على البال
ماشوف به كود العنا والقميحه=من بين غادين الجدا قال ما قال
ناس يحسبون النميمه مديحه=وهي توصف من خبيثات الاعمال
زلة صديق لا تجيلك نحيحه=لو كان عايل قل حشا اليوم ماعال
عزه عن الهكمه وزين سميحه=خله على وجه البعيدين رجال
ما كل نفس من عناها مريحه=لا بد مايبدي لكم بعض الاحوال
اليا بدت بعض العلوم الصحيحه=كلن ذكر مجناه من حيث يحتال
احد تنجا حقته من نطيحه=واحد بودي للشريعه وما قال
رجل بلا ربع سوات الذبيحه=تا طاه شمطان اللحي وطي النعال
الشر تحدثه الوجيه الوكيحه=سبة هبيل تبتلش فيه عقال