قصيده سالم بن خرمان آل ضاعن العجمي

[راكان اليامي]

يا من يقرّب الينـا عـوج المصاليبي=خلوا سهيل لمسـرى الجيـش ماريه


ارب ركـب النضـا يبـرد لواهيبي=حيـث عينـي لنـجـران شقـاويـه


وأنا على فاطر لي يـوم تـدوي بي =كنها من الصيد إلـى ذارت وضيحيه


جذوى الفخذ ما اعتبيت لها المشاعيبي=ومقطّـب فوقهـا للكيفـات نشميه


وخـرجٍ جديـدٍ وكيفـات تعاجيبي=وشديّـد مـا يـدور الـورك راعيه


لا روحت بي مع خطـوى اللهابيبـي=العـب لهـا لعـب جهـال هلاليه


فإلى رفعت العصا والصوت يا شيبي=تدوي كما السبع فـي حـزت معاديـه


خمسة عشر وجبة في الجو تدوي بي=تصبح وتمسي بـي الفاطـر خلاويه


ما خايلـت عينهـا نشـر المعازيبي=يـا محـلا البيـت تبنيـه السنافيه


يالله بعقب الصلف قـرمٍ يهلـي بي=ما هو يحسـب مخاسيـره ولا شيه


قد حن على كيفة المشكـل مواجيبي=الا كون مـن حـاط للظيفـان ماليه


اللي الـى مرّتـه بيـض المحاجيبـي=راحـت ورقابهـا بـالـدم ممليه


فاطـري دون أهلنـا فرجـة الذيبي=امـا مسيـر الشهـر ولا حراويه


فاطري لا لويت الـورك هجـي بي=هجي هجيج القطـا فـي يـوم هيفيـه


يا جعل عظمش امجار من الاسابيبـي=قد ذا الشهـر ثالـث وانـت خلاويـه


موسّـم فـوق كتفـش بالعراقيبي=والبشت يا فاطـري نجحـت ملاويه


عقب الشحم غاربش كنه قرى الذيبي=ومـعـذرش مسـتـدق يالعمـانـيـة


من عقب الشمال قـد حـن مجانيبي=من دار هجر نبي ( سنح ) وحراويه


الله يثنـي عليـكـم يــا معازيـبـي=ودياركـم جعلهـا بالغـيـث ماليه


غربت وابطيت في ديـره الا جانيبي=في دار ( بو فيصل ) ريف الخلاويه


ان اقبلت فاطري لا هـو يهلـي بي=وان دبرت قـال : يـا مسعـد النيه


الله عسى عارضه يبدي بـه الشيبي=كم مجـرم زبنّـه عاميـن وضحيه


شيخٍ ومارثٍ شيـوخ تـرذي النيبي=أهل صحون تملـي فـي المعسريه


له منزلٍ فـي البيـان مـن القناتيبي=زيـزوم بـدو ولا ينـوي الشاويه


فإلى وعد لاهـل عـوج المصاليبي=كـم قـاد نمـرا تشـادي للتهاميه


من صلـب يـام ميبسـة المشاريبي=كم نشر قوم غدوا بـه مـن مضاميه

يعطـي ويهـدي مرازيـم الحنازيبـي=ما ناشت يـده فـلا هـو لـه بماليه


يا من يـودي سلامـي يـا مناديبي=صوب ( المرضف ) يودي هجرتي ليه


واخوانه بعد اللي من ماكـر الطيبـي=ماكـر حـرار مداغـيـش نداويه


فرسـان خيـل ومبندقـة معاطيبي=يردون حوض البـلاء بالنفـس كليه


اهـل ربـاع تشـادي للمهاضيـبـي=ودلالهـم دايـم علـى النـار مركيـه


ما ازين على ضوهم هرج التعاجيبي=ربع تدلـه بعيـد الحـي مـن حيه


مـا هـم نقالـه للكـبـر والغيبي=مارث شيوخ وشيختهـم علـى خيه


لا سرت فوق الانضاء بأذكر معازيبي=بالخيـر ولا كـل ضــارب نيه

[العماني]

صح لسانك ولسان الشاعر ابن خرمان

لا هنت اخوي راكان على هذه القصيدة الجميلة

تقبل تحياتي،،

[راكان اليامي]

صح بدنك
ولاهنت على الرد
تحياتي

[أبو الوليد]

لا هنت يا راكان

وصح لسانك ولسان الشاعر

تحياتي لك

[راكان اليامي]

ارررررررحب يابو وليد

وصح بدنك

تحياتي

[ابوحمد الشامري]

قصيده جزله من شخص جزل لا يأتي الا بسمان الهرج وهو معودنا بالدرر فليس غريب على ابو سالم ان لقبته بجنرال المنتدى.

تحياتي لك ياالسنافي

[راكان اليامي]

يامرحبا يابو حمد

ولاهنت على الرد والاطراء

تحياتي