شعراء شبكة العجمان في جريدة الوطن

[فيصل بن حجرف]

السلام عليكم ورحمة الله وبركاته

اليوم في جريدة الوطن الشاعر محمد المجول والشاعر فهيد بن عصيدان بقصيديتين رائعتين وقد سبق للشاعر محمد المجول نشر قصيدته في المنتدى.

___________

في البداية مع الشاعر محمد المجول على هذه الصفحه:

http://www.alwatan.com.kw/Default.as...090&pageId=335

جنون الشعر
اسم قادم بكل ثقة وقوة الى المواقع العليا في اراضي الشعر.. يملك اكثر من جماليات هذه اللغة الخالدة، سيكون له مكانة مرموقة في ذاكرة الباحثين عن الشعر الحقيقي، وهذا النص الاكثر من رائع جواز مرور للفضاء الرحب حيث شمل النص الفكر والمعنى والتصوير والاحساس. بنكهة الابداع فصفقوا معي قبل وبعد الوقوف امام هذه القصيدة للشاعر محمد المجول.



شعر/ محمد المجول

ياجنون الشعر هبي وإضربي أسمى المعاني=دقي أجراس القصايد وإكسري روس الأسنه.
دندنوها دندنوها تونا والليل داني=ولعوها نار تحرق كل محصول إحصدنه.
عزي لمنهو تعزوا في رفيقه والعواني=ولا لقا أحد(ن)يلبي والمدامع يذرفنه.
أحمد الله دام عزي يوم ربي عز شاني=أنطح كبار المصايب والخوي أذود عنه.
أحمد الله إني يامي قاتل الأبن الجباني=وإن خوالي هم عتيبه لاأقبل الموت إشربنه.
التخاذل والتباهي يعكس إصور الطماني=الكريم يصد عنه والبهايم يتبعنه.
يارفيقي دوك فنن لاكتبته ماعصاني=شي(ن)أكبر من ديار الجن وعلوم الأجنه.
طفل(ن)أصقه ماهو أبكم لاتركته ثم دعاني=لا سألني صاحت أمه من قهرها بألف ونه.
لاقدرت أفهم سؤاله وإن بكيته مابكاني=والغريبه دمعي ودمع العجيز ضحكنه.
مد لي من كاسه اللي لاشربته مارواني=وإن نصيته قام يبعد تحسبن كن فيه جنه.
لاطلبني ماخذلته وإن طلبته ماعطاني=وإن بنيته ماسكنته والخلايق يسكننه.
لانثرته فاح طيبه وإن جمعته صار فاني=إن حفظته بان عيبه وإن فضحته زاد فنه.
عاشق طوال الدقايق كاره قصار الثواني=أسعد أيامه إيلا من شاف ناس(ن)يبكينه.
لاتفنن لاتسلطن جدد جروح الغواني=وإن توجد قام حظه والقوافي بشرنه.
أبعد من سهيل مني عايشن بين المحاني=لانشدته فزت طوال الليالي يكتبنه.
وإبتدت قصه غرايب رحلتي بين المواني=قلت له أكتب حروفك بين نار وبين جنه.
قام يكتب من دموع الناي في صمت الأغاني=من حروفه شفت نار(ن)من بردها جاورنه.
يامجندلت الرؤوس الجلف والليل يحداني=سوقي النفس الجسوره فاالليالي المرجهنه.
ياملاعبة الأسنه ياالمغيره ياالكناني=والله إني لدخل التاريخ وكفوفي تسنه.
مال كسرى في يميني ومال قيصر ماكفاني=ومال فرعون الزماني ماخذينه غصب منه.
لايغرك عيشه الرغد الهنيه والمباني=لا تحسب إن الليالي من رخاها غيرنه
حنا صبيان القنازع لايغرك شي ثاني=لا إرتكينا للثقيله والله إنا نوصلنه
دندنوها دندنوها تونا والليل داني=ولعوها نار تحصد كل محصول إحصدنه.

وقد سبق نشر القصيده على هذا الرابط :

http://www.alajman.net/vb/showthread.php?t=42597


_____________________


ومع الشاعر فهيد بن عصيدان على هذه الصفحه :

http://www.alwatan.com.kw/Default.as...092&pageId=335

تحت هذه القوافي يعزف الكثير من روائع ونواد المعاني.. انه الحاضر الغائب الذي يغيب واللهفة معه، ويحضر ليحضر الجمال معه، انه فهيد بن عصيدان الشاعر الجزل الذي كلما اكرم الملتقى، اكرمناه بالمساحة والتقدير لانه شاعر يستحق الاهتمام، فتذوقوا مع ابن عصيدان

شعر/ فهيد بن عصيدان

الهم متكود علي والسعد ماش=والصدر ضاق وخافي السد مفتوش
الهم خلا الفكر شايش ومنداش=وكني من الهوجاس والحزن مربوش
اسهرت عيني والدمع هلته كاش=والكف من كثر الدمع كنه منقوش
دقات قلبي كنها صالي اكلاش=والصدر لهمومي غدا بيت مفروش
وسريت رجلي صوب ما يتعب اللاش=ما رح أمشيها على كاشي الحوش
للي هيويه تنعش الخافق انعاش=أعن له لا شاش قلب العنا شوش
وهبت على الريح واستبرد الجاش=وامطر على فكري من الماضي ارشوش
ذكرت كيف الوقت طاغي وغشاش=الوقت غابة واقشر اسنينه اوحوش
يالوقت فيك الحاكم وفيك فراش=تكبربك اكروش وتصغر بك اكروش
فيك انتهى من كان ظالم وبطاش=وانهان بك صدام واعتزبك بوش
فيك الولد يكسب ويطغى على الباش=والبنت تلبس من ميالتك طربوش
ويالحظ قلي لامتي وأنت تنحاش=لا جيت صوبك كنك خايف ومخروش
تنص الردى اللي على الهون يعتاش=والا لمثلي ما لفي منك مطروش
ويالحب خليت العشاشيق بلاش=وعز الله اني فيك مبلى ومبلوش
مع الذي بالزين ما هوب يناش=واقصى معاليق الحشى ناشها نوش
إليا تثنى حط فالعاقل اخراش=ما كنه إلا كنه إلا بكرة مقدم لبوش
وإن لد بي ضرب على وجهي افلاش=الوجه كنه شمس واظلاله ارموش
يا صاحبي والعمر مره وينعاش=وان كان ما عشته معك راح بلّوش
تروى وتظمى منك اقلوب اعطاش=ومنك تهامي دمع واهتزت اعروش
البعد يضميني ووصلك لي انعاش=البعد كشره والوصل وجه مبشوش
بقولك كلمة لها وقت فالجاش=بقولها والكفّ بالدمع منقوش
فالحب مغشوش وفالحب غشاش=والهقوة إني صرت فالحب مغشوش

تاريخ النشر: الجمعة 23/3/2007

[ناصر بن فالح]

الله الله

صح لسان ابو عبيد وفهيد

شعار اعتدنا منهم التالق

نسال الله التوفيق لهم

ولاهنت يا ابن حجرف على هذا النقل المتميز

[مــقــدام]

يعطيك العافيه على النشر السريع
وصح الله اللسانهم والله يوفق الجميع

[نسل الطويل]

صح السنت شعارنا المبدعين




ولا هنت يا بو عبدالله على النشر

[نـاصـر]

السلام عليكم ورحمة الله وبركاته

صح لسان شعرائنا المبدعين

وخير من إمثل المنتدى

الله لايهينك يابو عبدالله على نشر الخبر

[فلاح بن ملبز]

السلام عليكم ورحمة الله وبركاته

صح لسان الشاعر / محمد المجول ، ولسان الشاعر / فهيد العصيدان

على ذا القصايد الجزلة

وسبقتني يا ابو عبدالله

والله لايهينك

[الاحرش]

الله الله

صح لسان ابو عبيد وفهيد

شعار اعتدنا منهم التالق

نسال الله التوفيق لهم

[فيصل بن حجرف]

السلام عليكم ورحمة الله وبركاته

مرحبا ومسهلا بالجميع

والله لايهينكم على المرور والمشاركة

وكل التوفيق لأخواننا الشعراء