بدون عــنـــوان (المارد الشعري)

[فلاح بن ملبز]

بدون مقدمات (المارد الشعري)

الصدر ضايق وصبري يا حسن طوّل=ودي أغادر ولو في وسـط غواصـه


انـا اشهدنـي مااحـب العالـم الأّول=ماغير كاسِ يابـو ماجـد ورقاصـه


حضـاره زايفـه واعـلام مـهـوّل=حتى البزر يرضع الوسكي بمصاصـه


صحيح فيها الجمال وجوهـا يهـوّل=وقفِ لاهلها وحنـا بـس بصاصـه


شفي مـع لابتـي شيبـان ومعـوّل=ربع نهار الوغـى للـروس قناصـه


نصبر على الحرب ونصاليه لاطـوّل=وقت مضى محتمين هجـر وخلاصـه


حنا هـل الطايلـه ذلحيـن ومنـوّل=من طاح في نحورنا يا صعب مخلاصه


صغيرنـا يحتمـي الميقـاف لاحـوّل=لو الفخر وسط جوف البحر لاغاصـه


للكايـده نتعـب الرجليـن ونهـرول=يوم ان ولد الـردي رجليـه لواصـه


نتعب على الطيب لجل المركـز الاول=ندعس طريق الخطر ماقيل حواصـه


عن لابتـي نايـب للشعـر ومخـوّل=قصيدي الجزل جلسني علـى ماصـه

الشاعر / محمد بن الذيب (المارد الشعري)