مرثية محمد بن راشد بن الذيب في صدى الحرمان

[ابو راكان *]

وسر يا ليل وانته ليل وحسابك على السهــــــــران=أعلمك .. الحياه .. ومرحلتها الإنسيابيــــــــــــة
على وجه البسيطة..أفرق الماضي من المليــــــان=وأغني لي ببيت وتنتحر.. عشرين حوريـــــــــة
وبعد هبّت على خشمي هبايب موسم الأحــــــــزان=تنحرت القصيد..اللي تبكّيني معانيّــــــــــــــــــــه
أنا عز الله إني..ما نسيتك يا صدى الحرمـــــــــــان=لو إن مابه علاقة غير حب الخي للخيـــــــــــة
تجمّعنا مساحات الأدب..والحزن والقيفـــــــــــــــان=وتربطنا تقاليد العرب..والشيمه الحيــــــــــــــة
كثر ما الهم في قلبك..ديون مالها ديــــــــــــــــــّـان=أحس الكون في عينك..حكومة دكتاتوريــــــــة
أشوف إن في قصيدك سلطة الحاكم على الرعيان=ولو تزعل..حركات التذمر الانفصاليــــــــــــــة
أنا لي بنت فكر من وصلها علمك مسيّـــــــــــــــان=وطاها ما وطى قلب اليتيم فــ أمه وبيّـــــــــــه
لو أن ما يرهب الشجعان..لا من فرّوا الشجعــــان=سوى صهلة خيول القوم ودموع السنافيّـــــة
أي والله ببكي وبنثر دموع المعرفة من شــــــــــان=تعابير الغلا..والقلب الأبيض..والمحنيّـــــــــة
وأنا لولا الأحاسيس النظاف وصادق الوجــــــــدان=نحرت خيول دمعي..قبل تاطىء..جفن عينيــة
لو إن ما أنتي بعجمية تعازيها على العجمـــــــــان=لكنك في عيوني..أقرب من الفين عجميـــــــة
لو إن ما أنتي صحابية لها بين الصحابة شـــــــان=لكن عندك من أخلاق..أم عمّار الصحابيــــــة
لكن يا قلب ياللي فيك..غصن يابس وذبـــــــــــلان=لا تبلش في السنين المقبلة والأولانيـــــــــــــة
اهي مثل الأديب اللي توفى ظامي وجيعـــــــــــــان=توفى واكتفت كل القبور الإرتوازيـــــــــــــــــة
وأنا مثل العزيز اللي يعرف إن الفقير إنســــــــان=ولكن عذره من الله الأوّل..ثم مخابيّــــــــــــــة
وهي تدري ما فيه أقسى من مفارق ربى الأوطان=سوى اللي ينكر أن الجمر يحرق رجل واطيّة
وأنا اللي ما عرف نعمة تساوي نعمة النسيــــان=ولولاها..غدت كبد البنادم..جمرة حيــــــــــــــة
عليها من تباريح الحزن آية من القــــــــــــــــرآن=ويلهم أهلها صبر النبي عيسى و حواريّـــــة
وسلامتكـــــم
مرثية الشاعر/محمد بن الذيب العجمي

اتمنى ان تكون المشاركه حازة على رضاكم
اخوكم الفقير لله:
متيـــــــــــــــــــــــــــــه العشـــــــــــــــــــــرا

[راعي الشقحا]

الله الله عليك .. تسلم على النقل الطيب ..



وصح لسان شاعرها بن الذيب ..

[غترة محمد بن الذيب]

مشكـــور متيه العشرا على هالقصيده للشاعر
محمد ابن الذيب

[gravity]

السلام عليكم ورحمة الله وبركاته

وأنا لولا الأحاسيس النظاف وصادق الوجــــــــدان=نحرت خيول دمعي..قبل تاطىء..جفن عينيــة
لو إن ما أنتي بعجمية تعازيها على العجمـــــــــان=لكنك في عيوني..أقرب من الفين عجميـــــــة
لو إن ما أنتي صحابية لها بين الصحابة شـــــــان=لكن عندك من أخلاق..أم عمّار الصحابيــــــة

الاخ الفاضل / متيه العشــرا

اشكـــــــــــــرك كل الشكر على نقل هذي القصيده الرائعه للشاعر الكبير/ ابن الذيب

صح لسانك وصح لسان ابو راشد ...

سجل فائق الود والاحترام ...

والله يرحم صدى الحرمان

أختك : السولعيه

[دندونة الكويت]

صح لسانه الشاعر محمد بن الذيب على المرثية

يعطيك العافيه اخوي متيه العشرا على القصيدة

عساك على القوه

[شرس]

متيه العشرا

صح السانك ولسان شاعرها

ومشكوووور على النقل الرائع

ولك كل الشكر والتقدير

[سمـــوم]

سلاااااااااام


صح لسااان الامبراطور ((ابن الذيب))

من اجمل المرثياات ورحم الله صدى الحرماااان


ويعطيك الف عافيه اخوي متيه العشرا على النقل ..

[الاحرش]

صح لسان الشاعر/ محمد ابن الديب



ولاهنت


متيه العشرا على النقل

[ابو راكان *]

واوعدكم بكل ماهو جديد
اخوكم الفقير لله:
متيــــــــــــــــــــــــــــــــــــــــــه العشـــــــــــــــــــــــــــــــــــــــرا

[فلاح بن ملبز]

صح لسان الشاعر/ محمد بن الذيب

ويعطيك العافية يا متيه العشرا على النقل الرائع

ولك جزيل الشكر