الأحسان يجزى بالأحسان

[راعي المشعاب]

هذه القصه حقيقيه ويحلف راويها انها حقيقيه مؤخوذه من مصادر موثوقه
المهم في هذه القصه سوف نذكر اسماء مستعاره وليست الحقيقيه اليكم القصه .
الاخ الكبير>> فهد
الاخ الصغير>> محمد

هذه قصه حصلت في اواخر الستينات لشخص من قبيلة حرب هذا الشخص اسمه محمد وله اخ اكبر منه اسمه فهد .
حياتهم كالاتي :
يقوم محمد الفجر ياخذ التنكر ويروح يروي ويجيب الماء للابل كل يوم على ذا الموال .
وفي مره من المرات في الليل كان محمد معود لبيته وكان شاري دبس وتمر لاهله وفي الطريق شاف له شايب منسدح على الطريق قال شعندك ياعم منسدح اهنا قال انا طرقي (( مسافر )) قال حياك اقلط عندنا انت ضيف .
قال لا انا عجل لازم امشي ذا الحين بس ناقصتني دراهم .
قاله محمد انا والله ذا الحين ماعندي دراهم لكن بعطيك ذا الدبس والتمر وبعطيك بشتي عشان يدفيك من البرد .
وافق الشايب على العرض ودعا له الشايب وقال جعلها تفرج لك كربه ان شاء الله .
راح الشايب في سبيله وعود محمد لبيته يفكر بذا الشايب . المهم رقد محمد ما يسمع الا صوت فهد اخيه الكبير .
وينك يامحمد لا ذا الحين وانت راقد في حضن مرتك كم الله ياخذك رح ارو لنا التنكر
((يعني اجلب لنا الماء)) >>> هههههههههه
المهم طلع محمد مستعجل ونسى ياخذ ابرة السكري ولا كلا شي وركب التنكر وحرك .
الوكاد يوم انتصف الطريق والا التنكر يقول هذا مكاني (( يعني خرب التنكر ))
والمسافه بعيد مايقدر يرجع مشي .
مع الارتباك والخوف من اخيه الكبير حس ان السكر هبط عنده .
قال هاااااااااا ارجع بس المسافه بعيده قال اخاف ارجع ثم اموت تقعد الكلاب والحصانيه تطمر على جثتي .
فكر شيسوي قال ما فيه الا استعد للموت وانسدح داخل التنكر وكان برررررررررررد .
انسدح محمد ورقد !!!!!!!!!!!
ورأى رؤيا في المنام
{ ترى القصه ذي كلها علشان الرؤيا }
توقعوااا شنو شااااااااف في الحلم













شاف الشايب اللي عطاه الدبس والتمر والبشت .
يقول شفت الشايب قاعد يلقمني التمر والدبس واحس اني شبعت وقالي هذا بشتك تدف فيه من البرد .







ساعه او اكثر او اقل ما ادري .
قام محمد وعندما روى القصه التي حصلت له يقول والله الذي لا اله غيره ان الدبس منكب على ثوبي
ويقول انا رقدت والجو بارد واحس اني كأني توني شال البشت من ظهري من الدفا اللي حسيته

واعتدل السكر وعود لاهله مشي وبعدين ما دري شصار .........



وهذا جزاء الاحسااااااااااااااااان



كما قلت في بداية القصه ان الاسماء مستعاره لكي توضح القصه .




والذي نقل لي القصه يحلف ان القصه حقيقيه وان صاحب القصه حيٌ يرزق


عسى القصه تنال اعجابكم

[м8ąĐїṜ]

لاهنـــت ياراعي المشــعاب على القـــصــه الرائعه

لــك تحيتـــي وتقــديـــري

[فزاع]

يعطيك العافيه
ولاهنت على القصه الرائعه

[المها]

والله انها قصة قوية وتقشعر لها الابدان ....
سبحان الله ...
من فرج على اخيه المسلم الله يفرج عليه كربته في الدنيا والاخرة ....

جزاك الله خير اخي الفاضل والمميز .. راعي المشعاب ...
على هذه القصة الرائعة .....
كلها عظة وحكمة واخلاق قيمة بالفعل ....
ولك مني اجمل واطيب تحية وتقدير لشخصك المحترم ...

[الفهد10]

مسيتوا بالخير _ العلم الطيب مايضيع ولا يتحسف راعيه

[راعي المشعاب]

بركان
رمان
المها
الفهد 10
لاهنتوا على حضوركم وتواجدكم الذي اسعدني
لكم خالص تحيتي وتقديري

[بقايا الأسكيمو]

يا راعي المشعاب قبل تنقل أي سالفه إقرأها أكثر من مره, لأنه مايصير إبرة سكري في الستينات, والثانيه إبرة السكري تخفض السكري ما ترفعه والرجال صار عنده هبوط , وثالثا حدث العاقل بما يعقل (باقي الدبس منكب على ثوبه ) وين قاعد يا أخي ترى ما حنا بمهبل تقعد تخربط علينا.
نصيحه لا تقعد تسولف ذا السوالف في المجالس ترى راح تفقد مصداقيتك ولا يعتد بك ولا بقولك وأتمنى أن تتقبل هذا الكلام بسعة صدر
والسلام عليكم

[راعي المشعاب]

اخي بقايا الاسكيمو
انا ذكرت في اخر القصه ان الرجل صاحب القصه حي يرزق واللي نقل لي القصه يحلف ويقوله صاحب القصه وهو يحلف كذلك .
والرجال لكذب الرجال تراها كايده
وانا ماراح ارد عليك اكثر من كذا لانك داش معصب ما ادري ليه ؟
وانا يكفيني ان الاخوه اعضاء المنتدى اللي قراو القصه قبلك انهم اثنوا عليها وكل الشكر لهم .

[ذيب الكويت]

تسلمون على القصه الرائعه

[راعي المشعاب]

ذيب الكويت
تسلمون على مرورك الكريم