شفتك على كتاف الرجاجيل نايم =وشفتك مغطى بالعلم قلت بردان
يبه هو حزني داخل القلب حايم=قلت أشعل دموعي وأخليك دفيان
صوتي يبه من بين الأحزان عايم=لو أصرخه تهتز من حولي جدران
أخــاف تقعد يا يبه وانت صايـــــم=وإنت قلت قعدني على صوت الآذان
تعبان ؟؟ تعبان أدري والتعب فيك دايم=تفرش ضلوعك حب وتكون تعبــــــان
للحين جسمك فوق الأكتاف نايم ؟=وانت الذي قامت على أكتافك أوطان
إنت العزيمه لي حكوا بالعزايم=يا ما شعلت النور في ليل الأحزان
حتى الرمل في دفنتك صار هايم=من كثر ما وجهك يشع نور وإيمان
تنزل في قبرك والدعاء فوق قايم=كل الاوادم صاروا قلوب ولسان
يالله يالله ترحم منو طفا الظلايم=اللي شعل عمره وسط عمر الإنسان
سالم سيـار
24-01-2006, 09:41 AM
العرض العادي
