قصيده في قبائل الجزيره العربيه

[عجمي ولد ناس]

يالله ياخالـق اراضـيـن وابـحـار
الـواحـد المعـبـود رازق عبـيـده

الخالـق الغفـار عـلام الاســرار
وفرق شعوب الارض فـي كـل يـده

وابدي واسولف من عذيبات الاشعـار
ابيـات شعـر والمعـانـي وكـيـده

اشري وابيع واعـرف كيـف بختـار
واختار من جـزل البيـوت الفريـده

وذ كرتراث وعـز وامجـاد وافخـار
قبائـل تـومـن بـديـن وعقـيـده

وصلت حضارتنا على سطح الاقمـار
ابنـا الجزيـر والجزيـره مجـيـده

في ظل حكـام لهـم فعـل واشـوار
ال السعـود اللـي تفـك الضهـيـده

نسل الزعيم الحاكـم العـادل البـار
مجـدد امجـاد الجـزيـره بجـيـده

حتى اصبحت حره وحنا لـه انصـار
في ظل اخو نـوره هنـوف سعيـده

وصارت لابو تركي بطولـه وتذكـار
والفخـر والامجـاد تبقـى شهـيـده

وخلف لنا املوك لهـم فعـل واخبـار
الشعـب واحـد والقيـاده رشـيـده

والامن بانينه علـى سـاس وجـدار
وقرو علـى العابـث عقوبـه شديـده

وحنا حماة الـدار مـن كـل غـدار
ومـا همنـا بطشـه وخبثـه وكيـده

قبـائـل مالحقـنـاهـم اوعـــار
وعشنا بهذي الـدار عيشـه رغيـده

والحمـد لله نحمـده سـر واجـهـار
شعـب تكاتـف مـن سنيـن مديـده

ودون الوطن جيش على كـل معبـار
لارفـرف البيـرق ونـادى عقـيـده

بشرق البـلاد وغربهـا دوم حضـار
وارض الشمال اللـي نفـوده مديـده

وارض الجنوب اللي تخيضر بالاشجار
جزيـرة فيـهـا القبـايـل عـديـده

ارض بها قحطـان وافيـن الاشبـار
وياعـز منهـم بالشـدايـد بسـيـده

واذكر عتيبـه يـوم للطيـب مغـوار
لا ثـارت الهيجـا وقـرب ضديـده

وشمر هل الطولات والجـود مقـدار
اهل الكرم واهـل الفعـول الحميـده

وقوم اعنزه مروين الاخصام الامـرار
اولاد وايـل مـن عصـور عهـيـده

ومطير قوم تكـرم الضيـف لا زرار
وياويل خصـم فـي حراهـم وعيـده

واذكر قبيلة حـرب يانعـم الاخيـار
وتاريخهـم يحكـي سطـور مجيـده

وسبيع نعم القـوم ووجيـه الاسفـار
زبن الدخيل ليا زبـن مـن طريـده

واذكر قبيلـة يـام والطيـب ينـدار
اهـل العلـوم الوافـيـه والرشـيـده

ثم الدواسر تجعـل الخصـم منهـار
عيـال زايـد عـز منهـم سنـيـده

ثم السهول اللي لهـا الطيـب مـدرار
وعن منهج العـادات ماهـي محيـده

ثم اذكـر العجمـان حمايـة الجـار
والمرجلـه والجـاه فيهـم عتـيـده

واذكر بني مـره طويليـن الاعمـار
مـا ينقـد المـري ولا لـه نقـيـده

ثـم الهواجـر لابـة تقـدح الـنـار
اهل الركـاب اللـي خطاهـا بعيـده

واذكـر بنـي خالـد قبيلـة وامـار
قوم لهم في المجـد قـول ورصيـده

وبني تميم اللي لها الطيـب مصـدار
بنـي تميـم وكـل فـعـل تجـيـده

ثم الزعوب اللي بها الخصـم يحتـار
شجعـان ماترضـى سـوا ماتريـده

العازمي وافي وفـي الطيـب بيطـار
روحه على كل المصاعـب صميـده

ثم الظفيري فـي المصاعيـب جبـار
والطيـب والامـداح باصلـه وطيـده

ثم اذكر الاشـراف بجـلال واكبـار
اهل الحجـاز اللـي تفـك الزهيـده

ثـم الهذيلـي لـه مواقـف ومنـدار
راعي الفخر راعي العلـوم السديـده

ثم البقوم اللـي لهـم جيـش وامهـار
ريف الضيـوف ليـا لفاهـم وليـده

واذكر ثقيف اللي لهـم مجـد وآثـار
ومهمـا حسبنـا مـن كـلام نعيـده

وبلحارث اهل العز بشهـود واقـرار
ا لحارثـي ياطيـب فعلـه وجـيـده

والمالكي معروف لا صار مـا صـار
في موقف اهل الطيب يبـذل جهيـده

واثني تحياتي عـدد وبـل الامطـار
علـى سليـم وكـل خصـم تكـيـده

واذكر جهينـه هـل مواقيـف وادوار
تلقى الجهينـي راسـم الطيـب بيـده

واذكر بلي والمجدلـه فعـل واظهـار
وتاريخهـم يحكـي فعـول فـريـده

وبني عطيه فـي المواجيـب حضـار
قـوم بوقـت الجـد قــوم عنـيـده

ثم الحويطـي والكرامـه لـه اشعـار
ثـم الشـراري لـه فعـول مفـيـده

ثم الرشيدي فـي الصعيبـات صبـار
علـى علـوم الطيـب فعلـه يزيـده

وباقي جنوب الـدار والقـاف مـادار
باقـي علـى قلبـي كـلام واشيـده

زهران نعم القوم في وقت الاضـرار
والخصم عينـه مـن لقاهـا سهيـده

والغامدي معروف له عزم واصـرار
راعـي المراجـل والعلـوم المفيـده

وشمران قوم والجمايـل لهـا اطـوار
وبلقـرن ســم للقـلـوب النكـيـده

والاكلبـي والمحلفـي مابعـد بــار
والحارثـي طيبـه وفعلـه يشـيـده

وبني شهر وبني عمـر سيـف بتـار
قـوم علـى الاخصـام نـار وقيـده

والاسمري والاحمري صيتهـم سـار
بيـن القبايـل والمواقـف شهـيـده

واذكر عسير الهول ذربيـن الاذكـار
وابهـا احتموهـا فالسنيـن الشديـده

وادهم والصيعر علـى حـد الاقطـار
يحمون حد الدار مـن اللـي يريـده

وامشي مع الساحل مع جملـه افكـار
رسمتهـا والطـيـر زان اتغـريـده

وانزل على جيـزان تاريـخ واديـار
ورجـال فيفـا والقبـايـل عـديـده

وارجوا العذر واهل المواجيب عـذار
الي نسيتـه مانذكـر فـي القصيـده

الواهبـي عـدد ابيوتـه بــالادوار
مـن شاعـر ماشـل قلبـه حقـيـده

شهران ربعي هم هل المـدح والكـار
واهل الكند واهـل السيـوف الجديـده

يـوم البلـد مايامـن الزنـد لاثـار
زيزومنا ابـن مشيـط نعـم الوليـده

فالجهل شجعان وفـي السلـم تجـار
مـن بطـن بيشـه للتهـم لارفـيـده

حبيـت ابيـن موقفـي بيـن شعـار
وارجوا سموحتكـم علـى ذا النشيـده

ماحـب انافـق واتعنصـر تعنصـار
ولا ني باطيع اهـل العقـول البليـده

ما كل من طب البحـر قيـل بحـار
وما كل من شل الفشق جـاب صيـده

فالشعـر بستـان بـه ورد وازهـار
واللـي تعـداهـا بيـوتـه فقـيـده

واقولها في الشعـر تكـرار وامـرار
ضرف بـلا عنـوان يلغـى بريـده

وبعض السوالف له مواقف ومحضـار
وشعـر بـلا معنـى لـزوم نبـيـده

وصلوا على المرسول شفاع الابـرار
محمـد الهـادي وقــدوة عبـيـده


منقول من الشاعر طلال العتيبي

[ابن الاجواد]

عجمي ولد ناس

كل الشكر لك

ونعم في قبايل الجزيرة العربيه كلها



ابن الاجواد

[عبدالله بن ذروه]

بيض الله وجهك أخوي ((عجمي ولد ناس))

على هذه المشاركة الفعالة و الطيبة من طيب والله أني صادق

و الله لا يهينك

أخوك :: عبدالله بن ذروه

[عجمي ولد ناس]

حياكم الله يالذيابه

[فارس شمر]

عجمي ولد ناس

لاااهنت يالذيب على القصيده الرائعه

تحياتي

[فاشق]

صح لسانه
بس شقومه ماجمع قبايلنا في بيت واحد العجمان وال مره وخلاهم يام

جعل راسه البندق

[قاشان]

الله لا يستحي منكم الكلب عند باب اهله عزوم
انا اشوف كلا يدخل ويرد في منتدانا ولا احد الغى مشاركته لكن الظاهر انكم ضعاف نفوس
وتحبون المدح من كثر ال========
ماانتوا كفو ظيفا مثلي يسير عليكم
والمنفشق يبا له من يستره يالعجمان والحميا معه ماتطلق وجيهكم

[نايف الدوسري]

المشاركة الأصلية كتبت بواسطة فاشق

صح لسانه
بس شقومه ماجمع قبايلنا في بيت واحد العجمان وال مره وخلاهم يام

جعل راسه البندق

يااافاااشق: الحين الرجال - الله لايهينه - يمدحكم بأبيتين وانت تدعي عليه


وش جااك منه....؟ هذا والله من طيبك يافاشق

والسلااااام ختاااااااااام

[عبدالرحمن الرتيبان]

لاهنت اخي العجمي

[ولد شمر]

عجمي ولد ناس صح لسانك ولسان الشاعر طلال العتيبي