محاوره &&ضيدان بن قضعان وسلطان الهاجري

[عيد بن شدقان]

محاوره رائعه حصلت بين الشاعرين الكبيرين
ضيدان بن قضعان
وسلطان الهاجري
ويمارسان شغبهما الطريف بابيات قويه وتجسد شاعريتهما الكبيره

سلطان

قم ياصاحبي ضيدان جر اللحون=واعتبر كل واحد نجدته من يده
تحسبنك علي في كل ساعه تمون =لين شفت السما برقه يدف ارعده

ضيدان

منتك في الشحم والا على المكريفون =من عميل اليا وعد يجي فوعده
ال عرجا من ادنا شي مايزعلون=مير لا ازعلتهم ظفيرين ومقرده

سلطان

ال عرجا كفو لكن لا يبلشون=بحرنا لالتطم موجه يعوم زبده
مير بلغ قبايل يام ولا تهون=راح بوش الابو والطق عند ولده

ضيدان

بعد دار الهوى الغربي وادرنا العيون =كل مازال عيد يجيك عيد بعده
ياوساع الصدور وياكبار البطون=علمو حلف اوسلو لا يجيب جهده

سلطان

كثرت انعام ربي وامتلن الصحون=ارفع ايدك لوجهه واشكره واحمده
ناس ما ياكلون وناس مايشبعون=وناس عن طرقة العساس ماتنشده

ضيدان

شدد الحرف ولا سكنه بالسكون=التلاميذ ياسلطان متعوده
مثل ماعاشت الجما مع ام القرون=شطر بيت ماعيده لو تقولي عده

سلطان

قلت ابسالك والجمهور لا يسمعون=قال خل السؤال شي على حده
لا تضيع العلوم ولا تخيب الظنون=من هو اللي يحر البحر ويبرده

ضيدان

اتصل بي بعد بكره على التيلفون=وخذ منا بدل الجيده جده
ياهواجر ترا لاهم ولا يحزنون=ابن وسام يقصد شين مانقصده

[]¦[العجـــمي]¦[]

أخي العزيز : ذيااااااااااااااب

مشكور يا الغالي ولا هنت يا شوق البنت

على هذه المشاركه الرائعه والمميزه

التي تجمع بين شاعرين كبيرين مثل أبن قضعان وأبن وسام

يعطيك الف عافيه وبيض الله وجهك


تقبل مني خالص التقدير ووافر الإحترام

أخيك : ]¦[العجـــمي]¦[

[عـزام]

ردية جميله بين شاعرين مبدعين

لا هنت يا السنافى على الاختيار الرائع


الولهان

[محمد أبو زيد]

الله لايهينك ياذياب على الاختيار , محاوره جميله

احتيار موفق لاهنت يالذيب

[صـــمتا]

لاهنت اخي الكريم (( ذياب )) على المحاوره الطيبه بين الشعراااء بين ضيدان وسلطان

صح لسانهم وسلمت يمناك ..

اختك

بنت السلاطين

[تايه الغربه]

لاهنت يا ذياب يا الغالي

وصح السان ضيدان بن قضعان
والسان الهاجري

[السامر]

الاخ الشاعر\ ذياب

لاهنت على النقل .. والاختيار الموفق

ننتظر الجديد

تحياتي

السامر

[عيد بن شدقان]

العجمي
وجهك ابيض
لاهنت
يالقرم
واشكرك على المرور

[عيد بن شدقان]

الولهاان

مرورك الرائع
ولاهنت يالقرم واشكرك على المرور

[عيد بن شدقان]

شديد الباس
لاهنت يالقرم
واشكرك على المرور