السلام عليكم ورحمة الله وبركاته
وكل عام وانتو بخير وصحه وعافيه
قصيده لخالد بن محمد العتيبي
لعلها تشفع الغياب
البقا لله والعمر وان طول قليل ...
والمنايا كنها النوم مايدرا بها
والرجال تصد وتشوم عن مد الذليل ...
لو على كفت بصرها وقطع ارقابها
والرخوم اتزاحم الذل في باب البخيل ...
لو على نتفة لحاها وحلق اشنابها
وانت اللي لك ورى العوج مدهال ومقيل ...
يامصلي بالمحاني على غيابها
زرتها مره وسنيت لك علم يهيل ....
واختصرت احباب عيني وصرت احبابها
ياجميل كاسب بي بهمساتك جميل ...
كيف وانت تمد يمنى زهت خضابها
لك كلام يضيف بحر مع اوزان الخليل ...
والك ضحكة جابت السحر مدري جابها
وجهك كتاب المحاسن ومع فل الجديل ...
ماتهجيت (الف) (باها) عشان اقرابها
وان طرت لي بحة الصوت والعنق الطويل ...
والثمان اللي بعمري لعل اعذابها
والنحر والخد والقد والخصر النحيل ...
والحجاج وشعل تذبح بسل اهدابها
والجبين وفارع الطول والطرف الكحيل ...
والوصوف اللي تدارى ولا يحكا بها
اعترفت انك محال ووصفك مستحيل ...
يابعد قدح المعاني ومن غنا بها
فيك شهد وفيك ملح وبك صبح وليل ...
والك خوف بالحنايا وفيك اعجابها
والك عدل في وصوفك ولا يمك عديل ...
انتهى حلو السجايا ومنك ابدابها
وان وفيت ابموعدك وانت عاداتك ثقيل ...
والذعاذع بشرت عنك وانت اطيابها
مقدمك وسمي ويوم من الشهر الفضيل ...
وانتظارك ليلة العيد وانت اولا بها
وانت لاتبدل بي الصد مامثلي بديل ...
لا تقافن الليالي وضاع احسابها
حالف اني ماتغير ولا بدل عميل ...
تضحك الايام ولا تصر انيابها
والله انك فالملحى عن العلم الهزيل ...
والعفاف اثيابه البيض من تزهابها
وقف في بنت الكحيلا ومن يصهل صهيل ...
مهرة سمى على الطيب من سمابها
وان تفارقنا والاقدار من حد الصقيل ...
وانتحيت وكل نفس رضت بعتابها
والله انك ماتعرض على نقال قيل ..
لين اوسد في لحدها وتحت ترابها
23-07-2012, 04:10 AM
العرض العادي
