ياللي غيابك غير و مقابلك غير
شف دمعي اللي في غيابك نثرته
قبل الفراق اقول : في دنيتي خير
ويومك رحلت احس قلبي كسرته
صدمتني في قولتك خير ياطير
لو جات من غيرك ضحكت وعذرته
هذي سنه ولا حصل ايّ تغيير
نفسي انا وإحساسي اللي نحرته
ذبحت حتى القلب ! وش ناطر يصير ؟
تبيني اكشف للبشر ماسترته
ياكثر هم اللي يحب المشاوير
و ياقل صبر اللي يبيك و نكرته
الموت لاحبيت لك واحد صغير
متفائل بقصة غلا و انتظرته
واذا كبر يعطيك لوعة وتقصير
وكم واحدٍ عشان عينه خسرته!
ماعاد لغيابك بقلبي معاذير
الله يحفظك وانت عمري دمرته
مابيك تذكرني اذا رحت بالخير
ش الفايده غايب وخيري ذكرته
مما راق لي ..~
15-01-2012, 10:55 AM
العرض الشجري