قبل لاتفتح الرساله وتقراها

[فهد الميع]

سلام عليكم

هذي القصيده لي انا وحاب انزلها عندكم واخذ ارائكم فيها

وعسى ان تنال وجودها فالصفحه التي سوفى ترتقي في مروركم وردودكم وتنال محل في قلوبكم

فقووول

قبل لاتفتح الرساله وتقراها
اعتذر لنفس ترى الموت جافيها
في يدينك بلسم الجروح ودواها
كلمتين ترتبها للقلب وداويها
لاتضن اني راح بغفي وبنساها
حشى لله في ضميري بخليها
لين ترد اعتباري من الي جاها
وحساب الي بيني وبينك نصفيها
والله لو يدري بها الكافر مايرضاها
تذبح الميت والجنازه تمشي فيها
لكن نفسي عزيزت(ن) من تغلاها
ماهو اي واحد(ن) يقدر يشريها
تعلمت القساوه من كثر صداها
ومن عزتي ناري محد(ن) يقاويها
لانته ولا غيرك يوصل مستواها
حتى انت ماتقدر انك تسويها
وانا ادري سوات قلبي ماتلقاها
قلب مفتوح من شرقيها وغربيها
ماضن غيري فالمحبين سواها
لو طلبت دموع عيني البيها
ولو طلبت عيوني لاعطيك اياها
كل هذا ياصاحبي وش تسميها
اذا ماتحسبها ولا تكرم لحاها
لا بله يحرم عليا ملاقيها
طال الصبر منك وطال مداها
مره وثنين وثلاث وانا اعديها
تكبر قلت ماعلي هذا هواها
بس مو معناته تاخذ اسمي وتطويها
ماني من الي يرخص النفس غلاها
تراني من قوم(ن) بعيد(ن) هقاويها
نجمها معتلي يلمع في سماها
يهاب الرجال لاسمع عزاويها
وانشد عنها ترى من دورها لقاها
معروفه في حاضر الدنيا وماضيها
لكن بعطيك فرصه وختار حداها
يأنك تسريها ولا انك تضويها
كلمت(ن) مني ابيك ترد غطاها
مثل ماولعتها ابغيك تدفيها
ورجع وقول قدام لاتقراها
اعتذر لنفس ترى الموت جافيها
وهذا بيت القصيد وفهد غناها
عسى لياء شفت جروحه تداويها

وسلامتكم

اخوكم

فهد حربي الميع العجمي