مرحبا كيف الحال
ماهي غريبه بالغلا يوم حسيت = مع الصراحه كل قاسي يليني
ابديت لك صدق المشاعر وغنيت = باحساس صادق وانت حسيت فيني
بنيت لك ابيات ,, وابيات هديت = وصورت لك محبتن تحتويني
على كثر مامعك حاولت واخفيت = تدري أبيك وادري أنك تبيني
الحب مثل الخير واضح لا حبيت = والله يديم الخير بينك وبيني
يعني من الله هالغلا يوم لي جيت = ومن الغلا لاغبت شوقي يبيني
لو لا العمد والساس مايثبت البيت = و لو لا الغلا ما كان شالتك عيني
مديت لي كفك ,, ويمناي مديت = وانا بدون شعور جاتك يميني
انا عشانك كل ما قلت سويت = يا كثر ما سويت والله يعيني
من زود حبك ,, وانت وياي وفيت = أحس ما خلصت وياك ديني
أن قلت أبنسى لا تفكر تناسيت = أشلون ابنسى معك احلا سنيني
ارتاح لامن جيت وان كانك اقفيت = تشتاق لمصافح يدينك يديني
على كثر ماشفت بالعين صديت = انت الوحيد اللي تناظرك عيني
سلامت قلوبكم
لشاعرها خالد محمد بن جبهان
العرض الشجري