سلمـان .. أقرب جاي .! :)

[ناصـر محمد المجروب]

السلام عليكم ورحمة الله وبركاته

.
.
.
.

سلام الله سلام ٍ مايجي به شكه وريبه=سلام ٍ لاسمعه الاولي عده على الثـاني
يابو ضيدان دونك ضلع في راسه عوى ذيبه=عسى الله لا يجيرك من نياب الذيب سرحاني

الله الله

[سلمان بن ضيدان]

وعليكم السلام ورحمة الله وبركاته


الله الله

هلا يا مرحبا من شاعرً معروف ترتيبه = كما رسم النصوب اللي تورّد كل ضمياني
أشوف الذيب لكنّي يابن مجروب وش لي به = أنا من علّمه يقنب ويطلع فوق ما باني

[ناصـر محمد المجروب]

الله الله

عرفنا ربنا بـ عقولنـا والنـاس تدريبـه
مكـاني فوق.. مد الشوف .. ما أظنك بـ تلقاني

يقولون العرب سيل الجبل يترك مجاري به
واشوفك راضي ٍ به وانت تشعربه وطربـاني

[سلمان بن ضيدان]

أشوفك غصن لا هبّت هبوب الريح تومي به = ولا أدري ليه يوم أنك غصن تبغي تحداني
ترى هذا الزمن دارت على ناصر دواليبه = يمين الله لا جيته مع الطرقه ولا جاني

[ناصـر محمد المجروب]

ترا انته عارفـ الدنيـا .. تلعثم في مشاريبه
وليا هبت هبايبكم تذود ظلالي .. وكاني

أجر الصوت طرباني وقافك قمت أغنيبـه
يلا لا داني وداني يلا لا داني وداني

[سلمان بن ضيدان]

أنا بنشدك يوم أنك تودّي العلم واتجيبه = وش اللي صار ( فالبشت الخضَر ) من بدع الألحاني ؟
من الخمسه أخذ واحد يابن مجروب تسري به = على وقتً مضى سرّيتكم واحد ورا الثاني

[ناصـر محمد المجروب]

ترا دونك جبل لو ينطحه شاعر .. ظهر شيبه
لو قرونك طويله واذنك اطول منت تقواني

هل البشت الخضر ( وجهك ) تصّبح به وتمسي به
بعد ما عافو الديره صهلت وتركب حصـاني

[بنت الزعبي ..]

وعليكم السلام ورحمة الله وبركاته

مبدأ كايف ياناصر

وصح ألسنتكم يالشعار ولا هنتوا

لا هنتوا

تقبلوو حضورى المتواضع

[سلمان بن ضيدان]

يا مرحبا يا بنت الزعبي .. وصح لسانك يا ناصر !!

ترى المرقاب ما كلً يبا القمه يعدّي به = وعلى قول المثل :- يا صاح ما يمديك تنساني
أنا وامحمد أبن عْرار حنا اللي معازيبه = على وضح النقا دايم نرجّح كل ميزاني

[ناصـر محمد المجروب]

علوم الطيب تفعلها وعلمك ذاك به عيبه
ترا الارشيف يشهد مامضى من ماض الازماني

صحيبك بان طيبه يوم كل ٍ مد من جيبه
عسى الله ما يواخذنا من المجنون والفاني

وصح لسـانك يابو ضيدان