بياعة كـــــــــلام

[حـــوران]

الســلام عليكم

بعد غيبة طويلة عن هالقسم المحبوب , رجعت بـ آخر قصايد هالشاعر المبدع
عسى ان ترتقي لـ آذواقكم

،

،

يابنت ياللي تبيعين الكلام=عينٍ ماترجيك لا ترجينها
منادمات المشاعر والغرام =صرفت عنها النظر من حينها
لعيون بنتٍ ليا حل الظلام=يسري غلاها على مغلينها
هيفا خواصر .. وممشوقة قوام=ما الله عطا قلبها من لينها !
لاعرضّت ماعليها الا اللثام=وأرخت هدبها ولدت عينها
خلت قلوب البشر مثل الحمام=يوم يتطاير تحت رجلينها

،

،



لو ان هدبها رصاصٍ في حزام =ماعوّدت لين تقضي دينها
واليا استدارت مثل ريم العدام =اللي اتلفت تحك بطينها
كنها من العام ماذاقت طعام=من فلسفتها ومن تكوينها
ان عوّد الغيم قالت : للامام =وان بانت الشمس قالت : وينها !

،

،


وان طبت الحفل وعيون الانام =مواكب .. يسارها ويمينها
تمشي من التيه كن بيض النعام=يحول بين التراب وبينها
من البدايه إلى مسك الختام =مافيه زينٍ يضاهي زينها
حتى المليحة مطيّرة المنام =اللي على اوّل ربيع سنينها
يازينها فالبيوت وفالخيام =وان وقفت جنبها ( ياشينها )!!

،

،


مثل انبهار الاناره فالرخام =تماوج الحسن في خدينها
اختينها وامها بدر التمام =وان جات بين امها واختينها
تفرق بخشمٍ محلّيه الزمام=من صنع ربي .. وصنع يدينها
ياعاذلين (اخذوا من العمر عام)=وخلوني اموت بين اثنينها
أوّل بشر قال للدنيا : سلام =(اللي بدينه يكمّل دينها )

وســلام
للمبدع دائما / مطلق بن شويه

[ناصر بن فالح]

الله الله

عليك وعلى مطلق

صحت السنتكم

[ناصـر محمد المجروب]

قصيده من العيار الثقيييل لشاعر من العياار الثقيل والثقيل جدا ً

اعجبتني اول ما نشرها واستمتعت فيها بالمختلف وزاد اعجابي بها لما وضعتها هنا ياحوران

برايفت / أحيان أشك إنك شاعر

لاهنت

[غنآتي]

[عكس قانونه]

الله لايهينك على القصيده

[رجـم بـذال]

يسلاااام



كاااايفه

صح لسان مطلق بن شويه


ولاهنت

[شعاع]

السلام عليكم ورحمة الله وبركاته



يابنت ياللي تبيعين الكلام
.........عيــــنٍ ماترجيــك لا ترجينها
منادمات المشاعر والغرام
.........صرفت عنها النظر من حينها


* * *


صح لسان بن شويه



ولاهنت ياحوران

[مـحـسـن]

يا سلاام

صح السانك ولسان شاعرها

ولاهنت على الطرح

[(سعد بن محمد)]

صح السانك والسان شاعرها مطلق

ولاهنت

[اعجمي]

حوران القصيدهـ فيها وصفن زايد عن حدهـ
ولا شدتني كثر ماشدني اسمكـ في هالصفحه

مرحبا مليار برجعتك ولايوفي

وصح لسانه وصحت يدك