انا بدوي ٍ ماني بمن قوم (باك) وقـوم (لـول)
ولانيب من يستشهد (بتذكار) و (منين ابتـدي)
اورّد الهرجه من علـوم النشامـا والزحـول
وان جيت ابستشهد من اذكار الصحابه مشهدي
والله لو ان المسأله على الاسامـي والفعـول
تلقى مكاني بالشعـر بيـن الثرّيـا والجـدي
لكنها تبغى فكر راقـي علـى شويّـة قبـول
والا تـراك بمعمعـة نظّامـة القـاف تغـدي
اقنص بنات افكار شعري قنصة الريم الجفـول
بنات فكر ٍ ِبكـر اطوّعهـا برايـي واجهـدي
متعوّد اقبل بالحلول ولااقبل انصـاف الحلـول
افكاري اخذها ِبكر توخذ مـن النـاس ابعـدي
شعري مميز فيك ياام الحسن والطرف الخجول
وان كان مالك معرفه بالشعر روحي وانشـدي
قولي لهم (سلطان بن بتلاء) سمعت انه يقول :
كذا كذا كذا كذا .. هـاك القصايـد واسـردي
اما يقولون ان ذا شاعر مـن كبـار الفحـول
والا بذكّي شعري المغمور واذبـح لـه فـدي
اخسر قصيد اخسر عمر عادي ولكن الحصول
على قليل من الغلا في خافقـك هـو مقصـدي
صح لسانه قصيده رائعه
وتسلم يمينك على النقل والله لايهينك
انتظر جديدك